இலங்கையின் அரசியல் வட்டாரத்தில் புதிய சர்ச்சை குறித்த தகவல்கள் வெளியாகியுள்ளன.

மாலிமா அரசாங்கத்தின் சில முக்கிய அமைச்சர்கள் நாட்டை விட்டு வெளியேற திட்டமிட்டு வருவதாக தகவல்கள் வெளியாகியுள்ளதாக முன்னாள் பாராளுமன்ற உறுப்பினர் திஸ்ஸ குட்டியாரச்சி தெரிவித்துள்ளார்.

அவரின் கூற்றுப்படி, சம்பந்தப்பட்ட அமைச்சர்கள் வெளிநாடு செல்ல தேவையான விசா உள்ளிட்ட அனைத்து ஏற்பாடுகளையும் செய்து வருகிறார்கள் என கூறப்படுகிறது.

மேலும், கடந்த காலத்தில் சர்க்கரை வரி மோசடி, 323 கண்டெய்னர்கள் சோதனை இன்றி துறைமுகத்திலிருந்து வெளியேற்றப்பட்டமை, தரமற்ற நிலக்கரி இறக்குமதி தொடர்பான மோசடி, அரசுத் தொகையான அமெரிக்க டொலர் 2.5 மில்லியன் மற்றொரு தரப்பிற்கு மாற்றப்பட்டதாகக் கூறப்படும் சம்பவம், ஒரே பணிக்காக ஒப்பந்தக்காரர்களுக்கு பலமுறை பணம் செலுத்தப்பட்டமை உள்ளிட்ட பல ஊழல் மற்றும் மோசடி குற்றச்சாட்டுகள் எதிர்நோக்கும் அமைச்சர்கள் தொடர்பாக இத்தகைய வெளிநாட்டு பயணத் திட்டங்கள் குறித்த தகவல்கள் வெளிவந்துள்ளதாகவும் அவர் குறிப்பிட்டுள்ளார்.

இந்த விவகாரம் தொடர்பில் முழுமையான விசாரணை நடத்தி, குற்றச்சாட்டுகள் எதிர்நோக்கும் அரசியல்வாதிகளுக்கு எதிராக சட்டம் அமுல்படுத்தப்பட வேண்டும் எனவும் திஸ்ஸ குட்டியாரச்சி மேலும் வலியுறுத்தியுள்ளார்.