web log free
June 23, 2021
editor

editor

ராஜபக்ஷர்களின் கூட்டுக்குள் குழப்பகரமான நிலையொன்று ஏற்பட்டுள்ளது என தகவல்கள் தெரிவிக்கின்றன. இதனால், ராஜபக்ஷர்களுக்கு இடையிலும் பங்காளி கட்சிகளுக்கு இடையிலும் கருத்து மோதல்கள் ஏற்பட்டுள்ளன என அறியமுடிகின்றது. 

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோத்தபாய ராஜபக்ஷவுக்கு எதிராக தாக்கல் செய்யப்பட்டிருந்த மனுக்கள் மீதான தீர்ப்பு வெளியாவதற்கு முன்னர், சமல் ராஜபக்ஷ கட்டுப்பணத்தை செலுத்திவிட்டார்.

இது ஆளும் கட்சிக்கும் ஏனைய கட்சிகளுக்கு, எதிர் பிரசாரம் செய்வதற்கு வாய்ப்பாக அமைந்துவிடுமென அறியமுடிகின்றது.

கோத்தாபய ராஜபக்ஷவுக்கு எதிராக தாக்கல் செய்யப்பட்டிருந்த மனுக்கள் விசாரணைக்கு எடுத்துகொள்ளப்படுமாயின், அவ்வணி போட்டியிடமுடியாமல் போகும்.

அதன் ஒரு அங்கமாகவே, சமல் ராஜபக்ஷவை களமிறக்கி, ஸ்ரீ லங்கா பொதுஜன பெரமுன அதற்கு ஆதரவளிக்கும் வகையில் திட்டங்களை வகுத்து, சமல் ராஜபக்ஷவின் சார்பில் கட்டுப்பணமும் செலு்தப்பட்டது.

இந்நிலையில், கோத்தாவுக்கு எதிரான மனுக்கள் தள்ளுபடி செய்யப்பட்டமையால், ராஜபக்ஷர்களுக்கு இடையிலேயே போட்டி நிலவுவதாக அறியமுடிகின்றது.

இரண்டு ராஜபக்ஷர்களும் வேட்புமனுக்களை தாக்கல் செய்வர் என்றும், சமல் ராஜபக்ஷ தன்னுடைய வேட்பு மனுவை வாபஸ் பெற்றுக்கொள்வார் என்றும் அறியமுடிகின்றது.

கோத்தாபய ராஜபக்ஷவின் வேட்பு மனுக்கு எவ்விதமான சவாலும் விடுக்கப்படாமல், நிராகரிக்கப்படாமல் இருப்பதற்கான சாத்தியக்கூறுகள் தென்பட்டால்,

எதிர்வரும் திங்கட்கிழமையன்று சமல் ராஜபக்ஷ வேட்பு மனுவை தாக்கல் செய்யமாட்டார் என்றும் தகவல்கள் தெரிவிக்கின்றன. 

ஜனாதிபதி வேட்பாளர் கோத்தபாய ராஜபக்ஸவின் இலங்கை பிரஜாவுரிமையை ஆட்சேபனைக்கு உட்படுத்தி தாக்கல் செய்யப்பட்ட மனு மேன்முறையீட்டு நீதிமன்றத்தினால் நிராகரிக்கப்பட்டுள்ளது.

மேன்முறையீட்டு நீதிமன்றத்தின் தலைவர் நீதிபதி யசந்த கோதாகொட, அர்ஜூன ஒபேசேகர, மற்றும் மஹிந்த சமயவர்தன ஆகிய மூவரடங்கிய நீதிபதிகள் குழாம் முன்னிலையில் குறித்த மனு விசாரணைக்கு எடுத்துக்கொள்ளப்பட்டது.

பேராசிரியர் சந்திரகுப்த தேநுவர மற்றும் காமினி வியங்கொட ஆகியோர் இந்த மனுவை தாக்கல் செய்திருந்தனர்.

கோத்தபாய இரட்டை பிராஜாவுரிமையை வழங்கும் வகையில், 2005 ஆம் அண்டு நவம்பர் 21 ஆம் திகதி விநியோகிக்கப்பட்டுள்ள ஆவணம் சட்டப்பூர்வமற்றது அல்லது போலியானது என தெரிவித்து இந்த மனு தாக்கல் செய்யப்பட்டிருந்தது.

