நாட்டில் நிலவும் பொருளாதார நெருக்கடி காரணமாக கடந்த ஆண்டை விட நாட்டில் தொலைபேசி மற்றும் கையடக்கத் தொலைபேசிகள் பயன்படுத்தப்படுவது குறைந்துள்ளதாக நிதியமைச்சகம் வெளியிட்டுள்ள நிதி முகாமைத்துவ அறிக்கையில் குறிப்பிடப்பட்டுள்ளது.

கையடக்கத் தொலைபேசி உள்ளிட்ட உபகரணங்களுக்கு VAT விதிக்கப்பட்டுள்ள நிலையில், கையடக்கத் தொலைபேசி ஒன்றின் விலை சுமார் 15000 ரூபாவினால் அதிகரித்துள்ளது.

2023 ஆம் ஆண்டின் முதல் ஆறு மாதங்களில் இணைய இணைப்புகள் உட்பட இணைய சந்தாதாரர்களின் எண்ணிக்கை 1.0% குறைந்து 21.9 மில்லியனாக உள்ளது என்றும் தெரிவிக்கப்பட்டுள்ளது.

2022 ஆம் ஆண்டின் முதல் சில மாதங்களில், இந்த நாட்டில் 100 பேருக்கு 146.9 மொபைல் போன்கள் மற்றும் பிற தொலைபேசிகள் இருந்தன, 2023 ஆம் ஆண்டில், 100 பேருக்கு மொபைல் போன்கள் மற்றும் பிற தொலைபேசிகளின் எண்ணிக்கை 6.8% குறைந்து 137 ஆக உள்ளது.