திரைசேரியில் இருந்து காணாமல் போயுள்ளதாக  கூறப்படும் 2.5 மில்லியன் அமெரிக்க டொலர் தொகையில் ஒரு பகுதி, அமெரிக்காவின் Delaware மாநிலத்தில் உள்ள வங்கி கணக்கொன்றிற்கு வரவு வைக்கப்பட்டுள்ளதாக தகவல்கள் வெளியாகியுள்ளதாக The Sunday Times செய்தித்தாள் தெரிவித்துள்ளது.

இந்த விவகாரம் தொடர்பாக நடைபெற்று வரும் விசாரணைகளில் ஈடுபட்டுள்ள மூத்த பொலிஸ் அதிகாரி ஒருவரை மேற்கோள் காட்டி அந்தப் பத்திரிகை இந்த தகவலை வெளியிட்டுள்ளது.

எனினும், காணாமல் போன முழு தொகையில் எவ்வளவு பணம் குறித்த வெளிநாட்டு வங்கி கணக்கிற்கு மாற்றப்பட்டுள்ளதென்பது இதுவரை உறுதிப்படுத்தப்படவில்லை என்றும் தெரிவிக்கப்படுகிறது.

இந்த சம்பவம் தொடர்பாக சம்பந்தப்பட்ட அதிகாரிகள் தொடர்ந்து மேலதிக விசாரணைகளை மேற்கொண்டு வருவதாகவும் குறிப்பிடப்பட்டுள்ளது.