காலவரையறையின்றி ஒத்திவைக்கப்பட்டுள்ள ஐக்கிய தேசியக் கட்சியின் 56வது மாநாடு எதிர்வரும் ஒக்டோபர் 21 ஆம் திகதி சனிக்கிழமை பிற்பகல் 2 மணிக்கு கொழும்பு சுகததாச உள்ளக விளையாட்டரங்கில் நடைபெறவுள்ளது.

நேற்றைய தினம் கூடிய கட்சியின் செயற்குழுவில் இந்த தீர்மானம் எடுக்கப்பட்டதாக தெரிவிக்கப்பட்டுள்ளது.

ஐக்கிய தேசியக் கட்சியின் தலைவர் ரணில் விக்கிரமசிங்க தலைமையில் பிற்பகல் கட்சியின் தலைமையகமான சிறிகொத்தாவில் நேற்று பிற்பகல் செயற்குழு கூடியது.

முன்னதாக கட்சி மாநாடு செப்டம்பர் 10 ஆம் திகதி நடத்த திட்டமிடப்பட்டது, ஆனால் மழையுடனான வானிலை காரணமாக அதை ஒத்திவைக்க முடிவு செய்யப்பட்டது.