மனுவை விசாரணைக்கு எடுத்து தீர்ப்பொன்று வழங்கப்படும் வரை, கோத்தபாய ராஜபக்ஸவை இலங்கை பிரஜையாக ஏற்றுக்கொள்ள முடியாதென இடைக்கால தடை உத்தரவை பிறப்பிக்குமாறு இந்த மனுவில் கோரப்பட்டிருந்தது.

இந்நிலையில், குறித்த மனு மீதான விசாரணையின் முடிவில், மனுவை மேன்முறையீட்டு நீதிமன்றம் நிராகரித்துள்ளது.

இதற்கமைவாய ஸ்ரீலங்கா பொதுஜன பெரமுன கட்சியின் ஜனாதிபதி வேட்பாளராக கோத்தபாய ராஜபக்ஷ போட்டியிடவுள்ளமை குறிப்பிடத்தக்கது.

 

2019ஆம் ஆண்டில் இடம்பெறும் ஜனாதிபதி தேர்தலில் போட்டியிடும் வேட்பாளர்கள் நாளைய தினம் ஒரே மேடையில் தோன்றவுள்ளனர்.

இதற்கான நிகழ்வினை சுகததாச உள்ளக அரங்கில் நடத்த மார்ச் 12 இயக்கத்தால் ஏற்பாடு செய்யப்பட்டுள்ளது.

இவர்களிடம் ஐந்து முக்கிய விடயங்களுக்கான தீர்வுகள் குறித்து விளக்கங்கள் கோரப்படவுள்ளதாக ஏற்கனவே தகவல்கள் வெளியாகியிருந்தன.

எதிர்வரும் ஜனாதிபதி தேர்தலில் போட்டியிடுவதற்காக 29 பேர் இதுவரையில் கட்டுப்பணம் செலுத்தியுள்ளனர். எனினும் இவர்கள் அனைவரையும் குறித்த மேடைக்கு நாம் கொண்டு வரவில்லை.

அதில் 11 பேரே நாளைய தினம் இடம்பெறும் நிகழ்விற்கு வருகின்றனர். சில நிபந்தனைகளின் அடிப்படையில் நாம் குறித்த 11 பேரை தெரிவு செய்துள்ளோம்.

பிரதான கட்சிகளான ஐக்கிய தேசியக் கட்சி, ஸ்ரீலங்கா பொதுஜன பெரமுன மற்றும் மக்கள் விடுதலை முன்னணி என்பவற்றின் ஜனாதிபதி வேட்பாளர்களை கொண்டு வர தீர்மானித்திருந்தோம்.

ஆனால் மாற்று கருத்துடைய ஜனாதிபதி வேட்பாளர்களையும் அதாவது பிரதான கட்சிகள் தவிர்ந்த ஏனைய வேட்பாளர்களையும் மேடைக்கு கொண்டு வருமாறு மக்களிடமிருந்து கோரிக்கை வந்துள்ளது.

எனவே நாம் 11 பேரை நாளைய தினம் மேடைக்கு கொண்டு வருகின்றோம். அதேவேளை ஜனாதிபதி வேட்பாளர்களான அநுரகுமார திஸாநாயக்க மற்றும் சஜித் பிரேமதாஸ நாளைய தினம் நிகழ்விற்கு வருவது உறுதியாகியுள்ளது.

 

நண்பனின் மகளான 14 வயது சிறுமியை கர்ப்பமாக்கிய 62 வயது முதியவரை மானிப்பாய் பொலிஸார் கைது செய்துள்ளனர்.

முத்துதம்பி வீதி மானிப்பாய் பகுதியில் வசிக்கும் 62 வயதானவரே இவ்வாறு கைது செய்யப்பட்டுள்ளார்.

தனது வீட்டிற்கு அயல் வீட்டு தனது நண்பனின் மகளான 14 வயது சிறுமிக்கு இனிப்பு வகைகளை வாங்கி கொடுத்து சிறுமியை தனது இச்சைக்கு பயன்படுத்தி வந்துள்ளார்.

இன்று சிறுமி தலை சுற்றி வாந்தி எடுத்தபோது, சிறுமியை வைத்தியசாலைக்கு அழைத்துச் சென்றுள்ளனர்.

வைத்திய பரிசோதனையின் போது, சிறுமி கர்ப்பம் தரித்துள்ளார் என்பது உறுதி செய்யப்பட்டதன் பின்னர் சிறுமியிடம் பொலிஸார் விசாரணை செய்துள்ளனர்.

விசாரணையின் போது சிறுமி நடந்தவற்றை கூறியுள்ளார்.

