web log free
September 25, 2020
editor

editor

களஞ்சியப்படுத்தி வைக்கப்பட்டிருந்த 294 கிலோ 49 கிராம் நிறைகொண்ட ஹெரோய்ன் போதைப்பொருள் கைப்பற்றப்பட்டதுடன், சந்தேகத்தின் பேரில் இருவர் கைதுசெய்யப்பட்டுள்ளனர்.

கொள்ளுப்பிட்டியவில் வைத்தே இந்தப் போதைப்பொருள் கைப்பற்றப்பட்டுள்ளது என விசேட அதிரடிப்படையினர் தெரிவித்தனர்.

அதிரடிப் படையினரும், பொலிஸ் போதைப் பொருள் ஒழிப்புப் பிரிவினரும் இணைந்தே, இந்த போதைப் பொருளை கைப்பற்றியுள்ளனர் என பொலிஸார் தெரிவித்தனர்.

அதன் உள்நாட்டு பெறுமதி 3 பில்லியன் ரூபாயென மதிப்பிடப்பட்டுள்ளது. 

94 கிலோ 490 கிராம் ஹெரோயின் போதைப்பொருள் கொழும்பில் கைப்பற்றப்பட்டுள்ளது. அத்துடன், சந்தேக நபர்கள் இருவர் கைதுசெய்யப்பட்டுள்ளனர்.

கொழும்பில் உள்ள வர்த்தக நிலைய தொகுதியொன்றின் வாகன தரப்பிடத்தில் இருந்து குறித்த ஹெரோயின் கைப்பற்றப்பட்டுள்ளதாக தெரிவிக்கப்படுகின்றது.

பொலிஸ் போதைப்பொருள் ஒழிப்பு பிரிவினர் மற்றும் பொலிஸ் விசேட அதிரடிப்படையினர் இணைந்து மேற்கொண்ட சுற்றிவளைப்பில் இவர்கள் கைதுசெய்யப்பட்டுள்ளனர்.

 

மாளிகாவத்த, மெல்வத்த பிரதேசத்தில் குடு சூட்டி என்ற பெண்ணின் மீது துப்பாக்கிப் பிரயோகத்தை மேற்கொண்டவர் என்ற சந்தேகத்தின் பேரில், நபரொருவர், விசேட அதிரடிப்படையினரால் கைதுசெய்யப்பட்டுள்ளனர்.

இவ்வாறு கைதுசெய்யப்பட்டவர், கொலன்னாவைச் சேர்ந்த 21 வயதான நபர் என்றும், அவர் கொலன்னாவை, லக்ஷத வீட்டுத் தொகுதியை வசிப்பிடமாகக் கொண்ட மொஹமட் நௌபர் மொஹமட் அலி என அடையாளம் காணப்பட்டுள்ளார்.

சந்தேகத்தின் பேரில் கைது செய்யப்பட்ட நபர், டுபாயில் கைதுசெய்யப்பட்ட கஞ்சிபானி இம்ரான் என்பவரின், சகாக்களில் ஒருவர் என்றும் விசேட அதிரடிப்படையின் அதிகாரிகள் தெரிவித்தனர்.

சந்தேகநபர், திட்டமிட்ட குற்றப்பிரிவிடம் ஒப்படைக்கப்பட்டுள்ளார் என பொலிஸ் ஊடகப் பேச்சாளர் திணைக்களம் அறிவித்துள்ளது.

சந்தேகநபரை, கொழும்பு, இல-4 நீதிமன்றத்தில் இன்று (23) ஆஜர்படுத்தப்பட்டார். அப்போது அவரை 7 நாட்கள் தடுத்துவைத்து விசாரணைக்கு உட்படுத்துவதற்கான அனுமதியை பெற்றுக்கொண்டதாகவும் பொலிஸார் ஊடகப் பேச்சாளர் திணைக்களம் தெரிவித்துள்ளது.

ஐ. நா. வுக்கான அமெரிக்காவின் முன்னாள் தூதுவர் சமந்தா பவர் - எதிர்வரும் 27 ஆம் திகதி, தனிப்பட்ட விஜயத்தை மேற்கொண்டு இலங்கைக்கு வரவிருக்கின்றார்.

அமைச்சர் மங்கள சமரவீரவின் 30 வருடகால அரசியல் வாழ்வை கௌரவிக்கும் வகையில், பண்டாரநாயக்க சர்வதேச மாநாட்டு மண்டபத்தில் எதிர்வரும் 28 ஆம் திகதி நிகழ்வொன்று நடத்தப்படவுள்ளது.

பிற்பகல் மூன்று மணிக்கு நடைபெறவுள்ள இந்நிகழ்வில், ஜனாதிபதி மற்றும் பிரதமர் உட்பட்ட பிரமுகர்கள் அதில் அதிதிகளாக கலந்து கொள்ளவுள்ளனர்.
அந்த வைபவத்தில் விசேட அதிதியாக சமந்தா பவர் கலந்துகொள்ளவுள்ளார்.

