web log free
May 30, 2020
editor

editor

வர்த்தகர் ஒருவர் தனிமைப்படுத்தல் மத்திய நிலையத்துக்கு சென்றிருந்த நிலையில் அவருடைய கராஜை உடைத்து, அங்கிருந்த பொருட்களை திருடி சென்றுவிட்ட குற்றச்சாட்டில், மூன்று பேர் கைது செய்யப்பட்டுள்ளனர்.

நிக்கவரெட்டி பிரதேசத்திலுள்ள வர்த்தகரின் கராஜிலேயே இவ்வாறு களவெடுத்துள்ளனர். 

அந்த மூவரில், ஜே.வி.பியின் நிக்கவரெட்டிய பிரதேச சபையின் உறுப்பினரும் அடங்குகின்றார் என்றும் பொலிஸார் தெரிவித்தனர். 

விடுமுறையில் வந்திருந்த கடற்படையினருடன் நெருங்கி பழக்கிய அந்த வர்த்தகருக்கு கொரோனா தொற்று ஏற்பட்டது. அவருடன் சேர்த்து, அவருடைய குடும்பத்தினரும் தனிமைப்படுத்தல் நிலையத்துக்கு கொண்டுசென்றுள்ளனர்.

இந்த சந்தர்ப்பத்திலேயே திருடியுள்ளனர். 

பாராளுமன்றத்தை மார்ச் மாதம் 2ஆம் திகதியன்று கலைத்தமை மற்றும் பொதுத் தேர்தலுக்கான திகதியை ஜூன் 20ஆம் திகதி வரைக்கும் ஒத்திவைத்தமை ஆகியவற்றுக்கு எதிராக உயர்நீதிமன்றத்தில் தாக்கல் செய்யப்பட்டுள்ள மனுக்கள் மீதான விசாரணை நாளைக்கு மீண்டும் ஒத்திவைக்கப்பட்டுள்ளது.

கடந்த 18ஆம் திகதியன்று விசாரணைக்கு எடுத்துகொள்ளப்பட்ட மனுக்கள் 19ஆம் திகதியன்றும் விசாரிக்கப்பட்டன.

அதன்பின்னர் 20ஆம் திகதியன்று ஒத்திவைக்கப்பட்ட மனுக்கள் மீதான விசாரணைகள் 21ஆம் திகதியன்றும் நடத்தப்பட்டன.  நாளை 22 ஆம் திகதிக்கும் ஒத்திவைக்கப்பட்டுள்ளது.

இந்நிலையில், ஜூன் மாதம் 20ஆம் திகதியன்று தேர்தலை நடத்தமுடியாது என்று தேர்தல்கள் ஆணைக்குழுவின் சார்பில் நீதிமன்றத்தில் ஆஜராகியிருந்த ஜனாதிபதி சட்டத்தரணி சாலிய பீரிஸ் நீதிமன்றத்துக்கு அறிவித்தார்.

அதனையடுத்தே, பாராளுமன்றத் தேர்தலை 20 ஆம் திகதியன்று நடத்துவதற்கு எதிராக தமது தரப்பினாரால் தாக்கல் செய்யப்பட்டுள்ள வழக்கை வாபஸ் பெற்றுக்கொள்வதாக ஜனாதிபதி  சட்டத்தரணி எம்.ஏ.சுமந்திரன், உயர்நீதிமன்றத்துக்கு அறிவித்தார்.

அவர், சட்டத்தரணி ஷரித குணரத்னவின் சார்பில் நீதிமன்றத்தில் ஆஜராகியிருந்தார். 

“தனது தரப்பு மனுதாரர் ஜூன் 20ஆம் திகதியன்று தேர்தல் நடத்துவதை கைவிடுமாறு கோரியிருந்தார். தேர்தல்கள் ஆணைக்குழுவும் அந்த முடிவுக்கு வந்துள்ளது.  தனது தரப்பு மனுதாரர் கோரியிருக்கும் நிவாரணம் கிடைத்துள்ளது. ஆகையால் மனுவை வாபஸ் பெற்றுக்கொள்ளுமாறு அவரிடம் கோரியுள்ளேன்” என்றும் நீதிமன்றத்துக்கு சுமந்திரன் அறிவித்துள்ளார்.

 

 

கொழும்பு-10, மாளிகாவத்தையில் நெரிசலில் சிக்குண்டு மரணமடைந்த முஸ்லிம் பெண்கள் மூவரின் விபரம் வெளியாகியுள்ளது.

