அரசியல் வாதங்களில் சிக்காமல் இருக்க நாட்டில் உள்ள புத்திசாலி மக்களிடம் வேண்டுகோள் விடுப்பதாகவும், அப்படி இல்லையெனில் இந்த நாடு எந்த நாளிலும் முன்னேற முடியாது என்றும் கோப் (COPA) குழு தலைவர் நிஷாந்த சமரவீர தெரிவித்துள்ளார்.

தரமற்ற நிலக்கரி இறக்குமதி செய்யப்பட்டதாக அரசுக்கு குற்றச்சாட்டு எழுப்பப்பட்டாலும், தற்போதைய அரசோ அல்லது முந்தைய அரசுகளோ தரமற்ற நிலக்கரியை இறக்குமதி செய்யவில்லை என்று அவர் வலியுறுத்தினார்.

எனினும், இறக்குமதி செய்யப்பட்ட நிலக்கரி தரமற்றதாக மாறியுள்ளதாகவும், அதற்காக பின்பற்றப்பட்ட நடைமுறை சரியாக இருந்தால் யாரையும் குற்றவாளியாகக் கருத முடியாது என்றும் கோப் குழுத் தலைவர் குறிப்பிட்டார்.

மேலும், நிலக்கரி இறக்குமதி தேர்ந்தெடுக்கப்பட்ட நிறுவனங்களுக்கு வழங்கப்படாமல், நெருங்கிய நிறுவனங்களுக்கு வழங்கப்பட்டதன் மூலம் தரமற்ற நிலக்கரி கிடைத்த சம்பவங்கள் பல உள்ளன என்றும் நிஷாந்த சமரவீர தெரிவித்துள்ளார்.

சுயாதீன தொலைக்காட்சி நிகழ்ச்சியொன்றில் கலந்து கொண்டு அவர் இதனை தெரிவித்துள்ளார்.