ஜனாதிபதித் தேர்தலில் வாக்களிப்பதற்கான நேரத்தை தேர்தல்கள் ஆணைக்குழுவின் தவிசாளர் மஹிந்த தேசப்பிரிய ஒரு மணித்தியாலத்துக்கு அதிகரித்துள்ளார்.

அதனடிப்படையில், ஜனாதிபதித் தேர்தலுக்கான வாக்களிப்பு, நவம்பர் 16ஆம் திகதி காலை 7 மணியிலிருந்து மாலை 5 மணிவரையிலும் நடைபெறும்.

இலங்கை வரலாற்றில் இடம்பெற்ற தேர்தல்களுக்கான வாக்களிப்புகள் யாவும், காலை 7 மணிமுதல் மாலை 4 மணிவரை மட்டுமே நடைபெற்றன.

இம்முறை தேர்தலில் 35 வேட்பாளர்கள் போட்டியிடுகின்றனர். வாக்குச்சீட்டின் நீளமும் 26 அங்குலமாக உள்ளது. வாக்காளர்களின் எண்ணிக்கையும் அதிகரித்துள்ளது.

ஆகையால், ஒதுக்கப்பட்ட நேரத்துக்குள் வாக்களிக்கமுடியாத நிலை ஏற்படும். இதனையடுத்தே, வாக்களிப்பு நேரம் ஒரு மணித்தியாலத்தால் அதிகரிக்கப்பட்டுள்ளது.