web log free
July 26, 2021
editor

editor

இலங்கை மற்றும் பாகிஸ்தான் அணிகளுக்கு இடையிலான இரண்டு போட்டிகள் கொண்ட ரி20 தொடரின் இரண்டாவது போட்டி இன்று இடம்பெறவுள்ளது.

இன்றைய போட்டியின் நாணய சுழற்சியில் இலங்கை அணி வெற்றிப் பெற்று, முதலில் துடுப்பெடுத்தாட தீர்மானித்துள்ளது.

இந்த போட்டி லாஹூர் சர்வதேச கிரிக்கெட் மைதானத்தில் இடம்பெற்று வருகிறது.

முதலாவது ரி20 போட்டியில் இலங்கை அணி 64 ஓட்டங்கள் வித்தியாசத்தில் வெற்றி பெற்றிருந்தமை குறிப்பிடத்தக்கது.

ருகுணு பல்கலைக்கழகத்தில் மாணவர் ஒருவர் மீது மேற்கொள்ளப்பட்ட பகிடிவதை தொடர்பில் விளக்கமறியலில் வைக்கப்பட்டுள்ள ருகுணு பல்கலைக்கழக பிரதான மாணவர் சங்கத்தின் தலைவர் உள்ளிட்ட 19 மாணவர்கள் மீண்டும் 21 ஆம் திகதி வரையில் விளக்கமறியலில் வைக்கப்பட்டுள்ளனர்.


இதற்கு அமைவாக புதிய பகிடிவதை சட்டத்தின் கீழ் மாத்தறை நீதவான் நீதிமன்றத்தில் வழக்கு தாக்கல் செய்யப்பட்டமை குறிப்பிடத்தக்கது.

புதிய மாணவர் ஒருவரை பகிடிவதைக்கு உட்படுத்தியமை தொடர்பில் விளக்கமறியலில் வைக்கப்பட்டிருந்த மாணவர்கள் இன்றை தினம் மாத்தறை பிரதான நீதவான இசுறுநெத்தி குமார முன்னிலையில் ஆஜர் படுத்தப்பட்டனர்.


ருகுணு பல்கலைக்கழக புதிய மாணவரை மாத்தறை மெதவத்தையில் உள்ள விடுதியில் வைத்து பகிடிவதை மேற்கொள்ளப்பட்டமை தொடர்பில் இந்த 19 மாணவர்களும் மாத்தறை தலைமை பொலிஸ் நிலையத்தினால் கைது செய்யப்பட்டு விளக்கமறியலில் வைக்கப்பட்டனர்.

பாதுகாப்பு அமைச்சின் முன்னாள் செயலாளர் கோத்தாபய ராஜபக்ஷவுக்கு எதிராக தாக்கல் செய்யப்பட்ட இரட்டை குடியுரிமை தொடர்பிலான மனுக்களின் தீர்ப்பு எதிராக,  உயர்நீதிமன்றத்தில் மேன்முறையீடு செய்யவுள்ளதாக மனுதாரர்கள் இருவரும் அறிவித்துள்ளனர்.

இரட்டை குடியுரிமையை சவாலுக்கு உட்படுத்தி, தாக்கல் செய்யப்பட்டிருந்த ரிட்மனு, கடந்த 4ஆம் திகதி நிராகரிக்கப்பட்டது. 

இந்த இரண்டு மனுக்களின் ஒன்று, பல்கலைக்கழக பேராசிரியர் சந்திரகுப்த தெனுவர என்பவராலும் மற்றைய மனு, காமினி வியங்கொட என்பவராலும் தாக்கல் செய்யப்பட்டிருந்தது.

அவ்விருவமே, இந்தத் தீர்ப்பு எதிராக உயர்நீதிமன்றத்தில் மேன்முறையீடு செய்யவுள்ளனர். 

 மேன்முறையீட்டு நீதிமன்றத்தின் தீர்ப்பை சவாலுக்கு உட்படுத்தி, 42 நாட்களுக்குள் மேன்முறையீடு செய்யலாம்.

அக்காலப்பகுதிக்குள் மேன்முறையீடு செய்யவுள்ளனர்.

 மனுக்கள் நிராகரிக்கப்பட்ட காரணங்கள் தொடர்பிலான விளக்கம், மனுதாரர்கள் இன்றையதினம் (07) அறிவிக்கப்படுவதற்கு, கடந்த 4ஆம் திகதி தீர்மானிக்கப்பட்டமை குறிப்பிடத்தக்கது. 

