kumar
ஜனாதிபதி ரணில் விக்கிரமசிங்க வெளிநாட்டு விஜயத்தை மேற்கொண்டுள்ளதால், நிதி அமைச்சரின் பணிகளை மேற்பார்வையிட இராஜாங்க அமைச்சர் ஷெஹான் சேமசிங்கவும், பாதுகாப்பு அமைச்சரின் பணிகளை மேற்பார்வையிட பிரமித பண்டார தென்னகோனும் நியமிக்கப்பட்டுள்ளனர்.
கட்சியின் யாப்பை திருத்துவது தொடர்பில் கொழும்பு மாவட்ட நீதிமன்றத்தில் தாக்கல் செய்யப்பட்டுள்ள வழக்கின் இறுதித் தீர்ப்பு அறிவிக்கப்படும் வரை, கட்சியின் பழைய யாப்பிற்கு அமைய செயற்பட வேண்டும் என தேர்தல்கள் ஆணைக்குழு ஸ்ரீலங்கா சுதந்திரக் கட்சிக்கு எழுத்து மூலம் அறிவித்துள்ளது.
ஸ்ரீலங்கா சுதந்திரக் கட்சியின் பொதுச்செயலாளர், சட்டத்தரணி தயாசிறி ஜயசேகரவிற்கு தேர்தல்கள் ஆணைக்குழுவினால் இந்த கடிதம் அனுப்பி வைக்கப்பட்டுள்ளது.
வழக்கு தொடர்பில் நீதிமன்றம் இதுவரை வழங்கியுள்ள இடைக்கால தடையுத்தரவிற்கு அமைய, இந்த தீர்மானம் எடுக்கப்பட்டுள்ளதாக தேர்தல்கள் ஆணைக்குழு தெரிவித்துள்ளது.
தேர்தல்கள் ஆணைக்குழுவினால் பழைய யாப்பு செயற்படுத்தப்படும்போது, கடந்த வருடம் செப்டம்பர் 22 ஆம் திகதி திருத்தியமைக்கப்பட்ட கட்சியின் யாப்பு மற்றும் அதிகாரிகள் குழு ஆகியன இரத்து செய்யப்படும்.
இதற்கமைய, சுதந்திரக் கட்சியின் புதிய யாப்பிற்கமைவாக தற்போது சிரேஷ்ட உப தலைவர்களாக நியமிக்கப்பட்டுள்ள ஷான் விஜயலால் டி சில்வா மற்றும் அங்கஜன் இராமநாதன் ஆகியோரின் பதவிகள் இரத்தாகவுள்ளன.
அத்துடன், பொருளாளராக நியமிக்கப்பட்டுள்ள சாரதி துஷ்ருமந்தவின் பதவியும் இரத்தாகவுள்ளது.
ஸ்ரீலங்கா சுதந்திரக் கட்சியின் பழைய யாப்பிற்கமைய, சிரேஷ்ட உப தலைவர்களாக செயற்பட்ட நிமல் சிறிபால டி சில்வா மற்றும் மஹிந்த அமரவீர ஆகியோரும், கட்சியின் பொருளாளராக செயற்பட்ட லசந்த அழகியவண்ணவும் தொடர்ந்தும் அந்த பதவிகளில் செயற்படவுள்ளனர்.
லண்டன் பல்கலைக்கழகத்தின் பேராசிரியர் டேவிட் அலெக்சாண்டர், எதிர்காலத்தில் கொரோனா -2 தொற்றுநோய் கூட ஏற்படும் என்றும் அதைத் தடுக்க முடியாது என்றும் உலகம் முழுவதும் எச்சரித்துள்ளார்.
லண்டனில் கொரோனா தொற்று குறித்து நடத்தப்பட்ட விசாரணையின் போதே அவர் இவ்வாறு தெரிவித்தார்.
கொரோனா -2 தொற்றுநோயிலிருந்து பிரித்தானிய மக்களைக் காப்பாற்றுவது சாத்தியமில்லை என்றும் அவர் குறிப்பிட்டுள்ளார்.
பேராசிரியர் அலெக்சாண்டர் மேலும் கூறுகையில், ‘கொரோனா-2 வைரஸ் எங்கிருந்து பரவுகிறது என்பது இதுவரை கண்டறியப்படவில்லை. பிரித்தானிய டெய்லி மெயில் நாளிதழ் இதனைத் தெரிவித்துள்ளது.
