சுமார் 35,000 மெட்ரிக் டன் எரிபொருளை ஏற்றிய கப்பல் ஒன்று இன்று இலங்கைக்கு வரவுள்ளதாக இலங்கை பெற்றோலிய கூட்டுத்தாபன தலைவர் தெரிவித்துள்ளார்.

அந்த கப்பலில் பெட்ரோலும் டீசலும் ஆகிய இரு வகை எரிபொருள்களும் உள்ளதாகவும் அவர் கூறினார்.

மேலும் இந்த மாதத்திற்குள் மேலும் மூன்று எரிபொருள் கப்பல்கள் இலங்கைக்கு வரவுள்ளதாகவும் தெரிவிக்கப்பட்டுள்ளது.

ஏப்ரல் மாத இறுதி வரை தேவையான எரிபொருள் கையிருப்புகள் முன்பதிவு செய்யப்பட்டுள்ளன.

அத்துடன், அந்த எரிபொருள் கையிருப்புகள் கப்பல்கள் வந்து இறக்கும் நேரத்தில் நிலவும் விலைகளின் அடிப்படையில் வாங்கப்பட உள்ளதாக அவர் மேலும் குறிப்பிட்டார்.

இந்த எரிபொருள் கப்பல்கள் இந்தியாவிலும் சிங்கப்பூரிலும் இருந்து இலங்கைக்கு வரவுள்ளதாகவும் தெரிவிக்கப்பட்டுள்ளது.