சிறுமியின் வாக்கு மூலத்தின் பிரகாரம் துஸ்பிரயோகம் செய்த நபரை மானிப்பாய் பொலிஸார் கைது செய்துள்ளனர்.

கைது செய்த நபரை  மல்லாகம் நீதிமன்றத்தில் ஆஜர்ப்படுத்துவதற்கான நடவடிக்கைகள் முன்னெடுக்கப்பட்டு வருகின்றதாக மானிப்பாய் பொலிஸார் மேலும் தெரிவித்தனர்.

முஸ்லிம் பெண்கள் இருவர் மீது தாக்குதல் நடத்தினர் என்றக் குற்றச்சாட்டில் கைதுசெய்யப்பட்ட 10 இளைஞர்களையும்,  எதிர்வரும் 9ஆம் திகதி வரையிலும் விளக்கமறியல் வைக்குமாறு, பாணந்துறை நீதவான் நீதிமன்ற நீதவான் சந்தன கலன்சூரிய உத்தரவிட்டுள்ளார். 

பண்டாரகம, அட்டலுகம பிரதேசத்தைச் சேர்ந்த முஸ்லிம் பெண்கள் இருவர் மீதே இவ்வாறு தாக்குதல் நடத்தப்பட்டுள்ளது.

அவர்கள், பொலிஸாரின் கண்களுக்கு மண்ணை தூவி தலைமறைவாகவிருந்த போதிலும், மேல்மாகாண தெற்கு குற்றப்பிரிவினாரால் ஒக்டோபர் 1 ஆம் திகதி  கைதுசெய்யப்பட்டனர். 

சிங்கள இனத்தைச் சேர்ந்த இளைஞனை திருமணம் முடித்துவிட்டார் என்றக் குற்றச்சாட்டிலேயே அந்தப் பெண்ணின் மீதும், அவரது தயார் மீதும் மேற்படி குழுவினர் தாக்குதல்களை நடத்தியுள்ளனர்.

அந்த பெண்ணின் வீட்டுக்குள் நுழைந்த மேற்படி சந்தேகநபர்கள், அந்த பெண்கள் இருவர் மீதும் தாக்குதல் நடத்தியதுடன், வீட்டிலிருந்த பொருட்களுக்கும் சேதம் விளைவித்தனர்.

இதுதொடர்பில், மார்ச் மாதம் 24ஆம் திகதி பண்டாரகம பொலிஸ் நிலையத்தில் முறைப்பாடு செய்யப்பட்டுள்ளது. 

அதனடிப்படையில் தேடப்பட்டு வந்தவர்களே இவ்வாறு கைதுசெய்யப்பட்டுள்ளனர்.

அவர்களை தடுத்துவைத்து விசாரணைக்கு உட்படுத்திய பொலிஸார், பண்டாரகம நீதவான் நீதிமன்றத்தில் நேற்று(3) ஆஜர்படுத்தினர்.

இதன்போதே, நீதவான் மேற்கண்டவாறு உத்தரவிட்டார். 

 

பாதுகாப்பு அமைச்சின் முன்னாள் செயலாளர் கோத்தாப ராஜபக்ஷவின் இலங்கை குடியுரிமை தொடர்பிலான வழக்குவிசாரணையின் இறுதிநாள் இன்றாகும்.

இதனையொட்டி, உயர்நீதிமன்றத்தின் வளாகத்தில் உச்சக்கட்ட பாதுகாப்பு ஏற்பாடுகள் மேற்கொள்ளப்பட்டுள்ளன. 

மனுக்கள் மீதான இரண்டாம் நாள் விசாரணை நேற்று (03) இடம்பெற்றது.

இதில், ஜனாதிபதிக்கான நிறைவேற்று அதிகாரம் தொடர்பில் இருவேறான கருத்துக்கள் முன்வைக்கப்பட்டன 

மேன்முறையீட்டு நீதிமன்றத்தில் இடம்பெறும் இந்த வழக்கில், கோத்தாபய ராஜபக்ஷவை இலங்கை பிரஜையாக ஏற்றுக்கொள்ள முடியாது என உத்தரவிடுமாறும் கோரப்பட்டே மனுக்கள் தாக்கல் செய்யப்பட்டுள்ளன.

வழக்கு விசாரணை மேன்முறையீட்டு நீதிமன்ற நீதியரசர்களான யசந்த கோத்தாகொட, மஹிந்த சமயவர்தன மற்றும் அர்ஜுன ஒபேசேகர குழாம் முன்னிலையில் விசாரணைக்கு உட்படுத்தப்பட்டு வருகின்றன.  

