web log free
August 11, 2020
editor

editor

12ஆம் திகதியன்று பொறுப்பேற்கவுள்ள புதிய அமைச்சரவைக்கான பட்டியலை தயாரிக்கும் பணிகள் நிறைவடைந்து விட்டதாக தகவல்கள் தெரிவிக்கின்றன.

அன்றையதினம் 26 பேர் மட்டுமே, அமைச்சரவை அந்தஸ்துள்ள அமைச்சர்களாக பதவியேற்கவுள்ளனர்.

இராஜாங்க மற்றும் பிரதியமைச்சர் மற்றும் வேலைத்திட்ட அமைச்சர்கள் இம்முறை பதவியேற்க உள்ளனர்.

அந்தப் பதவிகள், காலதாமதித்தே வழங்கப்படவுள்ளன. அமைச்சரவை அந்தஸ்துள்ள அமைச்சுகளின் விபரங்கள்

1. ஜனாதிபதி கோத்தாபய ராஜபக்ஷ- புத்தசாசன மற்றும் கலாசார அமைச்சு.

2. பிரதமர் மஹிந்த ராஜபக்ஷ – நிதி மற்றும் வீடமைப்பு, நிர்மாணத்துறை அமைச்சர்

3. சமல் ராஜபக்ஷ – நீர்பாசனம்

4. நாமல் ராஜபக்ஷ- விளையாட்டுதுறை

5. ஜி.எல்.பீரிஸ்- கல்வியமைச்சர்

6. தினேஸ் குணவர்தன- வெளிநாட்டலுவல்கள்

7. பவித்திரா வன்னியாரச்சி- சுகாதாரம்

8. மஹிந்தானந்த அளுத்கமகே- விவசாயம்

9. பிரசன்ன ரணதுங்க- சுற்றுலா மற்றும் விமான சேவைகள்

10. கெஹலிய ரம்புக்வெல- ஊடகத்துறை

11. அலி சப்ரி- நீதித்துறை

எதிர்வரும் 12ஆம் திகதியன்று பொறுப்பேற்கவுள்ள அமைச்சரவையில் அதிரடியான மாற்றங்கள் பல மேற்கொள்ளப்படவுள்ளன என அறியமுடிகின்றது.

பிரதி பாதுகாப்பு மற்றும் நிதி அமைச்சு இரண்டுமே பிரதமர் மஹிந்த ராஜபக்ஷவின் வசமிருக்கும். ஜனாதிபதி தன்வசம் வைத்துகொள்ளும் அமைச்சுகளை தவிர 26 பேருக்கு மட்டுமே அமைச்சரவை அந்தஸ்துள்ள அமைச்சுகள் வழங்கப்படவுள்ளன.

இதேவேளை, கண்டியில் நடைபெறும் அமைச்சரவை பொறுப்பேற்கும் வைபவத்தில், பிரதியமைச்சர்கள், இராஜாங்க அமைச்சர்கள் எவரும் நியமிக்கப்படமாட்டார்கள் என தகவல்கள் தெரிவிக்கின்றன.

தங்களுக்கு அமைச்சு பதவிகளை வழங்கவேண்டும் என பலரும்  கோரிக்கையை முன்வைப்பதால், ஜனாதிபதியும் பிரதமரும் கடுமையான அதிருப்தியில் உள்ளனர் என தகவல்கள் தெரிவிக்கின்றன. ஜனாதிபதி, பிரதமரிடமிருந்து உரிய பதில் கிடைக்காமையால் முன்னாள் அமைச்சர்கள் பலரும் கடும் அதிருப்தி கொண்டுள்ளனர்.

ஐக்கிய தேசியக் கட்சியின் தலைமைத்துவம் தொடர்பில், தீர்மானம் எடுப்பதற்காக ஐக்கிய தேசியக் கட்சியின் செயற்குழு இன்று (10) கூடவுள்ளது.