எதிர்க்கட்சிகளுக்குள் பரந்த கூட்டணியை உருவாக்குவதற்கான பேச்சுவார்த்தைகள் ஆரம்பிக்கப்பட்டுள்ளதாக சமகி ஜன பலவேக வட்டாரங்கள் தெரிவிக்கின்றன.
பாராளுமன்றத்தை பிரதிநிதித்துவப்படுத்தும் அரசியல் கட்சிகள் மற்றும் பாராளுமன்றத்தை பிரதிநிதித்துவப்படுத்தாத அரசியல் கட்சிகளை இணைத்து அடுத்த மாற்று அரசாங்கத்தை உருவாக்கும் நோக்கில் இந்த கலந்துரையாடல்கள் நடைபெறுவதாக அந்த வட்டாரங்கள் தெரிவித்தன.
இதன்படி, சஜித் பிரேமதாச எதிர்க்கட்சித் தலைவரின் தலைமையில் மிகப் பெரிய கூட்டணியை உருவாக்கி வருவதாகவும், தேர்தலில் இணைந்து செயற்படக்கூடிய பொருளாதாரக் கொள்கைக்கு இணங்கும் குழுக்களுடன் ஏற்கனவே கலந்துரையாடியுள்ளதாகவும் தெரிவிக்கப்படுகிறது.
பொஹொட்டுவவில் உள்ள ஒரு சில பாராளுமன்ற உறுப்பினர்கள் ஏற்கனவே சமகி ஜன பலவேகவுடன் இணைந்து செயற்பட்டு வருவதாகவும் ஏனையவர்கள் சஜித் பிரேமதாசவுடன் இணைந்து எதிர்காலத்தில் செயற்படுவது குறித்து கலந்துரையாடி வருவதாகவும் அதே வட்டாரங்கள் சுட்டிக்காட்டுகின்றன.
தேர்தலை இலக்கு வைத்து ஒரு முன்னணியையும் அரசாங்கத்தின் செயற்பாடுகளுக்கு எதிராக செயற்படும் மற்றுமொரு முன்னணியையும் உருவாக்க ஐக்கிய மக்கள் சக்தி செயற்பட்டு வருவதாகத் தெரிவிக்கப்படுகிறது.
மெதிரிகிரிய பிரதேசத்தில் இடம்பெற்ற துப்பாக்கிச் சூட்டுச் சம்பவத்தில் பெண் ஒருவர் உயிரிழந்துள்ளதாக பொலிஸார் தெரிவித்துள்ளனர்.
36 வயதான மிரிசேனவில் உள்ள அவரது இல்லத்திற்கு அருகில் இனந்தெரியாத நபர் ஒருவரால் சுட்டுக் கொல்லப்பட்டுள்ளார்.
மருத்துவமனையில் அனுமதித்தபோது பெண் உயிரிழந்ததாக பொலிஸார் தெரிவித்தனர்.
ஐக்கிய நாடுகள் மனித உரிமைகள் பேரவையின் 53 ஆவது கூட்டத்தொடர் எதிர்வரும் திங்கட்கிழமை (19) ஆரம்பமாகவுள்ளது.
கூட்டத் தொடர் ஜூன் 19 ஆம் திகதி தொடக்கம் ஜூலை 14 ஆம் திகதி வரை சுவிட்சர்லாந்தின் ஜெனிவா நகரில் நடைபெறவுள்ளது.
இலங்கை தொடர்பிலான வாய்மொழி மூல அறிக்கை எதிர்வரும் 21 ஆம் திகதி சமர்ப்பிக்கப்படவுள்ளது. இதன்போது இலங்கையின் நல்லிணக்கம், பொறுப்புக்கூறல் விடயங்களின் முன்னேற்றம் தொடர்பில் ஆராயப்படவுள்ளது.
இம்முறை ஐ.நா மனித உரிமைகள் பேரவை கூட்டத் தொடரில் பங்கேற்கவுள்ள இலங்கை பிரதிநிதிகள் தொடர்பில் வௌிவிவகார அமைச்சர் ஜனாதிபதி சட்டத்தரணி அலி சப்ரியிடம் வினவினோம்.
கூட்டத்தொடரில் ஐ.நாவிற்கான இலங்கையின் வதிவிடப் பிரதிநிதி ஹிமாலி சுபாஷினி அருணதிலக்க தலைமையிலான குழுவினர் கலந்துகொள்ளவுள்ளதாக அமைச்சர் தெரிவித்தார்.
