web log free
May 31, 2020
editor

editor

மறைந்த அமைச்சர் ஆறுமுகன் தொண்டமானின் புதல்வன் ஜீவன் தொண்டமானுக்கு எதிராக சி.ஐ.டியில் முறைப்பாடு செய்யப்பட்டுள்ளது.

தற்போது நடைமுறையில் உள்ள தனிமைப்படுத்தல் சட்டத்தை மீறி அவர் செயற்பட்டார் என்ற குற்றச்சாட்டின் கீழே, இவ்வாறு முறைப்பாடு செய்யப்பட்டுள்ளது என்று சிங்கள ஊடகமொன்று செய்தி வெளியிட்டுள்ளது. 

சிங்கலே அமைப்பினால் இவ்வாறு முறைப்பாடு செய்யப்பட்டுள்ளது என்றும் அந்த செய்தியில் தெரிவிக்கப்பட்டுள்ளது. 

இலங்கையில் மேலும் 2 பேருக்கு கொரோனா வைரஸ் தொற்று உறுதிபடுத்தப்பட்டுள்ளதாக சுகாதார அமைச்சு தெரிவித்துள்ளது.

குறித்த இருவரும் வௌிநாட்டில் இருந்து வந்து தனிமைப்படுத்தலுக்கு உட்படுத்தப்பட்டவர்கள் என சுகாதார அமைச்சு தெரிவித்துள்ளது.

அதன்படி நாட்டில் கொரோனா நோயாளிகளின் எண்ணிக்கை 1630 ஆக அதிகரித்துள்ளது.

இதேவேளை, கொரோனா வைரஸ் தொற்றுக்கு இலக்கான மேலும் 20 பேர் இன்றைய தினம் (31) பூரணமாக குணமடைந்து வீடு திரும்பியுள்ளதாக சுகாதார அமைச்சு தெரிவித்துள்ளது.

அதன்படி தற்போது வரை 801 பேர் பூரணமாக குணமடைந்து வீடு திரும்பியுள்ளனர்.

இதுவரை நாட்டில் 10 பேர் உயிரிழந்துள்ள நிலையில் தற்போது 819 பேர் வைத்தியசாலைகளில் சிகிச்சை பெற்று வருவதாக சுகாதார அமைச்சு தெரிவித்துள்ளது.

அமரர் ஆறுமுகன் தொண்டமானின் பூதவுடல், நோர்வூட் மைதானத்தில் அக்கினியுடன் சங்கமமானது.

அவருடைய சிதைக்கு, மகன் ஜீவன் தொண்டமான் தீயிட்டார். 

கடுமையான பாதுகாப்பு மற்றும் சுகாதார ஏற்பாடுகளுக்கு அமைய குறிப்பிட்டு சொல்லக்கூடிய மக்கள் மட்டுமே பங்கேற்பதற்கு அனுமதியளிக்கப்பட்டது. 

ஐயா, ஐயா, என்று கூக்குரல் கேட்கிறது. 

மறைந்த அமைச்சர் ஆறுமுகம் தொண்டமனின் இறுதிச் சடங்கில் பங்கேற்ற எவருக்கும் கொரோனா தொற்று ஏற்ப்டால், அவருக்கு எதிராக, தனிமைப்படுத்தப்பட்ட சட்டத்தின் விதிமுறைகளை மீறிய குற்றச்சாட்டின் கீழ் தேசிய மற்றும் சர்வதேச அளவில் வழக்குத் தொடரப்படும் என்று இலங்கை பொது சுகாதார ஆய்வாளர்கள் சங்கத் தலைவர் உபுல் ரோஹானா தெரிவித்தார்.

இறுதிச் சடங்கின் அமைப்பாளர்களில் ஒருவரான தகுதிவாய்ந்த அதிகாரசபை சுகாதார சேவைகள் பணிப்பாளர் நாயகத்துடன் தொலைபேசியில் தொடர்பு கொண்டதாக அவர் தனது தொழிற்சங்கத்திடம் கூறியதாகக் கூறப்படுகிறது.

இறந்த நபரின் உடலை விற்று அரசியல் அதிகாரத்தை நாடுவதற்காக வாக்குகளை பிச்சை எடுப்பதைத் தவிர, சட்டத்தை மதிக்கும் பொது அதிகாரிகளின் கடமையைத் தடுக்க சில நபர்களுக்கு யார் அங்கீகாரம் வழங்கியுள்ளார் என்பதைக் கண்டறியுமாறு ஜனாதிபதியிடம் அவர் கேட்டுக் கொண்டார்.