ஜனாதிபதி மைத்திரிபால சிறிசேனவுக்கும் எதிர்க்கட்சித் தலைவர் மஹிந்த ராஜபக்ஷவுக்கும் இடையில், ஜனாதிபதியின் உத்தியோகபூர்வ வாசஸ்தலத்தில், நேற்றிரவு முக்கியமான சந்திப்பொன்று இடம்பெற்றுள்ளது.

இந்த சந்திப்பின் போது, எதிர்காலத்தில் இடம்பெறவிருக்கும் தேர்தலில் எவ்வாறு போட்டியிடுவது, அந்த தேர்தல்களின் போது முகம் கொடுக்கக்கூடிய பிரதான பிரச்சினைகள், சவால்கள் உள்ளிட்டவை தொடர்பில் இருவரும் விரிவாக கலந்துரையாடியுள்ளனர்.

காலி - ரத்கம - ரத்னஉதாகம பிரதேசத்தில் வர்த்தகர்கள் இருவர் கொலை செய்யப்பட்ட சம்பவம் தொடர்பில் மேலும் சிலர் கைது செய்யப்படவுள்ளதாக பொலிஸார் தெரிவித்துள்ளனர்.

வர்த்தகர்களுடையது என சந்தேகிக்கப்படும் மனித எச்சங்கள் நேற்று மீட்கப்பட்ட நிலையில் அவை மரபணு பரிசோதனைக்காக அனுப்பிவைக்கப்படவுள்ளதாக தெரிவிக்கப்பட்டுள்ளது.

கடத்தப்பட்ட வர்த்தகர்கள் இருவரும் அக்மீமன - கொனாமுல்ல பிரதேசத்தில் உள்ள வீடொன்றில் வைத்து கொலை செய்யப்பட்டுள்ளதாக பொலிஸாரின் ஆரம்ப கட்ட விசாரணைகளில் இருந்து தெரியவந்துள்ளது.

கொலை செய்யப்பட்ட வர்த்தகர்கள் இருவருடைய சடலங்கள் வலஸ்முல்ல - மெதகம்கொட - கனுமுல்தெனிய வனப்பகுதியில் எரியூட்டப்பட்டுள்ளதாகவும், வர்த்தகர்களுடையது என சந்தேகிக்கப்படும் மனித எச்சங்கள் அந்த பகுதியில் இருந்து மீட்கப்பட்டதாகவும் பொலிஸார் கூறுகின்றனர்.

கடந்த ஜனவரி மாதம் 23 ஆம் திகதி பொலிஸ் சீருடையில் வந்த சிலர் 31 வயதான ரசீன் சித்தக மற்றும் 33 வயதான மஞ்சுள அசேல ஆகிய வர்த்தகர்களை கடத்திச் சென்றனர்.

இதனையடுத்து, கடத்தப்பட்ட மஞ்சுள அசேலவின் மனைவிக்கு மாத்தறை - நுபே பொலிஸ் நிலையத்தில் இருந்து அநாமதேய கடிதம் ஒன்று கிடைக்க பெற்றுள்ளது.

அதில், தென்மாகாணத்திற்கு பொறுப்பான சிரேஸ்ட பிரதி பொலிஸ் மா அதிபர் ரவீ விஜேகுணவர்த்தனவின் காரியாலயத்தில் உள்ள விஷேட குற்றத்தடுப்பு விசாரணை பிரிவின் பொறுப்பதிகாரி, பிரதான பொலிஸ் பரிசோதகர் கபில நிஷாந்த உள்ளிட்ட தரப்பினரே கடத்தியதாக அந்த கடிதத்தில் குறிப்பிடப்பட்டிருந்தது.

இதன் பின்னர் குற்றத்தடுப்பு திணைக்கள அதிகாரிகளால் பொலிஸ் பரிசோதகர் கபில நிஷாந்த கைது செய்யப்பட்டதுடன் அவர் எதிர்வரும் 27 ஆம் திகதி வரை விளக்கமறியலில் வைக்கப்பட்டுள்ளார்.

அத்துடன் தென் மாகாண விஷேட குற்றத்தடுப்ப பிரிவின் பொறுப்பதிகாரி சமன் ரோஹன மற்றும் அதன் மேலும் சில அதிகாரிகளிடம் அண்மைய சில நாட்களாக குற்றத்தடுப்பு விசாரணை திணைக்களம் விசாரணைகளை நடத்தியது.

இதனையடுத்து, குறித்த சம்பவத்துடன் தொடர்புடைய தென் மாகாண விஷேட குற்றத்தடுப்பு பிரிவின் உப பொலிஸ் பரிசோதகர் விராஜ் மதுசங்க நேற்று முன்தினம் கைது செய்ய்பபட்டார்.

இந்தநிலையில் அவரை 48 மணித்தியாலங்கள் தடுத்து வைத்து விசாரணை செய்ய நீதிமன்றம் நேற்று அனுமதியளித்துள்ளது.

இதேவேளை, குறித்த இரண்டு வர்த்தகர்களும் கொலை செய்யப்பட்டதாக சந்தேகிக்கப்படும் அக்மீமன - கொனாமுல்ல பிரதேசத்தில் உள்ள வீட்டின் உரிமையாளரிடம் குற்றத்தடுப்பு விசாரணை திணைக்கள அதிகாரிகள் விசாரணைகளை மேற்கொண்டு வருகின்றனர்.

