web log free
July 15, 2024
kumar

kumar

இந்திய நிதியுதவியுடன் எரிபொருள் தாங்கி கப்பல் நாளை இலங்கைக்கு வரவுள்ளது.

இதன் பின்னர், ஒரு டீசல் அல்லது பெட்ரோல் கப்பல் வருவதற்கான சரியான திகதியைக் குறிப்பிடுவது சாத்தியமற்றது.

இதன் காரணமாக எதிர்வரும் நாட்களில் டீசல் மற்றும் பெற்றோல் தட்டுப்பாடு அதிகரிக்கும் என இலங்கை பெற்றோலிய கூட்டுத்தாபன தகவல்கள் தெரிவிக்கின்றன.

ஏற்கனவே பல கிலோமீட்டர் நீளமுள்ள டீசல் மற்றும் பெட்ரோல் வரிசை அடுத்த சில நாட்களில் மேலும் நீட்டிக்கப்படும் என தகவல்கள் தெரிவிக்கின்றன.

பெற்றோலிய கூட்டுத்தாபனத்தில் சுமார் 20,000 மெற்றிக் தொன் டீசல் மற்றும் சுமார் 10,000 மெற்றிக் தொன் பெற்றோல் உள்ளது.

இதேவேளை, இலங்கைக்கு வந்த எரிபொருள் தாங்கி ஒன்று கட்டணம் செலுத்தப்படாமையால் சுமார் 20 நாட்களாக கடலில் நிறுத்தப்பட்டுள்ளதாக தெரிவிக்கப்படுகிறது. 

எந்தவொரு ராஜபக்சவும் மீண்டும் பதவி விலகத் தயாராக இல்லை என முன்னாள் இராஜாங்க அமைச்சர் ஷசீந்திர ராஜபக்ச தெரிவித்துள்ளார்.

மக்கள் வாக்கு மூலம் நாடாளுமன்றத்திற்கு வந்த நாடாளுமன்ற உறுப்பினர் என்ற வகையில் தமக்கு பதவி விலக வேறு நபர்கள் சொல்லிக்கொடுக்க வேண்டிய அவசியமில்லை என்றும் அவர் கூறுகிறார்.

மற்றுமொரு சக்திவாய்ந்த ராஜபக்ச ராஜினாமா செய்யவுள்ளதாக வெளியான செய்திகள் தொடர்பில் கருத்து தெரிவிக்கும் போதே அவர் இவ்வாறு தெரிவித்துள்ளார்.

 எம்.எம்.சி. பெர்டினாண்டோ இலங்கை மின்சார சபையின் தலைவர் பதவியில் இருந்து விலகியுள்ளார்.

ராஜினாமா கடிதம் மின்சக்தி மற்றும் எரிசக்தி அமைச்சர் காஞ்சன விஜேசேகரவுக்கு அனுப்பி வைக்கப்பட்டுள்ளது.

இதன்படி, இலங்கை மின்சார சபையின் பிரதித் தலைவராக கடமையாற்றிய நளிந்த இளங்ககோன் புதிய தலைவராக நியமிக்கப்பட உள்ளார்.

இந்தியப் பிரதமர் காற்றாலை மின் உற்பத்தி நிலையங்களை நாசப்படுத்தியதாக ஜனாதிபதி கோட்டாபய ராஜபக்ஷ தன்னிடம் தெரிவித்ததாக இலங்கை மின்சார சபையின் தலைவர் கோப் குழுவிடம் தெரிவித்தார்.

ஜனாதிபதி கோட்டாபய ராஜபக்ஷ பின்னர் தலைவரின் அறிக்கையை நிராகரித்தார். பின்னர் அந்த அறிக்கையை வாபஸ் பெறுவதாகவும் நிபந்தனையற்ற மன்னிப்பு கோருவதாகவும் கோப் குழுவிற்கு எழுத்து மூலம் அறிவித்தார்.

லிட்ரோ நிறுவனத்தின் புதிய தலைவராக முதித பீரிஸ் நியமிக்கப்பட்டுள்ளார்.

முதித பீரிஸ் எதிர்வரும் புதன்கிழமை தமது கடமைகளை அவர் பொறுப்பேற்கவுள்ளார்.