இந்நிலையில், கட்சியின் தலைமையை ஏற்பதற்கு மும்முனை போட்டிகள் நிலவுகின்றன என தகவல்கள் தெரிவிக்கின்றன.

கட்சியின் தலைவர் ரணில் விக்கிரமசிங்க, அப்பதவியை விட்டுக்கொடுக்க தான் தயாரில்லை என தெரிவித்துள்ளார்.

இந்நிலையில், உப-தலைவர் ரவி கருணாநாயக்க அப்பதவியை கேட்டு அடம்பிடிக்கிறார்.

மறுபக்கத்தில், கட்சியின் தேசிய அமைப்பாளர் நவீன் திஸாநாயக்கவும் தலைமை பதவி தனக்கு வேண்டுமென கேட்டுக்கொண்டிருக்கிறார்.

ஆனால், தலைமை ​பொறுப்பை ருவன் விஜயவர்தனவுக்கு வழங்கிவிட்டு, பின்னால் இருந்து, வழிநடத்தும் வியூகங்களை​யே ரணில் விக்கிரமசிங் வகுத்துவருகின்றார் என அறியமுடிகின்றது.

புதிய அரசாங்கத்தில் அமைச்சு பதவியை பெற்றுக்கொள்ளும் நோக்கில் கட்சியின் பிரபல உறுப்பினர்கள் மற்றும் அதிக விருப்பு வாக்குகளை பெற்ற  சில வேட்பாளர்களினால் முன்வைக்கப்படும் கோரிக்கைகள் காரணமாக ஜனாதிபதி கோட்டாபய ராஜபக்ஷ, கடும் அதிருப்தியில் உள்ளதாக தகவல் வெளியாகியுள்ளது.

பல்வேறு உபாயங்களை கையாண்டு மற்றும் நேரடியாகவும் இவ்வாறான கோரிக்கைகள் முன்வைக்கப்படுதாக அந்த தகவல்கள் தெரிவிக்கின்றன.

ஏற்பட்டுள்ள நிலைமை காரணமாக கோரிக்கை விடுத்துள்ள தரப்பினர் மீது கடும் அதிருப்தியில் உள்ள நிலையில், குறித்த தரப்பினருக்கு அமைச்சு பதவி கிடைக்கவிருந்த வாய்ப்புகள் இல்லாமல் போகும் நிலையொன்று காணப்படுவதாக அரசியல் தகவல்கள் தெரிவிக்கின்றன.

இதேவேளை, அமைச்சு பதவிகளை கேட்ட தரப்பினரிடம் “நாட்டுக்கு சேவையாற்ற அமைச்சு பதவி அவசியமா?” என ஜனாதிபதி கேள்வி எழும்பியுள்ளதாக தெரிவிக்கப்படுகின்றது.

பதவி மற்றும் வரபிரசாதங்களை எதிர்பார்த்து அரசியலுக்க வரும் தரப்பினரால் நாட்டை கட்டியெழுப்ப முடியாது என்று தெரிவித்துள்ள ஜனாதிபதி பதவிகளை எதிர்பாராமல் நாட்டுக்காக சேவையாற்ற வரும் தரப்பினரே தனக்கு தேவை என்றும் கூறியுள்ளதாக அந்த தகவல்கள் குறிப்பிட்டுள்ளன.

ஐக்கிய தேசியக் கட்சிக்கு கிடைத்த ஒரேயொரு தேசிய பட்டியல் எம்.பியை யாருக்கு கொடுப்பது என்பது இழுபறியில் இருந்தது.

கட்சியின் தலைவர் ரணில் விக்கிரமசிங்கவை தேசிய பட்டியலின் ஊடாக பாராளுமன்றத்துக்கு அனுப்புவதற்கு முயற்சிகள் எடுக்கப்பட்டன. எனினும் ரணி்ல் அதற்கு மறுத்துவிட்டார்.