இந்த நிலையில், தென் மாகாணத்துக்கு பொறுப்பான பிரதி காவற்துறை மா அதிபர் ரவீ விஜேகுணவர்த்தன கடந்த 17 ஆம் திகதி பொலிஸ் தலைமையகத்திற்கு இடமாற்றப்பட்டார்.

அத்துடன், 25 பேரை கொண்ட தென் மாகாண விஷேட குற்றத்தடுப்பு பிரிவின் பொறுப்பதிகாரி உள்ளிட்ட 15 பேர் மேல் மாகாணத்திற்கு இடமாற்றப்பட்டுள்ளமை குறிப்பிடத்தக்கது.


பீல்ட் மார்ஷல் சரத் பொன்சேகா மற்றும் பாலித்த ரங்கே பண்டார ஆகிய இருவருக்கும் அமைச்சுப் பதவிகளை வழங்குமாறு, ஆளும் கட்சியைச் சேர்ந்த பின்வரிசை பாராளுமன்ற உறுப்பினர்கள் மிக முக்கியமான கோரிக்கையொன்றை முன்வைத்துள்ளனர்.

பிரதமர் ரணில் விக்கிரமசிங்க தலைமையில், நடைபெற்ற ஆளும் கட்சி பாராளுமன்ற உறுப்பினர்கள் குழுக்கூட்டத்திலேயே மேற்கண்ட கோரிக்கை முன்வைக்கப்பட்டுள்ளது.

மஹிந்த ராஜபக்ஷ, பிரதமராக நியமிக்கப்பட்டதன் பின்னர் 52 நாட்களாக இடம்பெற்ற போலி அரசாங்கத்தின் போது, பாலித்த ரங்கே பண்டாரவினால் முன்னெடுக்கப்பட்ட சேவையும் இதன் போது எடுத்துரைக்கப்பட்டுள்ளது.

தற்போது ஏற்பட்டுள்ள நெருக்கடிக்கு தீர்வு காண்பதற்காக, தேசிய அரசாங்கமொன்றை அமைத்து, மேலே குறிப்பிட்ட இவ்விருவருக்கும் அமைச்சுப் பதவிகளை வழங்குமாறும் இந்தக் கூட்டத்தின் போது வலியுறுத்தப்பட்டுள்ளது.


பன்னிப்பிட்டிய, தெபானம பிரதேசத்தில் இடம்பெற்ற துப்பாக்கிப் பிரயோகத்தில் கொழும்பு-13, கொட்டாஞ்சேனை பிரதேசத்தைச் சேர்ந்த 35 வயதான நபரொருவர் பலியாகியுள்ளார்.

இன்று அதிகாலை 12 மணியளவில் இந்த துப்பாக்கிப் பிரயோகம் இடம்பெற்றுள்ளது எனத் தெரிவித்த பொலிஸார், சம்பவ இடத்திலிருந்து வெற்றுத்தோட்டாக்கள் இரண்டு கைப்பற்றப்பட்டுள்ளன. அத்துடன், நீதவான் விசாரணைகளும் முன்னெடுக்கப்பட்டுள்ளன என்றனர்.

இலங்கையில் மரண தண்டனை மீண்டும் அமுலாக்கப்படுவதற்கு சர்வதேச மன்னிப்பு சபை மீண்டும் எதிர்ப்பை வெளியிட்டுள்ளது.

சர்வதேச மன்னிப்பு சபையின் பொதுசெயலாளர் குமி நைடோ, இதுதொடர்பில் ஜனாதிபதி மைத்திரிபால சிறிசேனவுக்கு பகிரங்க கடிதம் ஒன்றை அனுப்பி வைத்துள்ளார்.

போதைப்பொருள் கடத்தல்களில் ஈடுபட்டமைக்காக மரண தண்டனை விதிக்கப்பட்டவர்களுக்கான தண்டனை அமுலாக்கப்படும் என்று ஜனாதிபதி அண்மையில் அறிவித்தார்.

இந்த நிலையில், குறித்த தீர்மானத்துக்கு எதிராக சர்வதேச மன்னிப்பு சபை, இணையத்தளம் ஊடாக கையெழுத்து சேகரிக்கு நடவடிக்கையை ஆரம்பித்துள்ளமை குறிப்பிடத்தக்கது.


டுபாயில் கைதுசெய்யப்பட்டு, தடுத்துவைக்கப்பட்டுள்ள கஞ்சிபானி இம்ரானின் பிரதான உதவியாளர் எனக் கூறப்படும் மொஹமட் நௌபூர் மொஹமட் அலி என்ற சந்தேகநபர், ஹெரோய்ன் போதைப்பொருளுடன், கொலன்னாவையில் வைத்து, கைதுசெய்யப்பட்டுள்ளார் என பொலிஸார் தெரிவித்தனர்.

© 2019 Asian Mirror (pvt) LTD