ஜூலை மாதத்திற்கான பெறுமதி சேர் வரி (VAT)-ஐ எதிர்வரும் ஆகஸ்ட் 20ஆம் திகதிக்கு முன்னர் செலுத்த வேண்டும் என உள்நாட்டு இறைவரித் திணைக்களம் அறிவித்துள்ளது. வரியை செலுத்தத் தவறினால் அல்லது தாமதமாக செலுத்தினால் அபராதம் விதிக்கப்படும் எனவும் தெரிவிக்கப்பட்டுள்ளது.
காசோலை, வங்கி வரைவோலை அல்லது கட்டளைப் பணம் மூலம் மேற்கொள்ளப்படும் வரி செலுத்துகை, நிர்ணயிக்கப்பட்ட காலக்கெடுவுக்குப் பின்னர் கிடைத்தாலும் அது தாமதமான வரி செலுத்துகையாகவே கருதப்படும் என திணைக்களம் தெரிவித்துள்ளது.
ஜூலை மாதத்திற்கான VAT அறிக்கையை ஆகஸ்ட் 31ஆம் திகதி அல்லது அதற்கு முன்னர் சமர்ப்பிக்க வேண்டும்.
மேலும், ஜூலை மாதத்திற்கான தடுத்து வைக்கப்பட்ட வரி (WHT) மற்றும் ஏனைய தொடர்புடைய வரிகளை ஆகஸ்ட் 15ஆம் திகதி அல்லது அதற்கு முன்னர் செலுத்துமாறு அறிவுறுத்தப்பட்டுள்ளது.
அத்துடன், ஜூலை மாதத்திற்கான சமூகப் பாதுகாப்பு பங்களிப்பு வரி (SSCL)-யையும் ஆகஸ்ட் 20ஆம் திகதி அல்லது அதற்கு முன்னர் செலுத்த வேண்டும் என உள்நாட்டு இறைவரித் திணைக்களம் தெரிவித்துள்ளது.