வழக்கு விசாரணை நேற்று ஆரம்பிக்கப்பட்ட போது, மனுவின் மூன்றாவது பிரதிவாதியாக குறிப்பிடப்பட்டுள்ள அரச பொதுநிர்வாக உள்நாட்டலுவல்கள் அமைச்சர் வஜித அபேவர்தன சார்பில் ஜனாதிபதி சட்டத்தரணி சானக்க டி சில்வா ஆஜராகி இருந்தார். 

அவர், தனது வாதத்தில், நிறைவேற்று அதிகாரம், அரசியலமைப்பின் பிரகாரம் ஜனாதிபதிக்கு உள்ளது. 

அரசியலமைப்பின் பிரகாரம் அரச நிர்வாகத்துக்கான அதிகாரம்,  அமைச்சரவைக்கே உள்ளது.

அமைச்சரவையில் ஜனாதிபதி அரச பிரதானி மட்மேயாவார் என்றார்.  

அதனடிப்படையில், அரச நிர்வாகம் அமைச்சரவையினால் நிர்வகிக்கப்படுகின்றது. அந்தந்த அமைச்சுகளுக்கான விடயதானங்கள் குறித்தொகுக்கப்பட்ட அமைச்சரினால் நிறைவேற்றப்படவேண்டும். அதுவே, அரசமைப்பின் தேவையாகும்.

ஏதாவதொரு அமைச்சரின் அல்லது அமைச்சு தொடர்பிலான காரணங்கள் நிறைவேற்றுவதற்கு, ஜனாதிபதிக்கு சட்டரீதியில் எவ்விதமான அதிகாரமும் இல்லை என்றார்.

கோத்தாவின் சட்டத்தரணி முன்வைத்த வாதம்

கோத்தாபய ராஜபக்ஷவின் சார்பில் ஆஜரான ஜனாதிபதி சட்டத்தரணி ரொமேஸ் டி சில்வா,

“அரசியலமைப்பின் பிரகாரம் நிறைவேற்றுக்கு அதிகாரம் ஜனாதிபதிக்கு உள்ளது” என்றார். 

ஜனாதிபதி, மக்களின் வாக்குகளினால் நேரடியாக தெரிவு செய்யப்படுபவர் ஆவார். 

அதனடிப்படையில், ஜனாதிபதிக்கு மக்களினால் பொறுப்பளிக்கப்பட்ட நிறைவேற்று அதிகாரம் உள்ளது என்றார். 

ஒவ்வொரு அமைச்சுக்கும் அமைச்சர்களை நியமிக்கும் நிறைவேற்று அதிகாரம் ஜனாதிபதியிடம் உள்ளது.

ஏதாவது அமைச்சுகளுக்கு அமைச்சர்களை நியமிக்கவில்லை எனில், அந்த அமைச்சுக்களின் அதிகாரங்கள் ஜனாதிபதி வசமே உள்ளது. 

கோத்தாபயவுக்கு இட்டை பிரஜாவுரிமை வழக்கப்பட்ட போது, பிரஜாவுரிமையை வழங்குவதற்கான அதிகாரம் பாதுகாப்பு அமைச்சின் கீழே இருந்தது. 

பாதுகாப்பு அமைச்சின் அதிகாரம், ஜனாதிபதியிடமே உள்ளது என்றும் ஜனாதிபதி சட்டத்தரணி ரொமேஸ் டி சில்வா, மேலும் கருத்துரைத்தார்.  

இது உண்மையான காரணங்களுக்காக தாக்கல் செய்யப்பட்ட மனுக்கள் அல்லவெனத் தெரிவித்த சட்டத்தரணி ரொமேஸ் டி சில்வா, அந்த மனுக்களை நிராகரிக்குமாறு கேட்டுக்கொண்டார்.

வழக்கு விசாரணைகள் இன்றைய தினத்துக்கு ஒத்திவைக்கப்பட்டுள்ளது. இன்று (04) தீர்ப்பு வழங்கப்படும் என எதிர்பார்க்கப்பட்டுள்ளது. 

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷவின் இரட்டை பிரஜாவுரிமை தொடர்பிலான வழக்கு விசாரணையின் தீர்ப்பு இன்று (4) வழங்கப்படவுள்ளது.