இந்த மக்கள் அனைத்து தனிமைப்படுத்தப்பட்ட சட்டங்களையும் சுகாதார அறிவுறுத்தல்களையும் மீறியுள்ளனர் என்பதையும், நாடு இன்னும் ஆபத்தில் இருக்கும்போது அனைத்து எதிர்க்கட்சிகள், தொழில் வல்லுநர்கள் மற்றும் அனைத்து சமூகங்களும் இத்தகைய அச்சுறுத்தல்களுக்கு எதிராக அணிதிரட்ட வேண்டும் என்பதையும் முழு நாடும் அறிந்திருக்கிறது.

கோவிட் 19 வெடிப்பிற்கு எதிராக மருத்துவ அதிகாரிகள், பொது சுகாதார ஆய்வாளர்கள், மருத்துவ ஊழியர்கள், சுகாதார ஊழியர்கள் மற்றும் மருத்துவமனை ஊழியர்கள் ஆகியோரால் மோசமடைந்துள்ள தேவையற்ற நடவடிக்கைகள் இரவும் பகலும் உழைத்து வருவதாக அவர் தனது கையொப்பத்துடன் வெளியிட்டுள்ள அறிக்கையில் தெரிவித்துள்ளார். இருக்கிறது.

தனது அறிக்கையில், அப்பட்டமான அரசியல் திட்டம் இறந்த தொண்டமனுக்கு மிகுந்த அவமரியாதை என்றும், அப்பட்டமான முன்மாதிரிகள் பொதுமக்களால் தரமிறக்கப்பட்டுள்ளன என்றும் கூறினார்.

படையினரின் பலத்த பாதுகாப்போடு கொட்டகலையிலிருந்து அட்டன் டிக்கோயா வழியாக நோர்வூட் சௌமியமூர்த்தி தொண்டமான் விளையாட்டு அரங்கிற்கு கொண்டுவரப்பட்ட அமரர் ஆறுமுகம் தொண்டமானின் பூதவுடலுக்கு பெருந்திரளான பொதுமக்கள் வீதியின் இரு மருங்கிலும் சுகாதர இடைவெளியை பேணி நின்று மலர்தூவி கண்ணீர் மல்க அஞ்சலியை செலுத்தினர்.

இறுதி அஞ்சலி நிகழ்விற்கு பிரதமர் மஹிந்த ராஜபக்ஷ, அமைச்சர்களான பந்துல குணவர்தன, ஸ்ரீலங்கா முஸ்லிம் காங்ரஸின் தலைவர் முன்னாள் அமைச்சர் ரவூப் ஹக்கிம், தமிழ் தேசிய கூட்டமைப்பின் சார்பில் முன்னாள் பாராளுமன்ற உறுப்பினர் எம்.ஏ.சுமந்திரன், தமிழ் முற்போக்கு கூட்டணியின் சார்பாக முன்னாள் அமைச்சர் வி.இராதகிருஸ்ணன், முன்னாள் அமைச்சர்களான நிமால் சிரிபால டி சில்வா, விமல் வீரவன்ச, மஹிந்தானந்த அளுத்கமகே, ஜி.எ.பீரிஸ், பாராளுமன்ற உறுப்பினர்களான நவீன் திசாநாயக்க, சி.பி ரத்நாகக்க நாமல் ராஜபக்ஷ, மற்றும் மத்திய மாகாண முன்னாள் முதலமைச்சர் சரத்ஏக்கநாயக்க, முன்னாள் மத்திய மாகாண சபை உறுப்பினர்கள் ,பிரதேசசபை தலைவர்கள்,உறுப்பினர்கள் நுவரெலியா மாவட்ட செயலாளர் புஸ்பகுமார, உட்பட சிவனொளிபாதமலை பிரதான தேரர், மற்றும் இந்து, கிருஸ்தவ, இஸ்லாமிய மதத் தலைவர்கள் என பலரும் கலந்துகொண்டனர்.

முதுகில் குத்துபவர்களுக்கு தான் அனுபவம் தேவை. மக்களுக்கு சேவையாற்றுவோருக்கு அனுபவம் தேவையில்லை என எனது தந்தை என்னிடம் தெரிவித்தார் என்று தனது நன்றியுரையில்  மறைந்த ஆறுமுகன் தொண்டமானின் மகன், ஜீவன் தொண்டமான் தெரிவித்திருந்தார்.

