துப்பாக்கிச் சூட்டுக்கு இலக்கான, பெலியத்த பிரதேச சபை எதிர்க் கட்சி தலைவர் கபில அமரகோன், வைத்தியசாலையில் அனுமதிக்கப்பட்டுள்ளார்.

பல்லத்தர, மொதரவான பகுதியில் அமைந்துள்ள அவருடைய வீட்டில், துப்பாக்கிப் பிரயோகத்துக்கு உள்ளான நிலையில் குறித்த நபர் பொலிஸாரால் மீட்கப்பட்டுள்ளார்.

இன்று (20) காலை அவருடைய வீட்டுக்குச் சென்ற உறவினர் ஒருவர், பிரதேச சபை உறுப்பினர், துப்பாக்கிச் சூட்டுக்கு இலக்காகியுள்ளதாக பொலிஸாருக்கு அறிவித்துள்ளதாக தெரிவிக்கப்படுகின்றது.

அதனையடுத்து குறித்த உறுப்பினர் தங்காலை வைத்தியசாலையில் அனுமதிக்கப்பட்டுள்ளதாக பொலிஸ் ஊடக பேச்சாளர் பொலிஸ் அத்தியட்சர்கள் ருவான் குணசேகர தெரிவித்துள்ளார்.

துப்பாக்கிச் சூட்டை மேற்கொண்ட நபர்கள் மற்றும் காரணம் இதுவரை கண்டறியப்படவில்லை என்றும், மேலதிக விசாரணைகளை மேற்கொண்டு வருவதாக பெலியத்த பொலிஸார் கூறியுள்ளனர்.