ஜனாதிபதித் தேர்தலில் போட்டியிடும் வேட்பாளர்கள் செலுத்தவேண்டிய கட்டுப்பணத்தொகை அதிகரிப்பதற்கு கலந்துரையாடல்கள் முன்னெடுக்கப்படுகின்றன என அறியமுடிகின்றது.

தேர்தலுக்கான மொத்த செலவில் 10 சதவீதம் அல்லது 50 இலட்சம் ரூபாவை கட்டுப்பணம் அறவிடுவதற்கு தேர்தல்கள் ஆணைக்குழு கலந்துரையாடிவருகின்றது.

ஜனாதிபதித் தேர்தலில் வேட்பாளர்களின் எண்ணிக்கை அதிகாரிப்பதனால் செலவுகள் அதிகரிக்கின்றன. பொதுமக்கள் மீதான சுமையும் அதிகரிக்கிறது.

ஆகையால், கட்டுப்பணத் தொகையை அதிகரிப்பதற்கு கலந்துரையாடப்படுவதாக தேர்தல்கள் ஆணைக்குழுவின் தகவல்கள் தெரிவிக்கின்றன. 

எட்டாவது ஜனாதிபதி தேர்தலுக்கான வேட்பு மனுக்கள் இன்று (07) திங்கட்கிழமை காலை 9 மணி முதல் 11 மணி வரை தேர்தல்கள் ஆணைக்குழுச் செயலகத்தில் ஏற்றுக்கொள்ளப்படவிருக்கிறது. ஆணைக்குழுத் தலைவர் மஹிந்த தேசப்பிரிய வேட்பு மனுக்களை ஏற்றுக்கொள்வார்.

தேர்தலில்போட்டியிடுவதற்காக தேர்தலில் கட்டுப்பணம் செலுத்தியுள்ள 41 பேரில் இரண்டு தமிழர்களும், நான்கு முஸ்லிம்களும், இரண்டு பெண்களும் அடங்குவது குறிப்பிடத்தக்கது.

தமிழ் வேட்பாளர்களாக எம். கே. சிவாஜிலிங்கம், சுப்பிரமணியம் குணரத்னம் ஆகியோரும்,

முஸ்லிம் வேட்பாளர்களாக கிழக்கு மாகாண முன்னாள் ஆளுநர் எம். எல். ஏ. எம். ஹிஸ்புல்லாஹ், முன்னாள் அமைச்சர் பஷீர் சேகுதாவூத், முன்னாள் பாராளுமன்ற உறுப்பினர்களான டாக்டர் ஐ.எம். இல்யாஸ், ஏ. எச்.எம். அலவி ஆகியோர் சார்பில் கட்டுப்பணம் செலுத்தப்பட்டுள்ளது.

வரலாற்றில் முதற்தடவையாக இம்முறை கூடுதலான வேட்பாளர்கள் தேர்தலில் போட்டியிடுவதற்காக கட்டுப்பணம் செலுத்தியுள்ளனர்.

நவம்பர் 16 ஆம் திகதி நடைபெற இருக்கும் ஜனாதிபதி தேர்தலில் ஐ.தே.க சார்பில் அமைச்சர் சஜித் பிரேமதாஸவும் பொது ஜனபெரமுன சார்பில் கோட்டாபய ராஜபக்‌ஷவும் ஜே.வி.பி சார்பில் அநுர குமார திசாநாயக்கவும் போட்டியிட இருப்பதோடு சிலர் அங்கீகாரம் வழங்கப்படாத கட்சிகளின் கீழ் போட்டியிடுவதும் குறிப்பிடத்தக்கது.

இம்முறை கட்சிகள் சார்பில் 19 பேரும் சுயேச்சை குழுக்கள்

சார்பில் 22 பேரும் கட்டுப்பணம் செலுத்தியுள்ளனர். சுதந்திரக் கட்சி சார்பில் இம்முறை எவரும் போட்டியிடவில்லை.

ஆட்சேபனை முன்வைக்க 11 மணி முதல் 11.30 வரை கால அவகாசம் வழங்கப்பட இருப்பதோடு அங்கீகரிக்கப்பட்ட வேட்பாளர்களை 12 மணிக்கு ஆணையாளர் அறிவிப்பார்.

வேட்புமனுக்களை இன்று திங்கட்கிழமை (7) காலை தேர்தல் ஆணைக்குழுவில் ஏற்றுக்கொள்வதற்கு சகல ஒழுங்குகளும் மேற்கொள்ளப்பட்டுள்ளன.