அந்த இடத்துக்கு சென்றிருந்கும் கொழும்பு மேலதிக நீதவான் காஞ்சனா நிரஞ்சளா டி சில்வா, மரண பரிசோதனைகளை மேற்கொண்டுவருகின்றார். 

மரண பரிசோதனைகளை மேற்கொள்வதற்கான அனுமதியை மாளிகாவத்த பொலிஸார், நீதிமன்றத்தில் முன்வைத்தனர். அதன் பின்னரே நீதவான் அவ்விடத்துக்கு சென்றுள்ளார். 
  
இந்த சம்பவத்தில் கொழும்பு-10 மாளிகாவத்தையை வசிப்பிடமாகக் கொண்ட  லக்சித செவனவைச் சேர்ந்த உம்மா அகிலா (62 வயது) ஜூம்மா மஸ்ஜிட் பிரதேசத்தைச் சேர்ந்த மொஹமட் பௌசியா நீஷா (59) மற்றும் மாளிகாவத்தை வக்சித செவனவைச் சேர்ந்த மொஹமட் பர்மா முஸம்மில் (68) ஆகியோரே இவ்வாறு மரணமடைந்துள்ளனர் என, நீதிமன்றத்தின் கவனத்துக்கு பொலிஸார் கொண்டுவந்தனர்.

கொரோனா தொற்றுக்கு உள்ளானவர்களின் எண்ணிக்கை 1026 இலிருந்து 1030 வரையிலும் அதிகரித்துள்ளது என சுகாதார அமைச்சு அறிவித்துள்ளது.

இதேவேளை, குணமடைந்தோரின் எண்ணிக்கையும் அதிகரித்து கொண்டே செல்கிறது. குணமடைந்தோரின் எண்ணிக்கை 506 ஆகும்

கொழும்பு மாளிகாவத்தை பிரதேசத்திலுள்ள ஜும்மா மஸ்ஜித் வீதி தற்காலிகமாக மூடப்பட்டுள்ளது. அங்கு ஏற்பட்டுள்ள பதற்றமான நிலைமையை அடுத்தே, வீதிகள் மூடப்பட்டுள்ளன 

அப்பிரதேசத்துக்குள் உள்நுழைவதற்கு தடை விதிக்கப்பட்டுள்ளது. அங்கிருந்து வாகனங்கள் வெளியேறுவதற்கும் தடைசெய்யப்பட்டுள்ளன என பொலிஸார் தெரிவித்தனர்.

ஜும்மா மஸ்ஜித் வீதிக்கு அருகிலுள்ள வீடொன்றில் நிதி நிவாரணம் வழங்கப்படுவதற்கு ஏற்பாடுகள் செய்யப்பட்டுள்ளன. அங்கு ஏற்பட்ட நெரிசலில் முஸ்லிம் பெண்கள் மூவர் மரணமடைந்தனர். இன்னும் எட்டுப்பேர் காயங்களுக்கு உள்ளாகி வைத்தியசாலையில் அனுமதிக்கப்பட்டனர்.

இந்த சம்பவம் தொடர்பில், ஆறுபேரை பொலிஸார் கைதுசெய்துள்ளனர். இந்நிலையிலேயே ஜும்மா மஸ்ஜித் வீதி தற்காலிகமான மூடப்பட்டுள்ளது என பொலிஸார் அறிவித்தனர்.

 

 

பாடசாலைக்குச் செல்லும் சிறுவனை வீட்டுக்கு அழைத்துவந்த, கணிதம் கற்பிக்கும் 26 வயதான திருமணமான ஆசிரியை கைது செய்யப்பட்டு, நாளை (22) வரைக்கும் விளக்கமறியலில் வைக்கப்பட்டுள்ளார்.

ஹிங்குராங்கொட கல்வி வலயத்திலுள்ள பாடசாலை ஒன்றின் ஆசிரியரே, இவ்வாறு  விளக்கமறியலில் வைக்கப்பட்டுள்ளார். 

திருமணமான அந்த ஆசிரியை, சிறுவனை அந்த பெற்றோரிடமிருந்த பலவந்தமாக அழைத்துவந்து, கடுமையான பாலியல் ரீதியில் துன்புறுத்தலுக்கு உள்ளாகியுள்ளார். 

மாத்தளை பிரதேத்திலுள்ள வீடொன்று அழைத்துசென்று அங்கு தடுத்துவைத்தே இவ்வாறு பாலியல் துஷ்பிரயோகத்குத்துக்கு உட்படுத்தியு்ளளார். 