இந்நிலையில், பாராளுமன்றத் தேர்தலில் போட்டியிட்டு தோல்வியடைந்தவர்களை தேசியப்பட்டியலின் ஊடாக அனுப்பக்கூடாது என்பதில் ரணில் உறுதியாக இருந்தார். இதனால் கட்சிக்குள் முரண்பாடுகள் நிலவின.

இதனையடுத்து, மக்கள் வங்கியின் முன்னாள் தலைவர் நிஷங்க நாணயகாரவை, தேசிய பட்டியல் எம்.பியாக பரிந்துரைத்து, அவருடைய பெயரை தேர்தல்கள் ஆணைக்குழுவுக்கு, கட்சியின் பொது செயலாளர் அகில விராஜ் காரியவசம் அனுப்பிவைத்துள்ளார். 

“தேசியப் பட்டியல் ஆசனத்தால் சர்ச்சைகள் எழுந்துள்ளன. அதனால் இந்த விடயத்தில் நீங்கள் தலையிட்டு முடிவு செய்யுங்கள்” என தமிழ்க் கூட்டமைப்பின் தலைவர் இரா.சம்பந்தன் நேற்றிரவு தமிழரசுக் கட்சித் தலைவர் மாவை சேனாதிராஜாவுக்கு அனுப்பிய கடிதத்தில் தெரிவித்திருக்கின்றார்.

தேசியப்பட்டியல் குறித்து தமிழரசுக் கட்சிச் செயலாளர் துரைராஜசிங்கம் நேற்று வெளியிட்ட அறிவிப்புக்கு உருவாகிய கடுமையான எதிர்ப்பையடுத்தே இந்த முடிவை சம்பந்தன் எடுத்திருப்பதாகத் தெரிகின்றது.

அதற்கான பதில் கடிதத்தை சம்பந்தனுக்கு நேற்றிரவே மாவை சேனாதிராஜா, அனுப்பி வைத்துள்ளார். “தேசியப் பட்டியல் ஆசனத்தை யாருக்கு வழங்குவது என்பது தொடர்பில் பங்காளிக் கட்சித் தலைவர்களுடன் பேசி பொருத்தமான முடிவு எடுப்பேன்” என்று தனது பதிலில் மாவை தெரிவித்திருக்கிறார்.

இதன்படி யாழ்ப்பாணத்தில் புளொட், ரெலோ தலைவர்களுடன் மாவை சேனாதிராஜா இன்று பேச்சுவார்த்தை நடத்துவார் எனத் தெரிகின்றது.

புதிய நாடாளுமன்றத்திற்கான ஐக்கிய மக்கள் சக்தியின் தேசிய பட்டியல் பிரதிநிதிகள் தொடர்பான இறுதி முடிவு இன்று (திங்கட்கிழமை) அறிவிக்கப்படவுள்ளது.

அதன்படி தேசியப் பட்டியல் பிரதிநிதிகளை தெரிவுசெய்வதற்காக ஐக்கிய மக்கள் சக்திக்கும் அதன் பங்காளிக் கட்சிகளுக்கும் இடையிலான சிறப்பு கலந்துரையாடல் இன்று இடம்பெறவுள்ளது.

இந்த சந்திப்பினைத் தொடர்ந்து ஐக்கிய மக்கள் சக்தியின் தேசியப் பட்டியல் தொடர்பான இறுதி முடிவு தேர்தல் ஆணையகத்திற்கு தெரிவிக்கப்படும்.

ஒன்பதாவது நாடாளுமன்றத்துக்காக தேசிய பட்டியலில் ஏழு ஆசனங்களை ஐக்கிய மக்கள் சக்தி பெற்றுள்ளது.