தேர்தல் செயலக வளாக பகுதியில் பாதுகாப்பை பலப்படுத்த நடவடிக்கை எடுக்கப்பட்டுள்ளதோடு வேட்புமனு தாக்கல் செய்வதற்கு வேட்பாளருடன் அனுமதி பெற்ற இருவருமாக மூவர் மாத்திரமே அனுமதிக்கப்படுவார்களென தேர்தல்கள் ஆணைக்குழுவின் தலைவர் அறிவித்துள்ளார்.

 இலங்கை ஜனாதிபதி தேர்தல் வரலாற்றில் முதற்தடவையாக அதிக எண்ணிக்கையான வேட்பாளர்கள் கட்டுப்பணம் செலுத்தியுள்ளனர்.

இம்முறை தேர்தல் ஆணைக்குழுவின் அதிகாரிகள் வழமைக்கும் மாறான வேலைப்பளுவுக்கு தள்ளப்பட்டிருப்பதாகவும் இதுவரை 41 பேர் கட்டுப்பணம் செலுத்தியுள்ளதாவும் அறிவிக்கப்படுகிறது.

கூடுதலான வேட்பாளர்கள் போட்டியிடுவதால் ஜனாதிபதி தேர்தலுக்கான செலவு பல மில்லியன் ரூபாய்கள் அதிகரிக்கலாம் என ஆணையாளர் கூறியுள்ளார்.

இன்று காலை முதல் ராஜகிரிய பிரதேசத்தில் விசேட அதிரடிப்படையினர் உள்ளிட்ட சுமார் 02 ஆயிரம் பொலிஸ் உத்தியோகத்தர்கள் கடமையில் ஈடுபடுத்தப்படவுள்ளனர்.

புலனாய்வு அதிகாரிகளும் இங்கு கடமைகளை முன்னெடுக்கவுள்ளனர். வேட்புமனு தாக்கலுக்கு முன்னரும் பின்னரும் வீதிகளில் ஊர்வலங்கள் செல்வதற்கும் தடை விதிக்கப்பட்டுள்ளதாகவும் அவர் அறிவித்துள்ளார்.

ஜனாதிபதி, பிரதமர், எதிர்க்கட்சித்தலைவர் மற்றும் முன்னாள் எதிர்க்கட்சித் தலைவர் எவரும் போட்டியிடாத ஜனாதிபதி தேர்தலாக இம்முறை இத் தேர்தல் அமைந்துள்ளமை குறிப்பிடத்தக்கது.

ஜனாதிபதி தேர்தலை கண்காணிப்பதற்காக இந்தோனேசியா, இந்தியா,அவுஸ்திரேலியா, தென்னாபிரிக்கா மற்றும் மாலைதீவு ஆகிய ஐந்து நாடுகளுக்கு உத்தியோகப்பூர்வமாக அழைப்பு விடுக்கப்பட்டுள்ளது.

அதேநேரம் ஐரோப்பிய ஒன்றியமும் பொதுநலவாய கண்காணிப்பு அமைப்பும் சுயவிருப்பின்பேரில் இலங்கைக்கு வருகைதர இருப்பதாகவும் மஹிந்த தேசப்பிரிய தெரிவித்துள்ளார்.

வேட்பாளர்கள் அதிகரித்துள்ளதால் இம்முறை அதிக எண்ணிக்கையிலான வாக்கு எண்ணும் நிலையங்கள் தேவைப்படுவதுடன், செலவும் அதிகரிக்கும்.

தற்போது ஜனாதிபதி தேர்தலுக்காக நான்காயிரம் மில்லியன் ரூபாவே ஒதுக்கப்பட்டுள்ளது. இது 4500 மில்லியன்கள் வரை அதிகரிக்குமென எதிர்பார்த்திருந்தோம். எனினும் கட்டுப்பணம் செலுத்துவோரின் எண்ணிக்கை நாளுக்கு நாள் அதிகரித்துச் செல்வதனால் செலவீனம் சுமார் 05 ஆயிரம் மில்லியன் ரூபாய் வரை அதிகரிக்கலாமென்றும் அறிவிக்கப்படுகிறது.

ஐரோப்பிய ஒன்றியம் மற்றும் பொதுநலவாய கண்காணிப்பு அமைப்புக்கள் தமது சுய விருப்பின்பேரில் இலங்கை வரவுள்ளன.

