web log free
January 24, 2021
editor

editor

இணையத்தளத்தைப் பயன்படுத்தி மிக சூட்சுமமான முறையில் நடத்திச் சென்ற விபசார விடுதியொன்று கல்கிசை பிரதேசத்தில் பொலிஸாரால் சுற்றிவளைக்கப்பட்டது.

இணையத்தில் பிரசுரிக்கப்பட்டிருந்த விளம்பரங்களையடுத்து முகவர் ஒருவரை பயன்படுத்தி மேற்கொள்ளப்பட்ட சுற்றிவளைப்பில் 03 பெண்கள் கைது செய்யப்பட்டனர்.

இதனையடுத்து பொலிஸாரால் மேற்கொள்ளப்பட்ட மேலதிக விசாரணைகளின் போது இது தொடர்பில் சந்தேகத்தின் பேரில் மேலும் 09 பெண்கள் கைது செய்யப்பட்டுள்ளதாக தெரிவிக்கப்படுகின்றது.

கைதாகிய பெண்கள் 25, 28, 32 வயதுடையவர்கள் என்பதோடு இவர்கள் வெலிமடை, பண்டாரகம, மாத்தறை போன்ற பிரதேசங்களைச் சேர்ந்தவர்களென அடையாளம் காணப்பட்டுள்ளனர்.

இவர்கள் தொழில் நிமித்தம் கொழும்பிற்கு செல்வதாக தங்கள் வீடுகளில் கூறி விட்டு இத்தொழிலில் ஈடுபட்டு வந்துள்ளனர்.

இவர்கள் நீண்ட காலமாக இத்தொழிலை மேற்கொண்டு வந்துள்ளனரென பொலிஸார் தெரிவிக்கின்றனர்.

திருகோணமலை- ஹொரவ்பொத்தானை பிரதான வீதி கன்னியா கற்குவாரி வளைவில் மோட்டார் சைக்கிள் வீதியை விட்டு விலகி விபத்துக்குள்ளானதில் இளைஞர் ஒருவர் உயிரிழந்துள்ளதாக பொலிஸார் தெரிவித்தனர்.

இச்சம்பவம் நேற்று (11) இரவு 10 மணியளவில் இடம் பெற்றுள்ளது.

இவ்வாறு உயிரிழந்தவர் புல்மோட்டை அரபாத் நகர் பகுதியைச் சேர்ந்த என்சிலூன் முஜிபுர் ரஹ்மான் (29வயது) எனவும் பொலிஸார் தெரிவித்துள்ளனர்.

உயிரிழந்தவரின் சடலம் தற்பொழுது திருகோணமலை பொது வைத்தியசாலை பிரேத அறையில் வைக்கப்பட்டுள்ளது.
 
விபத்து தொடர்பில் விசாரணைகளை உப்புவெளி பொலிஸார் மேற்கொண்டு வருகின்றனர்.

கொழும்பு நகரில் குடிசைவாழ் மக்களுக்கென புதிய வீடுகளை நிர்மாணிக்கும் வேலைத்திட்டம் தொடர்ந்தும் முன்னெடுக்கப்படுவதாக நகர அபிவிருத்தி மற்றும் வீடமைப்பு அமைச்சு தெரிவித்துள்ளது.

கொழும்பு மாநகரசபைக்கு உட்பட்டதாக 68 ஆயிரத்து 894 குடிசை வீடுகள் காணப்படுகின்றன.

இதில் 18 ஆயிரத்து 884 பேருக்கென புதிய வீடுகள் நிர்மாணிக்கப்பட்டுள்ளன.

ஏனைய குடும்பங்களுக்கு புதிய வீடுகள் விரைவில் நிர்மாணித்துக்கொடுக்கப்படும் என அமைச்சு தெரிவித்துள்ளது.

இதேவேளை நடுத்தர வர்க்கத்தினருக்காக முன்னெடுக்கப்படும் ஐயாயிரம் வீட்டுத்திட்டத்தின் முதற்கட்டமாக மூவாயிரம் வீடுகளை நிர்மாணிக்க நடவடிக்கை எடுக்கப்பட்டுள்ளது.

இதன் ஆரம்பகட்ட நடவடிக்கைகள் நாளையதினத்துடன் நிறைவடையவுள்ளதாக நகர அபிவிருத்தி மற்றும் வீடமைப்பு அமைச்சு தெரிவித்துள்ளது.