இதில் 4 ஆசனங்கள் ஐக்கிய மக்கள் சக்தியின் பெரும்பான்மை உறுப்பினர்களுக்கும் ஏனைய 3 ஆசனங்களை தமிழ் முற்போக்கு கூட்டணி, ஸ்ரீலங்கா முஸ்லிம் காங்கிரஸ், அகில இலங்கை மக்கள் காங்கிரஸ் ஆகிய சிறுபான்மை கட்சிகளுக்கு வழங்கமாறு ஏற்கனவே ஐக்கிய மக்கள் சக்தியின் தலைவர் சஜித் பிரேமதாசவிடம் தாம் கோரியிருந்ததாகவும் அதற்கு அவர் இணங்கியதாகவும் தமிழ் முற்போக்கு கூட்டணியின் தலைவர் மனோ கணேசன் தெரிவித்தார்.

ஆதவன் செய்தி சேவைக்கு கருத்து வெளியிடும்போதே அவர் இந்தத் தகவலை தெரிவித்திருந்தார்.

அத்தோடு, தற்போது ஐக்கிய மக்கள் சக்தி உறுதியளித்தபடி தேசிய பட்டியல் நியமனம் தரப்படாவிட்டால் சிறுபான்மை கட்சிகள் நாடாளுமன்றத்தில் தனிக்குழுவாக அமர வேண்டிய நிலை ஏற்படுமெனவும் மனோ கணேசன் இதன்போது எச்சரிக்கை விடுத்தார்.

இவ்வாறான நிலையில், ஐக்கிய மக்கள் சக்தியின் தேசியப் பட்டியல் தொடர்பான இறுதி முடிவு அனைவர் மத்தியிலும் பெரும் எதிர்பார்ப்பை ஏற்படுத்தியுள்ளமை குறிப்பிடத்தக்கது.

ஒன்பதாவது பாராளுமன்றத்துக்கு  நான்கு தந்தைகளும் – மகன்களும், அரசியல் வாதிகளின் உறவினர்களாக 47 பேரும் பாராளுமன்ற  உறுப்பினர்களாக அமரவுள்ளனர்.

நாடாளுமன்றுக்கு தெரிவான தந்தை மகன்களா,

  • பிரதமர் மஹிந்த ராஜபக்ஸவின் புதல்வரான நாமல் ராஜபக்ஸ
  • சமல் ராஜபக்ஸவின் புதல்வரான ஷஷீந்திர ராஜபக்ஸ
  • தினேஷ் குணவர்தனவின் புதல்வராக யதமினி குணவர்தன
  • ஜனக பண்டார தென்னகோனின் புதல்வரான பிரமித்த பண்டார தென்னகோன்