இலங்கை தொழிலாளர் காங்கிரஸூக்கு என்ன நடக்கும் என்று பலரிடம் சந்தேகம் ஏற்படலாம். 

இருட்டை கண்டு பயப்பிடாதீர்கள், இருளடைந்து விடியும் போது சூரியன் உதிக்கும் அதேபோல் சேவலும் கூவும் என்றார். மறைமுகமாக ஓர் உந்துசக்தியை மலையக மக்களின் மனதில் விதைத்து சென்றிருக்கின்றார். 

'மலையகம் தொடர்பில் எனது தந்தை வைத்திருந்த கனவுகளை நான் நிச்சயம் நிறைவேற்றுவேன்" என, அவரின் மகன் ஜீவன் தொண்டமான் தெரிவித்துள்ளார்.

அமரர் ஆறுமுகன் தொண்டமானின் இறுதிக்கிரியை நிகழ்வில் மக்களுக்கு நன்றி உரை ஆற்றுகையில் அவர் இதனை கூறினார்.

அவர் தெடர்ந்து கூறுகையில், “கொரோனா அச்சுறுத்தல் காரணமாக, அப்பாவுக்கு தகுதியான இறுதி அஞ்சலியை செலுத்த முடியவில்லை. கொரோனா அச்சுறுத்தல் முடிவுக்கு வந்த பின்னர், மாபெரும் அஞ்சலி நிகழ்வு நடத்தப்படும்.

பல்கலைக்கழகம், வீட்டுத்திட்டம் உள்ளிட மலையகம் தொடர்பில் பல்வேறு கனவுகளுடன் தந்தை இருந்தார். கிராமங்களை உருவாக்க நினைத்தார். ஆயிரம் ரூபாய் சம்பள பிரச்சினை தொடர்பில் இறுதிவரை பேசினார்.

அவரின் கனவுகளை நிறைவேற்றுவது எனது பொறுப்பு. எனக்கும் அனுபவம் இல்லை என்று பலர் கூறுகின்றனர். இதனை நான் முன்னர் என் தந்தையிடம் கேட்டேன், முதுகில் குத்துவதற்கு தான் அனுபவம் தேவை, மக்களுக்கு சேவை செய்ய இல்லை என்று என்னிடம் கூறினார். அவர் இவ்வளவு சீக்கிரம் மறைந்துவிடுவார் என்று நாங்கள் நினைக்கவில்லை. 

இத்துடன், இலங்கை தொழிலாளர் காங்கிரஸ் முடிந்துவிடும் என்று நினைப்பவர்களுக்கும், அச்சத்தில் உள்ள மக்களுக்கும் ஒன்று கூறுகின்றேன்.

இருட்டை பார்த்து பயப்படவேண்டாம். காலையில் சூரியன் உதிக்கும், சேவல் நிச்சயம் கூவும்” என்றார்.

அமரர் ஆறுமுகம் தொண்டமானின் பூதவுடலுக்கு அரசியல் தலைவர்கள் மற்றும் அரசியல் பிரமுகர்கள் இறுதி அஞ்சலியை செலுத்தி வருகின்றனர். இலங்கை தொழிலாளர் காங்கிரஸின் தலைவரும் முன்னாள் அமைச்சருமாகிய ஆறுமுகம் தொண்டமானின் பூதவுடல் பொதுமக்களின் அஞ்சலிக்காக கொட்டகலை சீ.எல்.எப் மண்டபத்தில் அஞ்சலிக்காக வைக்கப்பட்டுள்ளது. அன்னாரின் பூதவுடலுக்கு இன்று பொருந்திரலான பொதுமக்கள் கலந்து கொண்டு அஞ்சலி செலுத்திவரும் இவ்வேலையில், ஸ்ரீலங்கா முஸ்லிம் காங்கிஸின் தலைவரும் முன்னாள் அமைச்சருமாகிய ரவூப் ஹக்கீம், பதுளை மாவட்ட பாராளுமன்ற உறுப்பினர் வடிவேலு சுரேஷ், அம்பாறை மாட்ட முன்னாள் பாராளுமன்ற உறுப்பினர் கோடீஸ்வரன், மட்டக்களப்பு மாவட்ட முன்னாள் பாராளுமன்ற உறுப்பினர் வியாழேந்திரன் , தேசிய சுதந்திர முன்னணியின் தலைவரும் அமைச்சருமான விமல் வீரவன்ச, சிவனொளிபாதமலை பிரதம தேரர் உட்பட பலர் அஞ்சலி செலுத்தினர். அமரர் ஆறுமுகம் தொண்டமானின் பூதவுடல் மதியம் 02 மணிக்கு கொட்டகலை யிலிருந்து அட்டன், டிக்கோயா வழியாக நோர்வூட் தொண்டமான் விளையாட்டரங்கிற்கு எடுத்து செல்லப்பட்டு, மாலை 04 மணிக்கு பூரண அரச மரியாதையுடன் அக்கினியில் சங்கமம் ஆகும்.