தமிழ்த் தேசியக் கூட்டமைப்பின் பேச்சாளரும் யாழ். மாவட்ட நாடாளுமன்ற உறுப்பினருமான எம்.ஏ.சுமந்திரனுக்குக் கொரோனா வைரஸ் தொற்று இல்லை என்று உறுதிப்படுத்தப்பட்டுள்ளது.

ஸ்ரீலங்கா முஸ்லிம் காங்கிரஸின் தலைவரும் கண்டி மாவட்ட நாடாளுமன்ற உறுப்பினருமான ரவூப் ஹக்கீம் நேற்று கொரோனாத் தொற்றுக்கு உள்ளானதாக அடையாளம் காணப்பட்டதையடுத்துத் தனிமைப்படுத்தப்பட்டுள்ளார்.

இந்தநிலையில், நாடாளுமன்ற வளாகத்தில் கடந்த 5ஆம் திகதி ஹக்கீமுக்கு அருகிலிருந்து கஞ்சி பருகியமையால் கொரோனாத் தொற்றுக்கு உள்ளாகியிருக்கலாம் என்ற சந்தேகத்தில் நேற்று காலை யாழ்ப்பாணத்தில் சுமந்திரன் எம்.பிக்கு பி.சி.ஆர். பரிசோதனை செய்யப்பட்டது.

அதன் முடிவு நேற்று இரவு வெளியாகியபோதே அவருக்குத் தொற்று இல்லை என்று உறுதிப்படுத்தப்பட்டுள்ளது.

இந்தத் தகவலை வடக்கு மாகாண சுகாதார சேவைகள் பணிப்பாளர் வைத்திய கலாநிதி ஆ.கேதீஸ்வரனும், நாடாளுமன்ற உறுப்பினர் எம்.ஏ.சுமந்திரனும் உறுதிப்படுத்தியுள்ளனர்.

 

மிகமுக்கியமான விடயங்களை, மிகச் சரியாக முன்னெடுக்க முடியாமல், அந்த விடயங்கள் எல்லாம் 'பெயில்' சித்தியடையத் தவறிய அரசாங்கம், கொரோனா வைரஸ் தொற்றைக் கட்டுப்படுத்தமுடியாமல் திணறுகின்றது என, ஐக்கிய மக்கள் சக்தி குற்றஞ்சாட்டி உள்ளது.

பாராளுமன்றத்துக்குள் கொரோனா வைரஸ் தொற்றின் நிலைமை மோசமடைந்து வருகின்றது. நிலைமையைப் பார்க்கும் போது, 224 பேருக்கும் கொரோனா வைரஸ் தொற்றிக்கொள்ளும் அபாயம் உள்ளது' என்றும் அக்கட்சியின் பாராளுமன்ற உறுப்பினர் திஸ்ஸ அத்தநாயக்க தெரிவித்தார்.

எதிர்க்கட்சித் தலைவர் அலுவலகத்தில் நேற்று (11) நடைபெற்ற ஊடகவியலாளர் சந்திப்பில் கலந்துகொண்டு கருத்துரைத்த போதே மேற்கண்டவாறு தெரிவித்த அவர், அரசாங்கத்தால் நாட்டு மக்களையும் கொரோனா வைரஸிடமிருந்து காப்பாற்ற முடியவில்லை எம்.பிக்களையும் காப்பாற்ற முடியவில்லை. அதாவது, பாராளுமன்றத்துக்கு உள்ளேயும் 'பெயில்'; பாராளுமன்றத்துக்கு வெளியேயும் 'பெயில்' என்றார்.

 ஒவ்வொரு முக்கியமான விடயங்களிலும் சித்தியடையத் தவறிய அரசாங்கமே, இந்த அரசாங்கமாகும் என்பதைச் சொல்லிக்கொள்வதில் அச்சமடையவில்லை எனத் தெரிவித்த அவர்,  அரசாங்கம் பொருளாதார ரீதியிலும் 'பெயில்', நிர்வாகத்திலும் 'பெயில்', கொரோனா வைரஸைக் கட்டுப்படுத்தும் செயற்பாட்டிலும் 'பெயில்' என்றார்.

 

ஐ.எஸ்.ஐ.எஸ் இற்குப் பொருள் உதவி வழங்கி, சதி செய்தமை உள்ளிட்ட பயங்கரவாதக் குற்றங்களுக்காக, இலங்கைப் பிரஜைகள் மூவருக்கு எதிராக, அமெரிக்க நீதித் திணைக்களம், குற்றவியல் குற்றச்சாட்டுகளை முன்வைத்துள்ளது என, கொழும்பிலுள்ள அமெரிக்கத் தூதரகம் அறிவித்துள்ளது.

