கிளிநொச்சி - பரந்தன் பகுதியில் இன்று காலை 11 மணியளவில் இடம்பெற்ற விபத்தில் இருவர் படுகாயமடைந்துள்ளனர். காயமடைந்தவர்கள் கிளிநொச்சி மாவட்ட வைத்தியசாலையில் அனுமதிக்கப்பட்டுள்ளனர்.

A9 வீதியில் பயணித்த டிப்பர் வாகனத்துடன் மோட்டார் சைக்கிள் மோதி விபத்துக்குள்ளானது. இதனால் மோட்டார் சைக்கிளில் சென்ற இருவர் நிலை தடுமாறி கீழே விழுந்தனர்.

காயமடைந்தவர்கள் கிளிநொச்சி - வட்டக்கச்சி பகுதியைச் சேர்ந்த தேனுயன் (வயது 20) மற்றும் பிலாங்கர் (வயது 22) என அடையாளம் காணப்பட்டுள்ளனர்.
சம்பவம் தொடர்பான மேலதிக விசாரணைகளை கிளிநொச்சி பொலிஸார் மேற்கொண்டு வருகின்றனர்.