web log free
July 26, 2021
editor

editor

ஜனாதிபதித் தேர்தல் தொடர்பில் இலங்கை தொழிலாளர் காங்கிரஸின் தலைவரும் நுவரெலியா மாவட்ட பாராளுமன்ற உறுப்பினருமான ஆறுமுகன் தொண்டமான் விதித்திருந்த 332 அம்ச கோரிக்கையை ஸ்ரீ லங்கா பொதுஜன பெரமுனவும் நிராகரித்து விட்டதென தகவல்கள் தெரிவிக்கின்றன.

இந்த 32 அம்ச கோரிக்கையை, ஐக்கிய தேசியக் கட்சியும் நிராகரித்து விட்டது.  ஐக்கிய தேசிய முன்னணியின் ஜனாதிபதி வேட்பாளருமான சஜித் பிரேமதாஸவும் நிராகரித்துவிட்டார்.

இந்நிலையில், தாமரை மொட்டுவின் சார்பில் தேர்தல் பிரசாரங்களை முன்னெடுப்பதற்கு, இலங்கை கிரிக்கெட் அணியின் முன்னாள் சுழல் பந்துவீச்சாளர் முத்தையா முரளிதரனை களமிறக்குவதற்கு நடவடிக்கைகளை எடுத்துள்ளது என அறியமுடிகின்றது. 

முத்தையா முரளிதரன், நுவரெலியா மாவட்டத்திலேயே தன்னுடைய தேர்தல் பிரசாரப் பணிகளை முன்னெடுக்கவுள்ளார் என அறியமுடிகின்றது. 

இதுதொடர்பில் ஸ்ரீ லங்கா பொதுஜன பெரமுனவின் முக்கிய தலைவர்களையும் முத்தையா முரளிதரன் சந்தித்துப் பேச்சுவார்த்தை நடத்தியுள்ளார் என அறியமுடிகின்றது. 

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷ பங்கேற்ற முக்கிய வைபவமொன்று, கொழும்பில் அண்மையில் நடைபெற்றது.

அதில், முத்தையா முரளிதரன் பங்கேற்று, கோத்தாபய ராஜபக்ஷவுக்கு ஆதரவான கருத்துகளை தெரிவித்திருந்தமை குறிப்பிடத்தக்கது. 

 

நிபந்தனை விதித்து, எழுத்துமூலமான உத்தரவாதத்தை எதிர்பார்த்திருக்கும் தமிழ்த் தேசியக் கூட்டமைப்புக்கு பிரதான இரண்டு வேட்பாளர்களும் எவ்விதமான உத்தரவாதங்களையும் இதுவரையிலும் வழங்கவில்லை.

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோத்தாபய ராஜபக்ஷவுடன் இதுவரையிலும் எவ்விதமான பேச்சுவார்த்தையும் முன்னெடுக்கப்படவில்லை.

இந்நிலையில், ஐக்கிய தேசிய முன்னணியின் ஜனாதிபதி வேட்பாளர் சஜித் பிரேமதாஸ, எவ்விதமான நிபந்தனைகளையும் ஏற்கபோவதில்லை என திட்டவட்டமாக அறிவித்துவிட்டார்.

எஞ்சியிருப்பது, ஜே.வி.பியின் சார்ப்பில் நிறுத்தப்பட்ட அதன் தலைவரான அனுரகுமார திஸாநாயக்க மட்டுமேயாகும்.

அவரிடம் இன்னும் எவ்விதமான பேச்சுவார்த்தையும் முன்னெடுக்கப்படவில்லை. 

இதனால் பெரும் தடுமாற்றமடைந்துள்ள  தமிழ்த் தேசியக் கூட்டமைப்பு, இன்று பிற்பகல் முக்கிய சந்திப்பொன்றை நடத்தவுள்ளது.

சம்பந்தனின் கொழும்பு இல்லத்தில் நடைபெறவிருக்கும் இந்த சந்திப்பில் முக்கிய தீர்மானமொன்று எட்டப்படுமென அறியமுடிகின்றது.

தங்களுடைய நிபந்தனைகளை எந்தவொரு வேட்பாளரும் ஏற்காவிடின், தமிழர் தரப்பில் வேட்பாளர் ஒருவரை களமிறக்குவது குறித்து இன்றைய சந்திப்பில் விரிவாக ஆராயப்படுமென அறியமுடிகின்றது.

அதற்காக, யாழ்ப்பாணத்திலிருந்த கொழும்பு விசேட குழுவொன்று, இன்று (02) காலை வந்திறங்கியுள்ளது.

இக்குழுவுக்கும், சம்பந்தனுக்கும் இடையில் இன்று நடைபெறும் பேச்சுவார்த்தையின் பின்னரே, இறுதித் தீர்மானம் எட்டப்படவுள்ளது என அறியமுடிகின்றது. 