உத்தியோகப்பூர்வ கண்காணிப்பு நடவடிக்கைகளுக்காக இந்தோனேசியா, இந்தியா, அவுஸ்திரேலியா, தென்னாபிரிக்கா மற்றும் மாலைதீவு ஆகிய ஐந்து நாடுகளுக்கு அழைப்பு விடுக்கப்பட்டுள்ளது.

இவர்கள் எதிர்வரும் 10 ஆம் திகதியளவில் நாட்டுக்கு வருகை தரவுள்ளனர்.

மேலும் கற்கை நடவடிக்கைகளுக்காக இந்தியா, பாகிஸ்தான், பங்களாதேஷ், நேபாளம்,தென்கொரியா,அவுஸ்திரேலியா, பிலிப்பைன்ஸ், மியன்மார், இந்தோனேசியா, பூட்டான் மற்றும் மாலைதீவு ஆகிய நாடுகளின் பிரதிநிதிகளுக்கு அனுமதி வழங்கப்பட்டுள்ளது.

இவர்களுக்கான உள்ளூர் போக்குவரத்து மற்றும் தங்குமிடவசதிகளுக்கான ஏற்பாடுகளை மட்டுமே தேர்தல் ஆணைக்குழு முன்னெடுக்க உள்ளது.

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷவுக்கு எதிராக, உயர்நீதிமன்றத்தில் இன்று (07) நான்கு மனுக்கள் தாக்கல் செய்வதற்கான ஏற்பாடுகள் மேற்கொள்ளப்பட்டுள்ளன என தகவல்கள் தெரிவிக்கின்றன.

ரிட் மனுக்களே இவ்வாறு தாக்கல் செய்யப்படவுள்ளன என அறியமுடிகின்றது.

இந்த நாட்டின் ஜனாதிபதித் தேர்தலில் போட்டியிடுவதற்கான ஆகக் குறைந்த தகுதியைக்கூட கோத்தாபய ராஜபக்ஷ கொண்டிருக்கவில்லை என, அந்த மனுக்களின் ஊடாக சவாலுக்கு உட்படுத்துவதற்கு நடவடிக்கைகள் எடுக்கப்பட்டுள்ளன என அறியமுடிகின்றது. 

 

கோத்தாபய ராஜபக்ஷ தன்னுடைய அமெரிக்க குடியுரிமையை முறையாக விலக்கிக்கொள்ளவில்லை ஆகையால், அவர் இரட்டை குடியுரிமையை இன்னும் கொண்டிருக்கின்றார் என்றும் அந்த மனுவில் குறிப்பிடப்படவுள்ளது. 

 

 

அரசியலமைப்பின் 19ஆவது திருத்தத்தின் பிரகாரம், இரட்டை குடியுரிமையை கொண்ட எவரும்,ஜனாதிபதித் தேர்தலில் போட்டியிடமுடியாது என்பதும் குறிப்பிடத்தக்கது. 

நவம்பர் 16ஆம் திகதி நடைபெறவிருக்கும் ஜனாதிபதித் தேர்தலில் போட்டியிடுவதற்கான வேட்பு மனுக்களை ஏற்கும் நடவடிக்கைகள் இன்று பிற்பகல் 11 மணியுடன் நிறைவடையும்

இதில், நாமல் ராஜபக்ஷவும் போட்டியிடவுள்ளார்.

சட்டத்தரணியான இவர், மஹிந்த ராஜபக்ஷவின் புதல்வர் அல்லர்.

சட்டத்தரணியான நாமல் ராஜபக்ஷவும் கட்டுப்பணத்தை செலுத்தியுள்ளார். 

இம்முறை ஜனாதிபதித் தேர்தலிலேயே ஆகக் கூடுதலாக 41 பேர் கட்டுப்பணம் செலுத்தியுள்ளனர். 

சட்டத்தரணியான நாமல் ராஜபக்ஷ, 2015 ஆம் ஆண்டு ஜனாதிபதித் தேர்தலில் டெலிபோன் சின்னத்தில் போட்டியிட்டார்.

அவர்ஈ 15,726 வாக்குகளைப் பெற்று அந்த முறை நான்காவது இடத்தைப் பெற்றுக்கொண்டார். 

அவருடைய பெயருடன் ராஜபக்ஷவின் பெயரும் இருப்பதனால், தேர்தலில் பலர் அவருக்கு வாக்களித்துவிட்டனர் என விமர்சனங்கள் முன்வைக்கப்பட்டிருந்தன.