உறவினர்களாக,

  • பிரதமர் மஹிந்த ராஜபக்ஸவின் சகோதரர் சமல் ராஜபக்ஸ
  • பிரதமர் மஹிந்த ராஜபக்ஸவின் சகோதரியின் மகன் நிபுண ரணவக்க
  • மறைந்த ஜனாதிபதி ரணசிங்க பிரேமதாசவின் புதல்வர் சஜித் பிரேமதாச
  • முன்னாள் அமைச்சர் மஹிந்த விஜேசேகரவின் புதல்வர் காஞ்சன விஜேசேகர
  • முன்னாள் முதலமைச்சர் மஹிபால ஹேரத்தின் புதல்வர் கனக ஹேரத்
  • மறைந்த முன்னாள் பிரதமர் டி.எம் ஜயரட்னவின் புதல்வர் அனுராத ஜயரத்ன
  • முன்னாள் அமைச்சர் சரத் அமுனுகமவின் உறவினரின் மகன் திலும் அமுனுகம
  • மறைந்த முன்னாள் பிரதமர் ரத்னசிறி விக்ரமநாயக்கவின் புதல்வர் விதுர விக்ரமநாயக்க
  • மறைந்த முன்னாள் அமைச்சர் அனுருத்த ரத்வத்தவின் புதல்வர் லொஹான் ரத்வத்த
  • மறைந்த முன்னாள் அமைச்சர் டொக்டர் ஜயலத் ஜயவர்தனவின் புதல்வர் காவிந்த ஜயவர்தன
  • மறைந்த முன்னாள் முதலமைச்சர் பெர்டி பிரேமலால் திசாநாயக்கவின் புதல்வர் துமிந்த திசாநாயக்க
  • மறைந்த முன்னாள் அமைச்சர் ரெஜி ரணதுங்கவின் புதல்வர் பிரசன்ன ரணதுங்க
  • மறைந்த முன்னாள் அமைச்சர் கலாநிதி ரிச்சட் பத்திரணவின் புதல்வர் ரமேஷ் பத்திரண
  • முன்னாள் அமைச்சர் ரஞ்சித் சொய்ஸாவின் மனைவி முதிதா பிரசாந்தி
  • மறைந்த முன்னாள் அமைச்சர் அமரசிறி தொடம்கொடவின் புதல்வர் இசுரு தொடம்கொட
  • மறைந்த முன்னாள் அமைச்சர் அமரசிறி தொடம்கொடவின் சகோதரியின் புதல்வரான சந்திம வீரக்கொடி
  • மறைந்த முன்னாள் பிரதியமைச்சர் எச்.ஜி.ஜி. நெல்சனின் புதல்வர் கிங்ஸ் நெல்சன்
  • மறைந்த முன்னாள் முதலமைச்சர் மொஹான் சாலிய எல்லாவலவின் புதல்வர் அகில எல்லாவல
  • மறைந்த முன்னாள் பிரதியமைச்சர் தர்மதாஸ வன்னிஆரச்சியின் புதல்வி பவித்ரா வன்னிஆரச்சி
  • மறைந்த முன்னாள் அமைச்சர் ஆறுமுகன் தொண்டமானின் புதல்வர் ஜீவன் தொண்டமான்
  • மறைந்த முன்னாள் நாடாளுமன்ற உறுப்பினர் ஹீன்மஹத்தயா லியனகேவின் புதல்வர் வருண லியனகே
  • மறைந்த முன்னாள் அமைச்சர் காமினி அத்துகோரளவின் சகோதரி தலதா அத்துகோரள
  • முன்னாள் அமைச்சர் சரத்சந்திர ராஜகருணாவின் புதல்வர் ஹர்ஷன ராஜகருணா
  • மறைந்த முன்னாள் நாடாளுமன்ற உறுப்பினர் சஞ்சீவ கவிரத்னவின் மனைவி ரோஹினி கவிரத்ன விஜேரத்ன
  • முன்னாள் அமைச்சர் ஜகத் பாலசூரிய மற்றும் முன்னாள் ஆளுநர் குமாரி பாலசூரியவின் புதல்வர் தாரக பாலசூரிய
  • இலங்கை மக்கள் கட்சியின் ஆரம்ப செயலாளர் ரஞ்சித் நவரத்னவின் புதல்வர் அசங்க நவரத்ன
  • முன்னாள் மாகாண சபை உறுப்பினர் டி.வி. உபுலின் புதல்வர் டி.வி. சான
  • அகில இலங்கை தமிழ் காங்கிரஸ் தலைவர் குமார் பொன்னம்பலத்தின் புதல்வர் கஜேந்திரகுமார் பொன்னம்பலம்