முன்வைக்கப்படவுள்ள வாய்மூல அறிக்கைக்கு அமைய, இலங்கை சார்பில் பதிலளிக்கப்படும் எனவும் வௌிவிவகார அமைச்சர் ஜனாதிபதி சட்டத்தரணி அலி சப்ரி கூறினார்.
நாட்டில் தோல் நோய்கள் பதிவாகும் எண்ணிக்கை அதிகரித்துள்ளதாக சுகாதார திணைக்களம் தெரிவித்துள்ளது.
அங்கீகரிக்கப்படாத அழகுசாதன பொருட்களை பயன்படுத்தியதால், இந்த நிலை ஏற்பட்டுள்ளதாக சுகாதார மேம்பாட்டுப் பணியகம் நடத்திய ஊடகவியலாளர் சந்திப்பில் அறிவிக்கப்பட்டுள்ளது.
இலங்கையில் அண்மைக்காலங்களில் தோல் புற்றுநோயாளர்களின் எண்ணிக்கை அதிகரித்து செல்வதாக தோல் நோய் விசேட வைத்திய நிபுணர்களின் நிறுவனத்தின் தலைவர் விசேட வைத்தியர் சிறியானி சமரவீர தெரிவித்தார்.
இலங்கையில் பதிவு செய்யப்பட்ட அழகுசாதன பொருட்களை மாத்திரம் பயன்படுத்துமாறு ஆலோசனை வழங்கப்பட்டுள்ளது.
இதேவேளை, முகத்தை வெண்மையாக்கும் முகப்பூச்சுகள் உடலில் செல்களை சேதப்படுத்தி புற்றுநோயை ஏற்படுத்தும் என கொழும்பு தேசிய வைத்தியசாலையின் தோல் நோய் தொடர்பிலான விசேட வைத்தியர் இந்திரா கஹாவிட்ட குறிப்பிட்டார்.
தொல்பொருள் திணைக்கள விவகாரம் தொடர்பில் ஜனாதிபதி ரணில் தெரிவித்த கருத்துகளை பேராசிரியர் மெதகொட அபயதிஸ்ஸ தேரர் விமர்சித்துள்ளார்.
ஜனாதிபதியின் கருத்துகள் தனியார் நிதி மூலம் பௌத்த பாரம்பரியத்தை பாதுகாக்கும் பணியை குறைப்பதாக தேரர் தெரிவித்துள்ளார்.
மல்வத்து மற்றும் அஸ்கிரி பீடங்களின் மகாநாயக்கர்களுடனான சந்திப்பின் போதே அபயதிஸ்ஸ தேரர் மேற்கண்டவாறு தெரிவித்தார்.
மாகாண ஆளுநர்கள் மற்றும் உள்ளூராட்சி நிறுவனங்களுக்கு இடையில் ஒருங்கிணைக்கும் அதிகாரி ஒருவரை நியமிக்குமாறு பணிப்புரை வழங்கப்பட்டுள்ளதாக மாகாண சபைகள் மற்றும் உள்ளூராட்சி இராஜாங்க அமைச்சர் ஜானக வக்குபுர புதன்கிழமை (14) தெரிவித்தார்.
மாகாண ஆளுநர்களுடனான சந்திப்பின் போதே இந்த பணிப்புரை விடுக்கப்பட்டுள்ளதாக அவர் தெரிவித்துள்ளார்.
பொதுமக்களுக்கு மிகவும் வினைத்திறனான சேவையை வழங்குவதற்காக அத்தகைய நடவடிக்கையை மேற்கொள்ள மாகாண ஆளுநர்களுக்கு அதிகாரம் வழங்கப்பட்டுள்ளதாக அவர் மேலும் தெரிவித்தார்.
அமெரிக்க டொலருக்கு (USD) நிகரான இலங்கை ரூபாய் இன்று மேலும் வீழ்ச்சியடைந்துள்ளது.
இலங்கை மத்திய வங்கி இன்று (14) வௌியிட்ட நாணய மாற்று விகிதங்களின் படி, அமெரிக்க டொலரின் கொள்வனவு விலை 303.19 ரூபாவாகவும், விற்பனை விலை 318.99 ரூபாவாகவும் பதிவாகியிருந்தது.