இந்த மனுக்கள் மீதான விசாரணைகள், கடந்த 2,3ஆம் திகதிகளில் இடம்பெற்றன.

இந்நிலையில், உயர்நீதிமன்ற வளாகத்தில் என்றுமில்லாத வகையில் பாதுகாப்பு ஏற்பாடுகள் மேற்கொள்ளப்பட்டுள்ளன.

கோத்தாவின் இரட்டை பிரஜாவுரிமை தொடர்பில், மேன்முறையீட்டு நீதிமன்றத்தில் இடம்பெற்ற, மனுக்கள் மீதான விசாரணையின் போது, முன்வைக்கப்பட்ட முக்கியமான வாதங்களின் சுருக்கம்.

மனுதாரர்:

அமைச்சரவை கலைக்கப்பட்டதன் பின்னர், எந்தவொரு சான்றிதழிலும் அமைச்சர்கள் கையொப்படமிடமுடியாது. அவ்வாறு இடப்படும் கையொப்பம் செல்லுபடியாகாது.

ஜனாதிபதிக்கு, அமைச்சர்களுக்கான அதிகாரம் இல்லை. அமைச்சரவையை நிறுவியதன் பின்னரே, ஜனாதிபதிக்கு அவர் வகிக்கும் அமைச்சருக்கான அதிகாரம் உள்ளது. ஆகையால், கோத்தாவுக்கு வழங்கப்பட்ட சான்றிதழ் சட்டரீதியற்றது.

முக்கிய பகுதிகள்

1.மஹிந்த ராஜபக்ஷ, 2015 நவம்பர் 18 ஆம் திகதிக்கு முன்னர் பிரதமர்.

2.ஜனாதிபதியாக 2005 நவம்பர் 18 ஆம் திகதி மஹிந்த ராஜபக்ஷ பதவியேற்றார்.

3.அமைச்சரவை கலைக்கப்பட்டது. அமைச்சுக்களின் செயலாளர்களின் பதவி வலிதற்றதாக்கப்பட்டன. பாராளுமன்றத்தின் செயற்பாடுகளும் முடங்கின.

4.கோத்தாவின் இரட்டை பிரஜைவுரிமை தொடர்பிலான சான்றிதழ், ஜனாதிபதி மஹிந்த ராஜபக்ஷவினால், 2005 நவம்பர் 21 ஆம் திகதி கைச்சாத்திடப்பட்டது.

5.புதிய அமைச்சரவை, 2005 ஆம் ஆண்டு டிசெம்பர் 8 ஆம் திகதி ஜனாதிபதி மஹிந்த ராஜபக்ஷவினால் நியமிக்கப்பட்டது.

சட்டமா அதிபரின் பதில் வாதம்

அமைச்சரவை விடுமுறையில் இருக்கும் போது, ஜனாதிபதி தன்னுடைய நிறைவேற்று அதிகாரத்தின் பிரகாரமும் அரசியலமைப்பின் பிரகாரமும் செயற்படமுடியும். அதற்கான அதிகாரம் ஜனாதிபதிக்கு உள்ளது.

இரட்டை பிரஜாவுரிமைக்கான சான்றிதழை, விடயதானத்துக்கு பொறுப்பான அமைச்சரே கைச்சாத்திடவேண்டும். எனினும், ஜனாதிபதியினால் கைச்சாத்திட்டதன் பின்னர், அந்த விண்ணப்பத்தை அந்த அமைச்சர் சமர்ப்பிக்கலாம் என்றார்.

வழக்கு விசாரணை நேற்று (3) பிற்பகல் 1.30 வரைக்கும் ஒத்திவைக்கப்பட்டு, விசாரணைக்கு எடுத்துகொள்ளப்பட்டது. 

அதன்பின்னர், இன்றையதினம் இடம்பெறவுள்ளமை குறிப்பிடத்தக்கது. 

தாமரை மொட்டை கைவிட்டுவிட்டு, பொதுச் சின்னத்தில் போட்டியிட்டால் என்ன நடக்கும் என்பது தொடர்பில் எதிர்க்கட்சித் தலைவரும் ஸ்ரீ லங்கா பொதுஜன பெரமுனவின் தலைவருமான மஹிந்த ராஜபக்ஷ கருத்தொன்றை தெரிவித்துள்ளார்.