  • முன்னாள் அமைச்சர் வாசுதேவ நாணயக்காரவின் உறவினர் முன்னாள் முதலமைச்சர் சி.வி விக்னேஸ்வரன்
  • மறைந்த முன்னாள் பிரதியமைச்சர் தயா டீ.பெஸ்குவலின் சகோதரரின் புதல்வர் அனுப பெஸ்குவல்
  • மறைந்த முன்னாள் பிரதியமைச்சர் ரூபா கருணாதிலக்கவின் உறவினர் மகன் கயந்த கருணாதிலக்க
  • ஊவா மாகாணத்தின் முன்னாள் அமைச்சர் அனுர விதான கமகேவின் சகோதரர் தேனுக விதான கமகே
  • மறைந்த முன்னாள் பிரதியமைச்சர் எச்.ஆர்.மித்ரபாலவின் புதல்வர் துஷ்மந்த மித்ரபால
  • முன்னாள் அமைச்சர் அதாவுட செனவிரத்னவின் உறவினர் மகன் உதயகாந்த குணதிலக்க
  • மறைந்த முன்னாள் அமைச்சர் எம்.வின்சன்ட் பெரேராவின் புதல்வர் சுஜித் சஞ்சய பெரேரா
  • மறைந்த முன்னாள் அமைச்சர் எஸ்.டி.ஆர். ஜயரத்னவின் புதல்வர் பியங்கர ஜயரத்ன
  • 94ம் ஆண்டில் நாடாளுமன்றத்திற்கு தெரிவாகி வாகன விபத்தில் பலியான கொட்ப்ரி பெர்னாண்டோவின் உறவினர் மகன் அருந்திக பெர்னாண்டோ
  • மறைந்த முன்னாள் அமைச்சர் பெஸ்டஸ் பெரேராவின் புதல்வர் நிரோஷன் பெரேரா
  • மறைந்த முன்னாள் வெளிவிவகார அமைச்சர் ஏ.சி.எஸ். ஹமீடின் மருமகன் அப்துல் ஹலீம் மொஹமட்
  • முன்னாள் பிரதியமைச்சர் எச்.பி.சேமசிங்கவின் புதல்வர் ஷெஹான் சேமசிங்க
  • முன்னாள் பிரதியமைச்சர் எஸ்.டிபிள்யு. அலவத்துவலவின் புதல்வர் ஜே.சி.அலவத்துவல
  • முன்னாள் மாகாண சபை உறுப்பினர், கொல்லப்பட்ட தேஷபந்து நாமல் குணவர்தனவின் சகோதரி கோகிலா ஹர்ஷனி குணவர்தன
  • இலங்கை மக்கள் கட்சியின் மறைந்த தலைவர் விஜயகுமாரதுங்கவின் உறவினர் மகன் ரஞ்சன் ராமநாயக்க
  • மறைந்த முன்னாள் அமைச்சர் சாலிந்த திசாநாயக்கவின் மனைவி மஞ்சுளா திசாநாயக்க
  • மறைந்த முன்னாள் அமைச்சர் ஜெயராஜ் பெர்னாண்டோ புள்ளேவின் மனைவி சுதர்ஷினி பெர்னாண்டோ புள்ளே
  • முன்னாள் நிதியமைச்சர் என்.எம்.பெரேராவின் உறவினர் மகன் பேராசிரியர் திஸ்ஸ விதாரண
  • முன்னாள் மாகாண சபை உறுப்பினர் ஶ்ரீலால் விக்ரமசிங்கவின் மனைவி ராஜிகா விக்ரமசிங்க

இவர்களில் பலர் முன்னைய நாடாளுமன்றிலும் இருந்தவர்கள் என்பதும் குறிப்பிடத்தக்கது.

 

ஸ்ரீ லங்கா பொதுஜன பெரமுனவின் சார்பில் மாத்தறை மாவட்டத்தில் இம்முறை போட்டியிட்ட லக்ஷ்மன் யாப்பா அபேவர்தன தோல்வியை தழுவிக்கொண்டார்.

அவர், தனது வீட்டிலிருக்கும் போது, வீட்டுக்கு வந்த ஆதரவாளர்கள் கண்ணீர் மல்கி சோகத்தை தெரிவித்து கொண்டனர்.

 கருணா அம்மான் என்றழைக்கப்படும், விநாயகமூர்த்தி முரளிதரனை கிழக்கு மாகாண ஆளுநராக நியமிக்க பேச்சுவார்த்தை நடத்தப்பட்டு வருவதாக அரசாங்கத்தின் உள்வீட்டு தகவல்கள் தெரிவிக்கின்றன.

Page 2 of 492
© 2019 Asian Mirror (pvt) LTD