கைதுசெய்யப்பட்ட சிறுவன், வைத்திய பரிசோதனைக்காக அனுப்பிவைக்கப்பட்டுள்ளார் எனத் தெரிவித்த ஹிங்குராங்கொட பொலிஸார், மேலதிக விசாரணைகளை மேற்கொண்டு வருகின்றனர்.

 

 

மாளிகாவத்தையில் , நிதி விநியோக செயற்பாடு ஒன்றின்போது ஏற்பட்ட நெரிசலில் சிக்கி 3 பெண்கள் உயிரிழந்த சம்பவம் தொடர்பில் 6 பேர் கைது செய்யப்பட்டுள்ளனர்.

இந்த சம்பவத்தில் 6 பேருக்கும் மேற்பட்டவர்கள் காயமடைந்துள்ளனர் என தகவல்கள் தெரிவிக்கின்றன. 

மக்கள் கூட்டம் அதிகமாகியதால் கட்டுப்படுத்த முடியாத நிலை ஏற்பட்டுள்ளது.

 சறூக் ஹாஜியார் என்பவர் ஏற்கனவே கடந்த காலங்களில் சமூகப்பணிகளை மேற்கொண்டிருந்தார்.

அவரே, இந்த விநியோகத்தினை ஏற்பாடு செய்திருந்தார்.

அந்த சமூகப்பணிகளில் ஒரு அம்சமாகவே நோன்பு பெருநாளையொட்டி இந்த நிதி வழங்கலை அவர், ஏற்பாடு செய்திருந்தார் என்று அறியமுடிந்தது.

ஆனாலும் நிகழ்வு ஆரம்பிக்க முன்னரே மக்கள் நெரிசல் அதிகமானதால் இந்த பாதிப்பு ஏற்பட்டதாக தெரிவிக்கப்படுகின்றது. 

காதல் தோல்வியால் பலரும் என்னவென்னமோ செய்துகொள்வர். இன்னும் சிலர் அப்படியொன்று நடக்காததைப் போலவே இருந்துவிடுவர். இன்னும் சிலர், ஏதாவது செய்துகொள்வர்.

ஆனால், சீனாவில் வித்தியாசமான சம்பவமொன்று இடம்பெற்றுள்ளது. 

சீனாவில் இன்று (மே 20-ந்தேதி) காதலர் தினம் கொண்டாடப்படுகிறது. தன்னை ஏமாற்றிய தன் முன்னாள் காதலன் தன்னைப்போலவே அழ வேண்டும் என்பதற்காக அவர் வீட்டுக்கு 1000 கிலோ வெங்காயத்தை அனுப்பி வைத்தார் ஒரு இளம்பெண்.

சீனா ஷாண்டோங் மாநிலம் ஜிபோ பகுதியை சேர்ந்த பெண் ஜாவோ நீண்ட நாட்களாக ஒருவரை காதலித்து வந்தார். தனது காதலனுடன் காதலர் தினத்தை கொண்டாட மிகுந்த எதிர்பார்ப்பில் இருந்தார். ஆனால் அவரது காதலர் அவரை ஏமாற்றி விட்டார். காதலரை பிரிந்தபோது மூன்று நாட்களாக கண்ணீர் விட்டு அழுது உள்ளார்.

இந்த நிலையில், காதலர் இந்த பிரிவுக்கு வேதனைப் படவில்லை என்பது நண்பர்கள் மூலம் தெரியவர, ஜாவோவுக்கு கடும் கோபம் ஏற்பட்டது.

உடனே 1000 கிலோ வெங்காயத்தை ஆர்டர் செய்து அதனை தன் முன்னாள் காதலர் வீட்டுக்கு அனுப்பி வைத்தார். அதில் ஒரு கடிதத்தையும் இணைத்திருந்தார் அவர். அந்த கடிதத்தில், ‘‘நான் மூன்று நாட்கள் அழுதேன், இப்போது உன்னுடைய முறை’’ என்று எழுதப்பட்டிருந்தது.

