ஸ்ரீலங்கா சுதந்திரக் கட்சியின் தலைவர் முன்னாள் ஜனாதிபதி மைத்திரிபால சிறிசேனவை கட்சியில் இருந்து நீக்க வேண்டும் என முன்னாள் ஜனாதிபதி சந்திரிக்கா பண்டாரநாயக்க குமாரதுங்க தெரிவித்துள்ளார்.

BMICH வளாகத்தில் அமைக்கப்பட்டுள்ள ஜனாதிபதி விசாரணை ஆணைக்குழுவிற்கு வாக்குமூலம் வழங்குவதற்காக வந்திருந்த போது ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

ஸ்ரீலங்கா பொதுஜன பெரமுனவுடன் இணைய வேண்டாம் என விடுத்த கோரிக்கையை மைத்திரி புறக்கணித்துள்ளதாக முன்னாள் ஜனாதிபதி தெரிவித்துள்ளார்.

தனது ஆட்சிக் காலத்தில் இலங்கையை வளமிக்க நாடாக மாற்றிய போதிலும், தற்போதைய ஆட்சி அந்த நிலையை அழித்துள்ளதாக முன்னாள் ஜனாதிபதி குற்றம் சுமத்தியுள்ளார்.

நல்லாட்சி ஆட்சிக்காலத்தில் பிரதமர் அலுவலகத்தினால் அமைக்கப்பட்ட ஊழல் ஒழிப்பு குழுவின் செயற்பாடுகள் தொடர்பில் ஆராய்வதற்காக நியமிக்கப்பட்ட விசேட ஜனாதிபதி ஆணைக்குழுவிற்கு முன்னாள் ஜனாதிபதி நேற்று (19) அழைக்கப்பட்டுள்ளார்.

எவ்வாறாயினும், அவர் ஆணைக்குழுவின் அலுவலகத்திற்குச் செல்லவில்லை, மேலும் விசாரணையாளர்கள் BMICH இன் வளாகத்தில் உள்ள முன்னாள் ஜனாதிபதியின் அலுவலகத்தில் அவரிடம் வாக்குமூலங்களைப் பெற்றனர்.

சுமார் 3 மணிநேரம் முன்னாள் ஜனாதிபதியிடம் வாக்குமூலம் பதிவு செய்யப்பட்டது.

இதன்போது ஊடகங்களுக்கு கருத்து தெரிவித்த முன்னாள் ஜனாதிபதி,

"அழுவதா சிரிப்பதா என்று தெரியவில்லை.ராஜபக்சேவும், மைத்திரிபால சிறிசேனவும் கட்சியை அழித்துவிட்டார்கள்.இதை நான் பல வருடங்களாக சொல்லி வருகிறேன்.பொஹோட்டுடன் சேராதீர்கள்.நாம் அழிந்துவிடுவோம்.எனவே மைத்திரியை கட்சியில் இருந்து தூக்கி எறிய வேண்டும்."