இந்த முறைபாட்டுக்கு அமைய, 'இலங்கை ஐ.எஸ்.ஐ.எஸ்' என்று தம்மைத் தாமே அழைத்துக் கொண்ட ஐ.எஸ்.ஐ.எஸ் ஆதரவாளர் குழுவொன்றின் அங்கமாக, இந்தப் பிரதிவாதிகள் இருந்துள்ளனர் என, ஜனவரி மாதம் 8 ஆம் திகதி அறிவிக்கப்பட்டுள்ளது.

அமெரிக்க பிரஜைகள் ஐவர் உட்பட, 268 பேர் கொல்லப்படக் காரணமாக இருந்த 2019ஆம் ஆண்டின் உயிர்த்த ஞாயிறுத் தாக்குதல்களுக்கு, இந்தக் குழு பொறுப்பாகும்.

ஏப்ரல் 21 தாக்குதல்கள் இடம்பெற்றதன் பின்னர், இலங்கை அதிகாரிகளின் வேண்டுகோளின் பேரில், இலங்கை சட்ட அமுலாக்கத் துறையினருக்கு, அமெரிக்கா விசாரணை உதவிகளை வழங்கியது என்றும் அவ்வறிக்கையில் குறிப்பிடப்பட்டுள்ளது,

குற்றமிழைத்தவர்கள் மீது வழக்குத் தொடர்வதற்கான முயற்சிகளுக்குத் தொடர்ந்தும் உதவி வருகிறது. வழக்கை நெறிப்படுத்தும் இலங்கை வழக்குத் தொடுநர்களுக்கு, அமெரிக்க நீதித் திணைக்களம் இந்தக் குற்றச்சாட்டுகள் பற்றிய விவரங்களை வழங்கி வருகிறது எனவும் குறிப்பிடப்பட்டுள்ளது.

இந்தக் குற்றங்களுக்கு மேற்படி நபர்களையும் அவர்களது சகாக்களையும் பொறுப்புடையவர்கள் ஆக்குவதற்கான இலங்கையின் முயற்சிகளை, அமெரிக்கா முழுமையாக ஆதரிக்கின்றது. இலங்கையுடனான நெருங்கிய ஒத்துழைப்பையும் இந்தப் பயங்கரவாதிகளை நீதிக்கு முன் நிறுத்துவதற்கான பகிரப்பட்ட உறுதிப்பாட்டையும் அமெரிக்க பாராட்டுகிறது என அவ்வறிக்கையில் மேலும் குறிப்பிடப்பட்டுள்ளது.

கொவிட்-19 நோய்த் தொற்றுக்கு உள்ளானவர்களுடன் தொடர்பைக் கொண்டிருந்த மேலும் 10 உறுப்பினர்கள் அடையாளம் காணப்பட்டுள்ளனர் எனப் பாராளுமன்றத்தின் படைக்கல சேவிதர் நரேந்திர பெர்னான்டோ தெரிவித்தார்.

பாராளுமன்ற உறுப்பினர்கள் சகலருக்கும், அவர்களுடன் தொடர்புபட்ட பிரிவுகளுக்கும் தெரியப்படுத்துவதற்கான சகல நடவடிக்கைகளும் எடுக்கப்பட்டிருப்பதாக அவர் குறிப்பிட்டார்.

அதேநேரம், எதிர்வரும் 13, 15ஆம் திகதிகளில் முற்பகல் 10 மணி முதல் பிற்பகல் 3 மணிவரை பாராளுமன்றத்தில் பி.சி.ஆர் பரிசோதனையை மேற்கொள்ள சுகாதார அதிகாரிகள் நடவடிக்கை எடுத்திருப்பதாகவும், இதில் பாராளுமன்ற உறுப்பினர்கள் பங்கெடுக்க முடியும் என்றும் சபாநாயகர் மஹிந்த யாப்பா அபேவர்தன தெரிவித்திருப்பதாகவும் படைக்கல சேவிதர் நரேந்திர பெர்னான்டோ மேலும் குறிப்பிட்டார்.

ஆழ்ந்த நித்திரையில் இருந்த சிறுவன் ஒருவனை, நள்ளிரவு ஒரு மணிக்குப் பின்னர், பாம்பொன்று தீண்டியதில் அச்சிறுவன் உயிரிழந்த சம்பவமொன்று, நோட்டன் ஒஸ்போன் தோட்டத்தை பெரும் சோகத்தில் ஆழ்த்தியுள்ளது.

