எல்.பி.எல் இருபது20 கிரிக்கெட் தொடரில் ஜப்னா ஸ்டாலியன்ஸ் அணி தனது இரண்டாவது போட்டியிலும் அபாரமாக வெற்றியீட்டியது.

ஹம்பாந்தோட்டை சூரியவெவ மைதானத்தில் திங்கட்கிழமை நடைபெற்ற முதல் போட்டியில் ஜப்னா ஸ்டாலியன்ஸ் மற்றும் தம்புள்ள வைகிங் அணிகள் மோதின.

முதலில் துடுப்பெடுத்தாடிய ஜப்னா ஸ்டாலியன்ஸ் அணி ஆரம்பத்தில் பின்னடைவுக்குள்ளானது.

ஜப்னா ஸ்டாலியன்ஸ் அணி 4.4 ஓவர்களில் 36 ஓட்டங்களுக்கு முதல் 4 விக்கெட்டுகளை இழந்தது.

219 ஓட்டங்களை நோக்கி பதிலளித்தாடிய தம்புள்ள வைகிங் அணி ஆரம்பத்திலேயே தடுமாற்றமான நிலைக்கு தள்ளப்பட்டது. 24 ஓட்டங்களுக்கு முதல் விக்கெட் வீழ்த்தப்பட்டது.

தம்புள்ள வைகிங் அணி 19.1 ஓவரில் 152 ஓட்டங்களுக்கு சகல விக்கெட்டுகளையும் இழந்தது.

இது எல்.பி.எல் தொடரில் தம்புள்ள அணி விளையாடிய இரண்டாவது போட்டியாகும். அவர்கள் ஒரு வெற்றி, ஒரு தோல்வியுடன் 2 புள்ளிகளைப் பெற்று இரண்டாமிடத்தில் உள்ளனர்.

ஜப்னா ஸ்டாலியன்ஸ் அணி 4 புள்ளிகளுடன் முதலிடத்தை வகிக்கிறது.