ஜாவோவின் காதலர் வெங்காயத்தைப் பார்த்து திகைத்துப்போய் நிற்கும் புகைப்படம் ஒன்று வெளியாகியுள்ளது. அத்துடன் வெளியாகியுள்ள வீடியோ ஒன்றில், 1000 கிலோ வெங்காயத்தை ஜாவோவின் முன்னாள் காதலன் வீட்டுக்கு டிரக் ஒன்று டெலிவரி செய்வதையும் காண முடிகிறது. ஜாவோவின் முன்னாள் காதலன் தனது முன்னாள் காதலியை வித்தியாசமானவர் என்று கூறினாலும், நான் அழாததற்காக நான் ஒரு மோசமான மனிதனா? என கேள்வி எழுப்பி உள்ளார்.

அக்கம்பக்கத்தினர் வெங்காயம் அழுகி துர்நாற்றம் வீசுவதாகக் காதலன் மீது குற்றம்சாட்டியுள்ளனர்.

நீர்த்தேக்கத்துக்குள் பாய்ந்த 23 வயதான யுவதியை காப்பாற்றுவதற்காக, நீர்த்தேகத்கத்துக்குள் குதித்த 32 வயதானவை சுழியோடிகளும் பொலிஸாரும் இணைந்து தேடும் பணிகளை முன்னெடுத்துள்ளனர்.

இந்த சம்பவம், தலவாக்கலை, மேல்கொத்மலை நீர்த்தேக்கத்திலேயே இடம்பெற்றுள்ளது.

நீர்த்தேக்கத்துக்குள் பாய்ந்த 23 வயதுடைய யுவதியை காப்பாற்றச் சென்ற, நபர் காணாமல் போயுள்ளார்.

எனினும், குறித்த யுவதியை தலவாக்கலை பொலிஸ் நிலைய பொறுப்பதிகாரி காப்பாற்றியுள்ளார். இன்று (21) முற்பகல் 10 மணியளவிலேயே இச்சம்பவம் இடம்பெற்றுள்ளது.

இச்சம்பவம் குறித்து தெரியவருவதாவது,

"தலவாக்கலை ரயில்வே கடவை பாலத்தில் இருந்தே குறித்த யுவதி நீர்த்தேக்கத்துக்குள் குதித்துள்ளார். இதனை கண்ட அவ்வழியாகச்சென்ற நபரொருவர், யுவதியை காப்பாற்றும் நோக்கில் நீர்த்தேக்கத்துக்குள் பாய்ந்துள்ளார்.

நீரிழ் மூழ்கிய யுவதியை மேலே இழுத்துவிட்டு, அவர் நீரில் மூழ்கியுள்ளார். ஏதேச்சையாக இதனை கண்ணுற்ற பொலிஸ் நிலைய பொறுப்பதிகாரி, நீர் பாதுகாப்பு அங்கியை அணிந்துகொண்டு நீர்த்தேக்கத்தில் இறங்கி யுவதியை காப்பாற்றியுள்ளார்.

எனினும், யுவதியை காப்பாற்றுவதற்காக முதலில் குதித்த நபர் காணாமல் போயுள்ளார்.

2 பிள்ளைகளின் தந்தையான அப்தீன் ரிஷ்வான் (வயது 32) என்பவரே இவ்வாறு காணாமல் போயுள்ள நிலையில், பொலிஸாரும், கடற்படையின் சுழியோடிகளும், இராணுவத்தினரும் இணைந்து அவரை தேடும் பணியை முன்னெடுத்துள்ளனர்.

காப்பாற்றப்பட்ட யுவதி லிந்துலை வைத்தியசாலையில் சிகிச்சைக்காக அனுமதிக்கப்பட்டுள்ளார்.

 

கொழும்பு மாளிகாவத்த வீடமைப்புத் தொகுதியில் (தோட்டத்தில்) இடம்பெற்ற சம்பவமொன்றில் மூன்றுபேர் மரணமடைந்துள்ளனர். 

முஸ்லிம் பெண்கள் மூவரே மரணமடைந்துள்ளனர். இன்னும் நான்கு பெண்கள் காயமடைந்து வைத்தியசாலையில் அனுமதிக்கப்பட்டுள்ளனர்.

செல்வந்தர் ஒருவரினால் பணம் இலவசமாக வழங்கப்பட்டு கொண்டிருந்த போதே இவ்வனர்த்தம் ஏற்பட்டுள்ளது.

நெரிசலில் சிக்கியே இவர்கள் மரணமடைந்துள்ளனர் என தகவல்கள் தெரிவிக்கின்றன. 

எனினும், இதுதொடர்பிலான மேலதிக தகவல்கள் எதிர்பாருங்கள் 

 

© 2019 Asian Mirror (pvt) LTD