மாளிகாவத்தையில் இடம்பெற்ற துப்பாக்கிச் சூட்டில் ஒருவர் படுகாயமடைந்துள்ளார். பாதாள உலக கோஷ்டி இரண்டிற்கிடையில் நீண்டகாலம் நிலவும் பகைமையின் விளைவால் இந்த துப்பாக்கிச் சூடு இடம்பெற்றுள்ளதாகத் தெரிவிக்கப்படுகின்றது.

39 வயதுடைய ரவூப் என்பவரே படுகாயமடைந்துள்ளார். மாளிகாவத்தை பகுதியை சுற்றிவளைத்துள்ள இராணுவம் அங்கு தேடுதல் நடவடிக்கைகளை மேற்கொண்டு வருகிறது.

மதுபானசாலைகளும் இறைச்சி கடைகளும் பூட்டப்படும் என்று அரசாங்க தகவல் திணைக்களம் அறிவித்துள்ளது.

பொசொன் உற்சவத்தை முன்னிட்டு ஜூன் 5ஆம் திகதியும் மறுநாள் 6ஆம் திகதியும் நாடளாவிய ரீதியில் மதுபானசாலைகள் யாவும் மூடப்பட்டிருக்கும் என்றும் அந்த அறிவிப்பில் தெரிவிக்கப்பட்டுள்ளது. 

இறைச்சி கடைகள் மட்டுமன்றி, கொலை களன்கள், பந்தய திடல், கெகினோ மற்றும் இரவு விடுதிகள் யாவும் மூடப்பட்டிருக்கும். 

 

 

நுவரெலியா மாவட்டத்தில் இன்று (30) அமுல்படுத்தப்பட்டுள்ள ஊரடங்குச் சட்டம் காரணமாக ஹட்டன், பொகவந்தலாவ, நோர்வூட், டிக்கோயா, மஸ்கெலியா, கொட்டகலை மற்றும் நானுஓயா நகரங்கள் வெறிச்சோடி காணப்படுகின என்று அங்கிருந்து வரும் தகவல்கள் தெரிவிக்கின்றன.

இலங்கை தொழிலாளர் காங்கிரசின் தலைவரும் அமைச்சருமான மறைந்த ஆறுமுகம் தொண்டமானின் மறைவையொட்டி நகரமெங்கும் வெள்ளைகொடிகள் தொங்கவிடப்பட்டுள்ளன.

தொண்டமானின் பூதவுடல் அன்னாரின் கொத்மலை வெவன்டனிலுள்ள பூர்வீக இல்லத்திலிருந்து நானுஓயா தலவாக்கலை வழியாக கொட்டகலை சீ.எல்.எப் நிலையத்திற்கு கொண்டு வரும் போது பொதுமக்கள் ஆங்காங்கே வீதியின் இரு மருங்கிலும் நின்று அஞ்சலி செலுத்த தயாராகியிருந்தனர். எனினும் ஊரடங்கால் அது கைவிடப்பட்டது.

அத்துடன் தொண்டமானின் மரண வீட்டிற்கு சென்ற பலர் எச்சரிக்கை விடுக்கப்பட்டு திரும்பியனுப்பப்பட்டனர் என தகவல்கள் தெரிவிக்கின்றன. 

கொரோனா சுகாதார பாதுகாப்பு காரணங்களுக்காக வெளியார் எவரும் அனுமதிக்கப்படவில்லை என்பது குறிப்பிடத்தக்கது. 

Page 1 of 434
© 2019 Asian Mirror (pvt) LTD