2015 ஜனாதிபதித் தேர்தலில் 18,174 வாக்குகளைப் பெற்று 3 ஆவது இடத்தை பிடித்துக்கொண்டவர்கள் ஆராச்சி ரத்னாயக்க சிறிசேன என்பவராவார்.

அவர், தற்போதைய ஜனாதிபதி மைத்திரிபால சிறிசேனவுக்கு டம்மியாக நிறுத்தப்பட்டார் என்பதும் குறிப்பிடத்தக்கதாகும். 

 

இம்முறை நடைபெறும் ஜனாதிபதித் தேர்தல் வரலாற்றில் இடம்பிடிக்கும் ஜனாதிபதித் தேர்தலாக அமையக்கூடுமென தேர்தல்கள் ஆணைக்குழுவின் தலைவர் மஹிந்த தேசப்பிரிய தெரிவித்துள்ளார்.

இந்த ஜனாதிபதித் தேர்தலில் ஜனாதிபதி மைத்திரிபால சிறிசேன போட்டியிடாவிட்டால். அது வரலாற்றில் இடம்பிடிக்கும் தேர்தலாகும் என மஹிந்த தேசப்பிரிய தெரிவித்துள்ளார்.

அதனடிப்படையில், ஜனாதிபதி, பிரதமர், எதிர்க்கட்சித் தலைவர், முன்னாள் எதிர்க்கட்சித் தலைவர் களத்தில் குதிக்காத தேர்தலாக அமையும் என்றார். 

இந்தத் தேர்தலில் போட்டியிடுவதற்காக 41 பேர் கட்டுப்ணம் செலுத்தியுள்ளனர்.

அதில், தமிழ், முஸ்லிம்கள் ஆறுபேரும் கட்டுபணம் செலுத்தியுள்ளனர்.

ஜனாதிபதித் தேர்தலுக்கான வேட்புமனுவை ஏற்றுக்கொள்ளும் நடவடிக்கைகள் இன்றுகாலை 9 மணிமுதல் 11 மணிவரையிலும் நடைபெறும்.

எதிர்ப்புகளை தெரிவிப்பதற்கு 30 நிமிடங்கள் ஒதுக்கப்படும்.

அதன்பின்னர், தேர்தலில் போட்டியிடும் வேட்பாளர்களின் விபரங்கள் அறிவிக்கப்படும்.

வேட்பு மனுக்களை தாக்கல் செய்வதற்கான ஏற்பாடுகள் மேற்கொள்ளப்பட்டுள்ள அதேவேளை, பலத்த பாதுகாப்பு ஏற்பாடுகளும் மாற்று போக்குவரத்து ஏற்பாடுகளும் மேற்கொள்ளப்பட்டுள்ளன. 

எதிர்வரும் ஜனாதிபதித் தேர்தலில் போட்டியிடுவதற்கு, 41 பேர் கட்டுப்பணம் செலுத்தியுள்ளனர்.

அதில்,மூன்று ராஜபக்ஷர்கள் போட்டிடுவதற்கு கட்டுப்பணம் செலுத்தியுள்ளனர்.

ஸ்ரீ லங்கா பொதுஜன பெரமுன சார்பில் கோத்தாபய ராஜபக்ஷவும், ஸ்ரீ லங்கா நிதஹஸ் பொதுஜன சந்தானய சார்பில் சமல் ஜயந்த ராஜபக்ஷவும் கட்டுப்பணம் செலுத்தியுள்ளனர்.

இந்நிலையில், தேசிய ஐக்கிய முன்னணியின் சார்பில் நாமல் ராஜபக்ஷவும் கட்டுப்பணம் செலுத்தியுள்ளார்.

தமிழ்த் தேசியக் கூட்டப்பின் முன்னாள் பாராளுமன்ற உறுப்பினரான எம்.கே. சிவாஜிலிங்கமும், ஜனாதிபதித் தேர்தலில் போட்டியிடுவதற்கான, கட்டுப்பணத்தை செலுத்தியுள்ளார்.

சுயேட்சையாகவே அவர் போட்டியிடவுள்ளார். இவர், தமிழ்த் தேசியக் கூட்டமைப்பில் அங்கம் வகிக்கும் ரெலோ அமைப்பின் முக்கியஸ்தர் ஆவார்.

 

© 2021 All Rights Reserved by Asian Mirror Pvt Ltd