தனது கணவன் வெளிநாட்டில் இருக்கும் நிலையில், மகனுடன் வந்துசென்றவருக்கும், நான்கு பிள்ளைகளின் தாய்க்கும் இடையில் ஏற்பட்ட உறவால் பிறந்த குழந்தையை, நாய்க்கு இறையாக்கிய சம்பவமொன்று அன்னையர் தினத்தில் இடம்பெற்றுள்ளது. 

இந்த சம்பவம் மட்டக்களப்பு வெல்லாவெளி பொலிஸ் பிரிவுக்குட்பட்ட பகுதியில் இடம்பெற்றுள்ளது.

 ஆனைகட்டியவெளி பகுதியில் சமிளயடிவட்டை,கம்பியிறக்கம் பகுதியில் உள்ள கல் உற்பத்திசெய்யும் பகுதியில்  பிரதேசத்தில் தாகாத முறையில் குழந்தையை பிரசவித்த பெண்ணொருவர், அதனை நாய்க்கு இறையாக்கியுள்ளார். 

நேற்று (10) மாலை 6 மணியளவில் கல்லுவாடியில் வேலை செய்து கொண்டிருந்த ஒருவர், நாய் ஒன்று இறந்த சிசு ஒன்றின் உடலை இழுத்துச் செல்வதை கண்டு கிராம உத்தியோகத்ததருக்கு தகவல் வழங்கியதையடுத்து சிசுவின் சடலம் பொலிஸாரினால் மீட்கப்பட்டுள்ளது.

குறித்த சிசு தொடர்பில் குறித்த பகுதியை சேர்ந்த 40வயதுடைய நான்கு பிள்ளைகளின் தாய் ஒருவரை வெல்லாவெளி பொலிஸார் கைது செய்துள்ளனர்.

குறித்த பெண்ணின் கணவர் கடந்த இரண்டு வருடங்களாக மத்திய கிழக்கு நாடு ஒன்றில் தொழில்புரிந்து வருவதாகவும் பொலிஸார் தெரிவித்தனர்.

தனது மகனுடன் வீட்டுக்கு வந்துசென்றவருடன்  ஏற்பட்ட பழக்கம் காரணமாக  குறித்த பெண் தாய்மையினையடைந்ததாக அறியமுடிகின்றது. 

நேற்று குறித்த குழந்தையினை வீட்டுக்கு அருகில் பிரசவித்த நிலையில் அதனை கைவிட்டதாகவும் இதன்போது அப்பகுதியில் நாய் குறித்த குழந்தையினை இழுத்துச்சென்றுள்ளதாகவும் பொலிஸார் தெரிவித்தனர்.

இது தொடர்பில் குறித்த பெண்ணுடன் தகாத உறவினைக்கொண்டிருந்த நபரினையும் கைதுசெய்வதற்கான நடவடிக்கைகள் முன்னெடுக்கப்பட்டுள்ளதாகவும் பொலிஸார் தெரிவித்தனர்.

இது தொடர்பில் குற்றத்தடவியல் பிரிவு பொலிஸார் மற்றும் மரண விசாரணை அதிகாரி,நீதிபதி ஆகியோரின் விசாரணைகளை தொடர்ந்து மேலதிக விசாரணைகளுக்காக சடலம் மட்டக்களப்பு போதனா வைத்தியசாலைக்கு கொண்டுசெல்லப்பட்டுள்ளது.

குறித்த சிசு மரணம் தொடர்பான சம்பவம் அப்பகுதியில் பெரும் அதிர்சியை ஏற்படுத்தியுள்ளது.