லிட்ரோ எரிவாயு நிறுவனத்தின் தலைவராக செயற்பட்ட விஜித ஹேரத், கடந்த வௌ்ளிக்கிழமை பதவியை இராஜினாமா செய்தமை குறிப்பிடத்தக்கது.

முன்னாள் விவசாய இராஜாங்க அமைச்சர் ஒருவர் பயன்படுத்திய ஆறு அரச வாகனங்கள் இதுவரை கையளிக்கப்படவில்லை எனத் தெரிவிக்கப்படுகிறது.

இதன் காரணமாக விவசாய அமைச்சு போக்குவரத்து பிரச்சினைக்கு முகங்கொடுத்துள்ளது.

அமைச்சருக்கு இணைக்கப்பட்ட மூன்று வாகனங்களும், ஊழியர்களுக்கு வழங்கப்பட்ட மூன்று வாகனங்களும் திருப்பிக் கொடுக்கப்படவில்லை.

விவசாய இராஜாங்க அமைச்சராக கடமையாற்றிய போது ஜனாதிபதியினால் வேறு அமைச்சுக்கு இடமாற்றம் செய்யப்பட்ட பின்னர் அமைச்சர் மற்றும் அவரது பணியாளர்கள் அதே வாகனங்களுடன் புதிய அமைச்சுக்கு சென்றுள்ளனர்.

இந்த வாகனங்களை மீள ஒப்படைக்குமாறு விவசாய அமைச்சு பணிப்புரை விடுத்துள்ள போதிலும் இதுவரையில் அவை கையளிக்கப்படவில்லை.

பிரதமர் ரணில் விக்கிரமசிங்கவுடன் இணைந்து அரசியல் நடவடிக்கைகளில் ஈடுபடு ஸ்ரீலங்கா பொதுஜன பெரமுனவின் நாடாளுமன்ற உறுப்பினர்கள் குழு நம்பிக்கை வெளியிட்டுள்ளது.

ஸ்ரீலங்கா பொதுஜன பெரமுனவின் தலைவரான முன்னாள் பிரதமர் மகிந்த ராஜபக்ச, பிரதமர் பதவியை இராஜினாமா செய்ததன் பின்னர் அரசியலில் இருந்து விலகியமையே இதற்குக் காரணம்.

தற்போது மகிந்த ராஜபக்ச பொதுஜன பெரமுன உறுப்பினர்களை சந்திப்பதற்கு கட்டுப்பாடு விதித்துள்ளதாக தெரிவிக்கப்படுகின்றது.

இதன் காரணமாக பொதுஜன பெரமுனவின் பாரியளவான பாராளுமன்ற உறுப்பினர்கள் தமது பிரச்சினைகளை பேசுவதற்கு பிரதமர் ரணில் விக்கிரமசிங்கவை தெரிவு செய்துள்ளனர்.

இவர்களில் பெரும்பாலானோர் விரைவில் ரணில் விக்கிரமசிங்கவுடன் அரசியலில் உத்தியோகபூர்வமாக இணையவுள்ளதாக அரசியல் வட்டாரங்கள் தெரிவிக்கின்றன.

வியத்மகவை பிரதிநிதித்துவப்படுத்தும் பாராளுமன்ற உறுப்பினர்கள் மற்றும் அமைப்பின் உறுப்பினர்களை ஜனாதிபதி கோட்டாபய ராஜபக்ஷ ஏமாற்றி விட்டதாக அந்த அமைப்பின் தலைவர் கலாநிதி நாலக கொடஹேவா தெரிவித்துள்ளார்.

அரசியல் ரீதியாக விரக்தியடைந்துள்ள தானும் எனது உறுப்பினர்களும் டலஸ் அழகப்பெரும உட்பட ஏனைய கட்சி எதிர்க்கட்சித் தலைவர்களுடன் இணைந்து எதிர்காலத்தில் புதிய அரசியல் பாதையில் பிரவேசிப்போம் என கொடஹேவா கூறுகிறார்.

இணைய சேனல் ஒன்றுக்கு அளித்த பேட்டியில் அவர் இதனை கூறியுள்ளார்.

