பொஹொட்டுவ தொழிற்சங்க வலையமைப்பின் தூணாக இருந்த வசந்தா ஹந்தபாங்கொட புதிய கூட்டணியில் இணையவுள்ளதாக தெரிவிக்கப்பட்டுள்ளது.

நிமல் லான்சா எம்.பி மற்றும் அந்தக் குழுவின் ஏனைய உறுப்பினர்களுடன் அவர் ஏற்கனவே பல சுற்றுப் பேச்சுவார்த்தைகளை நடத்தியுள்ளார் என்பதும் அறியப்படுகிறது.

இதேவேளை, பொஹொட்டுவ அரசியல் விவகாரங்களில் இருந்து விலகி புதிய கூட்டணியின் எதிர்கால அரசியல் செயற்பாடுகளை முன்னெடுப்பதற்காக மேலும் 10 தொழிற்சங்கங்கள் ஒன்றிணைந்துள்ளதாக இராஜகிரியில் உள்ள கட்சி அலுவலகம் தெரிவித்துள்ளது.

பல்கலைக்கழக கல்விசாரா தொழிற்சங்கம், விவசாய ஆராய்ச்சி உற்பத்தி உதவியாளர் சங்கம், தொழிற்பயிற்சி அதிகார சபை ஊழியர் சங்கம், தபால் ஊழியர் சங்கம், தோட்டத் தொழிலாளர் சங்கம், மகாவலி தொழிலாளர் சங்கம், வலையமைப்புத் தொழிலாளர் சங்கம், நில அளவைத் தொழிலாளர் சங்கம், அரச அச்சகத் தொழிலாளர் சங்கம் மற்றும் கலாச்சார விவகாரங்கள் ஒன்றியம் ஆகியவை இதில் அடங்கும்.