பாராளுமன்ற உறுப்பினர் நிமல் லான்சா கஞ்சா மற்றும் ஹெரோயின் தொடர்பில் விரிவான அறிவை கொண்டவர் என இராஜாங்க அமைச்சர் சனத் நிஷாந்த குறிப்பிடுகின்றார்.

எனவே, நாமல் ராஜபக்ஷவுடன் விவாதத்தில், அந்த விஷயத்தில் லான்சா நிச்சயம் வெற்றி பெறுவார் என்று கூறிய அவர், நாமல் ராஜபக்ஷவுக்கு இதுபோன்ற பாடங்கள் பற்றிய அறிவு இல்லை என்றும் கூறினார்.

மகிந்த ராஜபக்சவின் தோல்விக்கு நிமல் லான்சாவும் ஒரு காரணம் என்றும் இராஜாங்க அமைச்சர் கூறினார்.

லான்சா வீட்டில் போதைப்பொருள் இருப்பதாக கிடைத்த தகவலின் அடிப்படையில் விஷேட அதிரடிப்படையினர் அவரது வீட்டில் சோதனை நடத்திய போது, முன்னாள் ஜனாதிபதி மஹிந்த ராஜபக்ஷ தலையிட்டு அவரை காப்பாற்றியதாக பலத்த குற்றச்சாட்டு எழுந்ததாகவும் அதுவே மஹிந்த ராஜபக்ஷவை நேரடியாக பாதித்த காரணம் எனவும் அவர் கூறினார். 

நேற்றிரவு தனியார் தொலைக்காட்சியில் இடம்பெற்ற நிகழ்ச்சியொன்றில் அமைச்சர் இதனைத் தெரிவித்துள்ளார்.