தாமரை சின்னத்தை கைவிட்டு பொது சின்னமொன்றில் களமிறங்குவதற்கு, ஸ்ரீ லங்கா பொதுஜன பெரமுன மறுத்துள்ளது.

இந்நிலையில், ஸ்ரீ லங்கா சுதந்திரக் கட்சிக்கும், பெரமுனவுக்கும் இடையிலான பேச்சுவார்த்தை ஊசலாடி வருகின்றது.

இதற்கிடையில், ஐக்கிய தேசியக் முன்னணியின் ஜனாதிபதி வேட்பாளர் சஜித் பிரேமதாஸவுக்கும் சுதந்திரக் கட்சியின் தலைவரான ஜனாதபதி மைத்திரிபால சிறிசேனவுக்கும் இடையில், ஜனாதிபதியின் உத்தியோகபூர்வ இல்லத்தில் முக்கிய சந்திப்பொன்று நேற்றிரவு நடைபெற்றது.

இந்த சந்திப்பில், ஐக்கிய தேசிய முன்னணியின் ஜனாதிபதி வேட்பாளர் சஜித் பிரேமதாஸ, ஐக்கிய தேசியக்கட்சியின் பொதுச் செயலாளர் அகில விராஜ் காரியவசம், தவிசாளர் கபீர் ஹாசிம் ஆகியோர் பங்குப்பற்றினர்

ஜனாதிபதி தலைமையில் சுதந்திரக் கட்சியைச் சேர்ந்த முக்கியஸ்தர்கள் சிலரும் பங்கேற்றிருந்தனர்.

ஸ்ரீ லங்கா பொதுஜன பெரமுனவுக்கும், ஸ்ரீ லங்கா சுதந்திரக் கட்சிக்கும் இடையில் இடம்பெற்ற பேச்சுவார்த்தைகளில், பொதுச் சின்னத்துக்கு பொதுஜன பெரமுன இணக்கம் தெரிவிக்கவில்லை என நேற்றிரவு இடம்பெற்ற சந்திப்பில் எடுத்துரைக்கப்பட்டது. 

எனினும், ஐக்கிய தேசிய முன்னணி, யானை சின்னத்தை கைவிட்டுவிட்டு, அன்னம் சின்னத்தில் போட்டியிடுவதற்கே தீர்மானித்துள்ளது என சஜித் பிரேமதாஸ தெளிவுப்படுத்தியுள்ளார். 

 

 

தேசிய தௌஹீத் ஜமாஆத் அமைப்பின் தலைவரான மொஹமட் சஹ்ரானுடன் நேரடியாக தொடர்புகளை வைத்திருந்தவர்கள், ஆயுதப் பயிற்சிகளை பெற்றிருந்தோர், ஐ.எஸ்.ஐ.எஸ் அமைப்பின் எண்ணங்கள் மற்றும் சிந்தனைகளை விதைத்தோர் என அறியப்பட்ட அவ்வமைப்பைச் சேர்ந்த 14 முக்கிய உறுப்பினர்களிடம் விசேட விசாரணைப் பிரிவு தனியான விசாரணைகளை முன்னெடுத்துள்ளது என நீதிமன்றத்தின் கவனத்துக்கு கொண்டுவரப்பட்டது.

கொழும்பு கோட்டை நீதவானின் கவனத்துக்கே, மேற்படி விசாரணைப்பிரிவு மேலே குறிப்பிட்ட காரணங்களை அடிப்படையாகக் கொண்டு அறிக்கையொன்றை கையளித்தது. 

உயிர்த்த ஞாயிறுத் தாக்குதல் தொடர்பில் கடந்த ஏப்ரல் மாதம் 27ஆம் திகதி முதல், அம்பாறை மற்றும் மட்டக்களப்பு பிரதேசங்களில் கைதுசெய்யப்பட்டு, பயங்கரவாத தடைச்சட்டத்தின் கீழ மற்றும் அதன் விசாரணைப்பிரிவினரால் தடுத்துவைக்கப்பட்டுள்ள முக்கிய சந்தேகநபர்கள் 14 பேர் தொடர்பிலேயே இந்த அறிக்கை சமர்ப்பிக்கப்பட்டுள்ளது. 

இந்த 14 முக்கிய சந்தேகநபர்களும், தேசிய தௌஹீத் ஜமாஆத் அமைப்பின் தலைவரென அறியப்பட்ட மொஹமட் சஹ்ரான், நாட்டின் பல பாகங்களிலும் முன்னெடுத்த கூட்டங்களில் பங்குப்பற்றியதுடன், ஆயுதப்பயிற்சிகளையும் பெற்றுள்ளனர். சஹ்ரானினால் நடத்தப்பட்ட சகல கூட்டங்களிலும் இந்த 14 பேரும் பங்கேற்றுள்ளனர் என அறியமுடிகின்றது.

