லேடி ரிட்ஜ்வே குழந்தைகள் மருத்துவமனையில் CT ஸ்கேன் சேவை முற்றிலும் நிறுத்தப்பட்டுள்ளதாக அரச கதிரியக்க தொழில்நுட்ப வல்லுநர்கள் சங்கம் தெரிவித்துள்ளது.

இரண்டு வருடங்களாக CT ஸ்கேன் இயந்திரம் தொடர்பான நிறுவனத்துடனான சேவை ஒப்பந்தம் புதுப்பிக்கப்படாமையால் அதன் பராமரிப்புப் பணிகளில் தொய்வு ஏற்பட்டுள்ளதாக அந்த சங்கத்தின் தலைவர் சானக தர்மவிக்ரம தெரிவித்தார்.

இதேவேளை, CT ஸ்கேன் இயந்திரத்தின் மின்கல அமைப்பிற்கு மாற்று முறை நடைமுறைப்படுத்தப்பட்டு, சில தினங்களில் இயந்திரத்தை செயல்பாட்டு நிலைக்கு கொண்டு வர நடவடிக்கை எடுக்கப்படும் என ரிட்ஜ்வே ஆர்யா சிறுவர் வைத்தியசாலையின் பணிப்பாளர் டொக்டர் ஜி.விஜேசூரிய தெரிவித்துள்ளார்.