காய்ச்சல் உள்ள குழந்தைகள் குறித்து சுகாதாரத் துறை எச்சரிக்க!

காய்ச்சலால் பாதிக்கப்பட்டுள்ள குழந்தைகளை தாமதமின்றி மருத்துவ சிகிச்சைக்காக அழைத்துச் செல்லுமாறு பெற்றோரிடம் சுகாதாரத் துறை வலியுறுத்தியுள்ளது.

கொழும்பு லேடி ரிட்ஜ்வே சிறுவர் மருத்துவமனையின் பணிப்பாளர், சிறப்பு வைத்திய நிபுணர் டாக்டர் பிரதீப் ரத்னசேகர, குழந்தைகளுக்கு உரிய நேரத்தில் சிகிச்சை கிடைக்கும் வாய்ப்பை இழக்கச் செய்து, அவர்களின் உயிரை தேவையற்ற ஆபத்தில் ஆழ்த்த வேண்டாம் என்று பெற்றோரிடம் கேட்டுக்கொண்டுள்ளார்.

தற்போது லேடி ரிட்ஜ்வே சிறுவர் மருத்துவமனையில் டெங்கு காய்ச்சலால் பாதிக்கப்பட்ட சுமார் 50 குழந்தைகள் சிகிச்சை பெற்று வருவதாகவும், அவர்களில் கால் பங்கு குழந்தைகள் தீவிர சிகிச்சை தேவைப்படும் நிலையில் இருப்பதாகவும் அவர் தெரிவித்தார்.

இந்த நிலை மேலும் மோசமடைந்தால் மருத்துவமனைகளின் சிகிச்சை வழங்கும் திறனில் சிக்கல்கள் ஏற்படக்கூடும் என்பதால், குழந்தைகளுக்கு காய்ச்சல் அறிகுறிகள் தென்பட்டவுடன் தாமதிக்காமல் அருகிலுள்ள அரச மருத்துவமனைக்குச் சென்று மருத்துவ ஆலோசனையைப் பெறுமாறு அவர் அறிவுறுத்தினார்.

மேலும், வீட்டிலேயே சுயமாக மருந்து வழங்குவதால் குழந்தைகளுக்கு சரியான நேரத்தில் சிகிச்சை கிடைக்கும் வாய்ப்பு இழக்கப்படுகிறது என்றும், சுய சிகிச்சையைத் தவிர்த்து தகுதியான மருத்துவரின் ஆலோசனையின்படி மட்டுமே சிகிச்சை பெற வேண்டும் என்றும் டாக்டர் பிரதீப் ரத்னசேகர மீண்டும் வலியுறுத்தியுள்ளார்.