பிரதான பாதைகளில் பயன்படுத்தப்படும் மின்விளக்குகள் மற்றும் ஒவ்வொரு பொலிஸ் பிரிவுகளிலும் தேவையற்ற வகையில் எரியவிடப்பட்டுள்ள தெரு விளக்குகளின் எண்ணிக்கையை கணக்கிட்டு, அதற்கான விரிவான அறிக்கையை சமர்ப்பிக்குமாறு பொலிஸ் மா அதிபர் பிரியந்த வீரசூரிய அனைத்து பொலிஸ் நிலைய பொறுப்பதிகாரிகளுக்கும் மற்றும் அந்தந்த பொலிஸ் நிலையங்களை மேற்பார்வை செய்யும் உயர் அதிகாரிகளுக்கும் உத்தரவிட்டுள்ளதாக ஒரு செய்தி வெளியாகியுள்ளது.

இந்த உத்தரவு, பொலிஸ் மா அதிபர் கட்டளைப் பிரிவின் மூலம் பிராந்திய பொறுப்பதிகாரிகள், மாவட்ட பொறுப்பதிகாரிகள், தலைமையக முதன்மை பொலிஸ் பரிசோதகர்கள் மற்றும் பொலிஸ் நிலைய பொறுப்பதிகாரிகளுக்கு அனுப்பப்பட்டுள்ளதாகவும் தெரிவிக்கப்படுகிறது.

எரிபொருள் மற்றும் மின்சாரத்தை சிக்கனமாக பயன்படுத்த வேண்டும் என்ற அரசாங்கம் வழங்கியுள்ள வழிகாட்டுதல்கள் முறையாக செயல்படுத்தப்படாததன் காரணமாகவே இந்த உத்தரவு பிறப்பிக்கப்பட்டுள்ளதாகவும் மேலும் குறிப்பிடப்பட்டுள்ளது.