 

ஜனாதிபதித் தேர்தலுக்கான நாள் நெருங்கிக்கொண்டிருக்கும் நிலையில், தேர்தல் விளம்பரங்கள் தொடர்பிலான அறிவிப்பொன்றை தேர்தல்கள் ஆணைக்குழுவின் தவிசாளர் மஹிந்த தேசப்பிரிய அறிவித்துள்ளார்.

ஏற்கனவே, சமூக ஊடகங்களுக்கு கடுமையான கட்டுப்பாடுகள் விதிக்கப்பட்டுள்ளன.

இந்நிலையில், சினிமா திரையரங்குகள் மற்றும் வீதியோரங்களில் உள்ள டிஜிட்டல் விளம்பர திரைகளில் ஜனாதிபதி வோட்பாளர்கள் விளம்பரங்களை ஒளிபரப்பு  செய்வது தேர்தல் சட்டத்துக்கு முரணானது என தேர்தல் ஆணைக்குழு தெரிவித்துள்ளது.

 காஸ் விலையின் எதிர்வரும் சில நாட்களில் 200 ரூபாவினால் குறையும் சாத்தியங்கள் காணப்படுகின்றன.

விலை சூத்திரம் காஸ்க்கும் அறிமுகப்படுத்துவதற்கு நடவடிக்கைகள் எடுக்கப்பட்டுள்ளன.

இதனால், 12.5 கிலோகிராம் நிறைகொண்ட சமையல் எரிவாயு சிலிண்டரின் விலை.

200 ரூபாவினால் குறைவடையும் சாத்தியக் கூறுகள் இருக்கின்றன என தகவல்கள் தெரிவித்தன.

ஐக்கிய தேசிய முன்னணியின் ஜனாதிபதி வேட்பாளர் சஜித் பிரேமதாஸவுக்கும் ஜனாதிபதி மைத்திரிபால சிறிசேனவுக்கும் இடையில் முக்கிய சந்திப்பொன்று இன்றிரவு இடம்பெறவுள்ளது.

ஐ.தே.கவின் பொதுச் செயலாளர் அகில விராஜ் காரியவசம், அனுப்பியிருந்த கடிதத்துக்கு அமையவே இந்த சந்திப்பு இன்றிரவு இடம்பெறவுள்ளது.

இதில், பொது கூட்டணி தொடர்பிலும், அதற்கு ஸ்ரீ லங்கா சுதந்திரக் கட்சியின் ஆதரவை பெற்றுக்கொள்ளும் வகையிலேயே இந்த சந்திப்பு இடம்பெறவுள்ளது.

 ஜனாதிபதி மைத்திரிபால சிறிசேனவுக்கும் ஸ்ரீ லங்கா பொதுஜன பெரமுனவின் தேசிய அமைப்பாளர் பசில் ராஜபக்ஷவுக்கும் இடையில், இன்று நடைபெற்ற முக்கிய சந்திப்பு, எவ்விதமான தீர்மானமும் எட்டப்படாமல் நிறைவடைந்துள்ளது.

ஒரு மணிநேரம் நடைபெற்ற இந்த சந்திப்பில் இருவர் மட்டுமே கலந்துகொண்டுள்ளனர்.

ஜனாதிபதித் தேர்தல் தொடர்பில், இந்த பேச்சில் கூடுதல் கவனம் செலுத்தப்பட்டது. பொது சின்னம் தொடர்பில், பேச்சு நடத்தப்பட்டபோதும், எவ்விதமான தீர்மானமும் இன்றி நிறைவடைந்துள்ளது

 கோத்தாபய ராஜபக்ஷ உள்ளிட்ட ஏழு பேருக்கு எதிராக தாக்கல் செய்யப்பட்டுள்ள வழக்கின் விசாரணையை தற்காலிகமாக இடைநிறுத்தி பிறப்பிக்கப்பட்ட இடைக்கால தடை உத்தரவை எதிர்வரும் 14 ஆம் திகதி வரை நீடித்து உயர் நீதிமன்றம் இன்று உத்தரவிட்டுள்ளது.

மெதமுலன டீ.ஏ. ராஜபக்ஸ அருங்காட்சியகத்தை நிர்மாணிப்பதற்கு அரசாங்கத்துக்கு சொந்தமான மூன்று கோடியே 39 இலட்சம் ரூபாய் பணத்தை முறையற்ற விதத்தில் பயன்படுத்தியதாகக் குற்றம் சாட்டி, அந்த ஏழுபேருக்கும் எதிராக தாக்கல் செய்யப்பட்டிருந்தது.