வேட்பு மனுவை தாக்கல் செய்வதற்காக, ஸ்ரீ லங்கா பொதுஜன பெரமுனவின்  சின்னத்தில் வேட்பு மனுத்தாக்கல் செய்யப்பட்டுள்ளது. அந்த மனு கோத்தாபய ராஜபக்ஷவின் பெயரிலேயே தாக்கல் செய்யப்பட்டுள்ளது. 

கோத்தாபய ராஜபக்ஷ, பாராளுமன்றத்தை பிரநிதித்துவப்படுத்தும் நபர் இல்லை. என்பதனால், கட்சியில் போட்டியிடுவது கட்டாயமாகும். 

வேட்பு மனுவைத் தாக்கல் செய்யும் போது, பிரிதொரு கட்சியின் பெயரில் வேட்புமனுவை தாக்கல் செய்தால், நீதிமன்றத்தின் ஊடாக அதனை நிராகரிப்பதற்கான சாத்தியக்கூறுகள் உள்ளன என்றும் மஹிந்த ராஜபக்ஷ மேலும் தெரிவித்தார். 

தாமரை மொட்டு சின்னத்தை கைவிட்டுவிட்டு, பொதுச் சின்னமொன்றில் களமிறங்கினால் மட்டுமே ஒத்துழைப்பு நல்குவோம் என, ஸ்ரீ லங்கா சுதந்திரக் கட்சி அறிவித்துள்ளமை குறிப்பிடத்தக்கது. 

 

ஜனாதிபதி தேர்தலை நடத்துவதற்காக தேர்தல்கள் ஆணைக்குழுவினால் வெளியிடப்பட்ட வர்த்தமானி அறிவித்தலை செல்லுபடியற்றதாக்குமாறு கோரி உயர் நீதிமன்றத்தில் மனு ஒன்று தாக்கல் செய்யப்பட்டுள்ளது.

முன்னாள் காலி மேயர் மெத்சிறி டி சில்வா குறித்த மனுவை தாக்கல் செய்துள்ளார்.

குறித்த மனுவின் பிரதிவாதிகளாக தேர்தல்கள் ஆணைக்குழுவின் தலைவர் மஹிந்த தேசப்பிரிய, தேர்தல்கள் ஆணைக்குழுவின் உறுப்பினர்கள் மற்றும் சட்டமா அதிபரின் பெயர் குறிப்பிடப்பட்டுள்ளது.

மேன்முறையீட்டு தலைமை நீதிபதி யசன்த கோதாகொட, அர்ஜுன ஒபேசேகர மற்றும் மஹிந்த சமயவர்தன ஆகிய மூவரடங்கிய நீதிபதிகள் குழாம் முன்னிலையில் குறித்த மனு இன்று விசாரணைக்கு எடுத்து கொள்ளப்பட்டது

 

ஶ்ரீலங்கா பொதுஜன பெரமுனவின் ஜனாதிபதி வேட்பாளர் கோட்டாபய ராஜபக்ஷவை இலங்கை குடிமகனாக அங்கீகரிக்கப்படுவதைத் தடுத்து உத்தரவு ஒன்றை பிறப்பிக்குமாறு கோரி தாக்கல் செய்யப்பட்டுள்ள மனு மீதான விசாரணை நாளை வரையில் ஒத்திவைக்கப்பட்டுள்ளது.

நாளை காலை 9.30 மணி வரையில் வழங்கு விசாரணைகளை ஒத்திவைக்க மேன்முறையீட்டு நீதிமன்ற மூவரடங்கிய நீதிபதிகள் குழு உத்தரவிட்டுள்ளது.

கூட்டு எதிர்க்கட்சியின் ஊடகவியலாளர் சந்திப்பு இன்னும் சொற்பநேரத்தில் கொழும்பில் நடத்தப்படவுள்ளது.

அதற்கான ஏற்பாடுகள் முன்னெடுக்கப்படுகின்றன. ஊடகங்களின் ஒலிவாங்கிகள் வைக்கப்படும் மேசைக்கு முன்பாக இருக்கும் நாற்காலியிலிருந்து பிரதான பேச்சாளர் கருத்துரைப்பார்.

எனினும்,இன்றை ஊடகவியலாளர் சந்திப்பில் கலந்துகொள்ளவிருக்கும் பிரதான பேச்சாளர் அமரும் நாற்காலியில், பூனையொன்று அமர்ந்துள்ளது.

இந்த வெள்ளை நிற பூனையின் படங்கள், உள்ளூர் சமூக வலைத்தளங்களில் வைரலாகிவருகிறது.

© 2021 All Rights Reserved by Asian Mirror Pvt Ltd