ஸ்ரீலங்கா பொதுஜன பெரமுனவின் நாடாளுமன்ற உறுப்பினர் தம்மிக்க பெரேராவின் வீட்டிற்கு முன்பாக இன்று கவனயீர்ப்பு போராட்டம் ஒன்று முன்னெடுக்கப்பட்டது.

தம்மிக்க பெரேரா வரி ஏய்ப்பு செய்ததாக கூறப்படும் தொகையை செலுத்த வேண்டும் என ஆர்ப்பாட்டக்காரர்கள் கோரிக்கை விடுத்தனர்.

'எமக்கு சூதாட்ட ராஜா வேண்டாம்', 'எங்களுக்கு குப்பை மேடு வேண்டாம்' போன்ற வாசகங்கள் அடங்கிய பதாதைகளை ஆர்ப்பாட்டக்காரர்கள் ஏந்தியிருந்தனர்.

எதிர்காலத்தில் நாட்டிற்கு எரிபொருளை இறக்குமதி செய்வதற்கு தேவையான டொலர்களை பெறுவதற்கு மத்திய வங்கிக்கு செலுத்த ரூபாவை அச்சிட வேண்டியிருக்கும் என மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

எதிர்காலத்திற்காக எரிபொருளை இறக்குமதி செய்ய பணம் தேடுவது பெரும் சவாலாக உள்ளது என்றும் அவர் கூறுகிறார்.

எரிபொருளை செலுத்துவதற்கு மத்திய வங்கி டொலர்களை ஒதுக்கியுள்ள போதிலும், அதனை செலுத்துவதற்கு CPC இன் நஷ்டம் காரணமாக பணத்தை அச்சிடுவதே ஒரே வழி என அவர் கூறுகிறார்.

தற்போது இலங்கைக்கு வரும் நான்கு எரிபொருள் தாங்கிகளுக்கு செலுத்த வேண்டிய 160 மில்லியன் டொலர்களை கண்டுபிடிப்பதே இன்றைய சவாலாகும் என அவர் தெரிவித்துள்ளார்.

இதேவேளை, எதிர்வரும் 15ஆம் திகதிக்கு பின்னர் எரிபொருள் விநியோகத்தில் சிக்கல்கள் மோசமடையுமென இலங்கை பெற்றோலிய தாங்கி உரிமையாளர்கள் சங்கம் தெரிவித்துள்ளது.

எரிபொருள் நிரப்பு நிலையங்களுக்கு எரிபொருளைப் பெற்றுக் கொள்வதற்கு முன்னர் பணம் செலுத்துமாறு இலங்கை பெற்றோலியக் கூட்டுத்தாபனம் விடுத்துள்ள கோரிக்கை காரணமாகவே இந்த நிலை ஏற்படுவதாக இலங்கை பெற்றோலியக் கூட்டுத்தாபனத்தின் இணைச் செயலாளர் சாந்த சில்வா தெரிவித்துள்ளார்.

இரத்தினபுரி மாவட்ட ஸ்ரீலங்கா பொதுஜன பெரமுனவின் பாராளுமன்ற உறுப்பினர் பவித்ரா வன்னியாராச்சி அமைச்சராக சத்தியப்பிரமாணம் செய்யவுள்ளதாக தெரிவிக்கப்படுகின்றது.

சிறுவர் மற்றும் மகளிர் விவகாரம் மற்றும் சமூக வலுவூட்டல் அமைச்சராக அவர் பதவிப் பிரமாணம் செய்து கொள்வார் எனத் தெரிவிக்கப்படுகிறது.

அதற்குரிய அமைச்சுக்கள், நிறுவனங்கள் மற்றும் பிரதேசங்கள் அடங்கிய வர்த்தமானி அறிவித்தலை ஜனாதிபதி ஏற்கனவே வெளியிட்டுள்ளார்.

முன்னாள் சுகாதார அமைச்சராக இருந்த பவித்ரா வன்னியாராச்சியை ஜனாதிபதி பதவி நீக்கம் செய்து மற்றுமொரு அமைச்சரை நியமித்ததை அடுத்து அவரது பேச்சு தொடர்பில் அதிக கவனம் செலுத்தப்பட்டது.