கோத்தாபய ராஜபக்ஷவினால், தாக்கல் செய்யப்பட்டுள்ள இந்த மேன்முறையீட்டு மனு, தெஹிதெனிய, துறைராஜா மற்றும் காமினி அமரசேகர ஆகிய உயர் நீதிமன்ற நீதியரசர்கள் முன்னிலையில் இன்று பரிசீலனைக்கு எடுத்துக்கொள்ளப்பட்டது. இதன்போது , இடைக்காலத் தடை உத்தரவை நீடிப்பதற்கு நீதியரசர்கள் குழாமின் பெரும்பான்மையுடன் தீர்மானிக்கப்பட்டது.

அதற்கமைய, கோட்டாபய ராஜபக்ஸவின் மேன்முறையீட்டு மனுவை எதிர்வரும் 11 ஆம் திகதி பரிசீலனைக்கு எடுத்துக்கொள்ளவும் நீதியரசர்கள் குழாம் உத்தரவிட்டுள்ளது.

மெதமுலன டீ.ஏ. ராஜபக்ஸ அருங்காட்சியக நிர்மாணம் தொடர்பான வழக்கை விசாரணை செய்யும் அதிகாரம் மூவரடங்கிய விசேட மேல் நீதிமன்றத்திற்கு இல்லை என கோட்டாபய ராஜபக்ஸவின் சட்டத்தரணிகளால் மூவரடங்கிய விசேட மேல் நீதிமன்றத்திற்கு ஏற்கனவே அறிவிக்கப்பட்டது.

எனினும், இந்த விடயத்தை மூவரடங்கிய விசேட மேல் நீதிமன்றம் நிராகரித்தமையால், இந்த உத்தரவை மறு பரிசீலனைக்கு உட்படுத்துமாறு கோரி கோட்டாபய ராஜபக்ஸ தாக்கல் செய்த மேன்முறையீட்டு மனுவை மேன்முறையீட்டு நீதிமன்றம் நிராகரித்தது.

இந்த இரண்டு நீதிமன்றங்களினாலும் வழங்கப்பட்ட உத்தரவுகளை ஆட்சேபனைக்கு உட்படுத்தி கோட்டாபய ராஜபக்ஸவின் சட்டத்தரணிகளால் உயர் நீதிமன்றத்தில் மீண்டும் மேன்முறையீடு செய்யப்பட்டுள்ளமை குறிப்பிடத்தக்கது.

கட்டாய விடுமுறையில் அனுப்பிவைக்கப்பட்டுள்ள பொலிஸ் மா அதிபர் பூஜித ஜயசுந்தர, குற்றப்புலனாய்வுப் பிரிவினரால் இன்று (01) கைதுசெய்யப்பட்டார்.

கைது செய்யப்பட்ட அவர், கோட்டை நீதவான் நீதிமன்றத்தில் ஆஜர்படுத்தப்பட்டபோது, பிணையில் விடுதலைச் செய்யப்பட்டார். 2017 ஆம் ஆண்டு ஏப்ரல் மாதத்தில், பொலிஸ் தலைமையகத்தில் இருக்கும் மின்னுயர்த்தியில் பணியாற்றிய தன்னை, தூஷனத்தால் ஏசி, தாக்குதல் நடத்துவதற்கு முயன்றார் என்றக் குற்றச்சாட்டி, அங்கு கடமையிலிருந்த சமரகோன் பண்டார என்பவர் செய்திருந்த முறைப்பாட்டுக்கு அமையவே, பூஜித்த ஜயசுந்தர கைதுசெய்யப்பட்டார்.

சமரகோனினால், பல முறைப்பாடுகள் செய்யப்பட்டிருந்த போதிலும் எவையும் விசாரணைக்கு எடுத்துகொள்ளப்படவில்லை. எனினும், உயிர்த்த ஞாயிறுத் தாக்குதலுக்குப் பின்னர், பூஜித்த ஜயசுந்தர கட்டாய விடுமுறையில் அனுப்பிவைக்கப்பட்டார்.

அதனையடுத்தே, விசாரணைகள் முன்னெடுக்கப்பட்டன. பூஜித்த ஜயசுந்தர, பொலிஸ் மா அதிபராக பதவியேற்றதன் பின்னர், பொலிஸ் தலைமையகம் உள்ளிட்ட பொலிஸ் நிலையங்களில், காலை வேளையில், “தியானம்” செய்யவேண்டுமென்ற திட்டத்தை ஆரம்பித்தார்.

அந்த தியானத்தில் பங்கேற்காமல், மின்னுயர்த்தி இயக்கும் பணியில் ஈடுபட்டுகொண்டிருந்த போதே, பூஜித்த ஜயசுந்தர இவ்வாறு நடந்துகொண்டார் என குற்றம் சாட்டப்பட்டிருந்தமை குறிப்பிடத்தக்கது.

© 2021 All Rights Reserved by Asian Mirror Pvt Ltd