12  வயதான ரொபட் தோபிய எஸ்கர் என்ற சிறுவனே, நேற்று (11) அதிகாலை பரிதாபகரமாக உயிரிழந்துள்ளார்.

ஏதோவொன்று சத்தமின்றி ஊர்ந்து செல்வதை உணர்ந்த பெற்றோர், நித்திரையிலிருந்து எழுந்து தேடியுள்ளனர். அப்போது, மகனின் கழுத்தில் பாம்பொன்று இருப்பதைக் கண்டுள்ளனர்.

அப்பாம்பை அடித்து வீசிவிட்டுவிட்டு, நித்திரைக்குச் சென்றுள்ளனர். அதன்பின்னர், அதிகாலை நான்கு மணியளவில் நித்திரையிலிருந்து எழுந்த மகன், தனக்கு மயக்கம் வருவதைப்போல இருப்பதாகக் கூறியுள்ளார்.

விரைந்து செயற்பட்ட பெற்றோரும் அக்கம் பக்கத்தினரும், அவரை, டிக்கோயா-கிளங்கன் வைத்தியசாலைக்கு அழைத்துச் சென்றுள்ளனர். எனினும், செல்லும் வழியிலேயே அச்சிறுவன் உயிரிழந்துவிட்டான்.

நோட்டன் கணபதி தமிழ் மகா வித்தியாலயத்தில் 7ஆம் வகுப்பில்  கல்வி பயிலும் ரொபட் தோபிய எஸ்கர் 'பசித்தவன்' குறுந்திரைப்படத்திலும் நடித்துள்ளார்  

மேலும்இ சிறுவனைத் தீண்டிய பாம்பு, இறந்த நிலையில் வைத்தியசாலையில் ஒப்படைக்கப்பட்டது. சிறுவனின் சடலத்தை  பிரேத பரிசோதனைக்கு உட்படுத்திய போது, பாம்பு தீண்டி விசமானதால் சிறுவன் உயிரிழந்துள்ளார் எனத் தெரியவந்துள்ளது எனத் தெரிவித்த நோட்டன் பிரிஜ் பொலிஸார் தெரிவித்தனர்.


இலங்கையில் கொரோனா வைரஸ் தொற்றினால் எட்டு பேர் உயிரிழந்துள்ளதாக அரசாங்க தகவல் திணைக்களம் சற்று முன்னர் தெரிவித்துள்ளது.

இதனையடுத்து, இலங்கையில் கொவிட் தொற்றினால் உயிரிழந்தோரின் எண்ணிக்கை 240 ஆக அதிகரித்துள்ளதாக  அரசாங்க தகவல் திணைக்களம்  விடுத்துள்ள அறிக்கையில் குறிப்பிடப்பட்டுள்ளது.


யாழ்ப்பாணப் பல்கலைக் கழகத்தில் அமைக்கப்பட்ட முள்ளிவாய்க்கால் நினைவேந்தல் தூபி இரவோடிரவாக இடித்தழிக்கப்பட்டமைக்கு எதிர்ப்பு தெரிவித்து இன்றையதினம் வடக்கு கிழக்கு மாகாணங்களில் ஹர்தால் அனுஸ்டிக்கப்பட்டுள்ளது.

அனைத்து தமிழ் கட்சிகள் , மாணவர் ஒன்றியம் மற்றும் பொது அமைப்புகளால் கதவடைப்பு போராட்டத்திற்கான அழைப்பு விடுக்கப்பட்டுள்ளது.

இன்றைய போராட்டத்திற்கும் யாழ்ப்பாண மக்களும் தமது பூரண ஆதரவினை வழங்கியுள்ளார்கள்.

யாழ் நகரில் உள்ள வர்த்தக நிலையங்கள் மூடப்பட்டு உள்ளதோடு வீதிகளில் மக்கள் நடமாட்டமும் குறைந்து காணப்படுகின்றது.

தனியார் போக்குவரத்து சேவை இடம்பெறவில்லை மற்றும் அத்தியாவசிய சேவைகள் தவிர்ந்த ஏனைய சேவைகள் அனைத்தும் ஸ்தம்பிதம் அடைந்துள்ளது.

அரச பேருந்து சேவைகள் மட்டுப்படுத்தப்பட்ட அளவில் சேவையில் ஈடுபட்டுள்ளதை அவதானிக்க முடிந்துள்ளது.

அத்தோடு பாடசாலையின் கல்வி செயல்பாடுகளும் பாதிக்கப்பட்டுள்ளமை குறிப்பிடத்தக்கது.

Page 1 of 614
© 2019 Asian Mirror (pvt) LTD