லயன்ஸ் கிளப் கொழும்பு ஓஷன் சிட்டி 306 B2 இன் 19வது உள்ளீர்ப்பு விழா கொழும்பில் உள்ள ஜப்பான் கலாசார நிலையத்தில் வெகு விமர்சையாக இடம்பெற்றது.

இந்த விழாவின்போது லயன்ஸ் கிளப் கொழும்பு ஓஷன் சிட்டி 306 B2 இன் புதிய தலைவராக தொழிலதிபரும் சினிமா கலைஞரும் சமூக சேவையாளருமான லயன் பாலசுப்பிரமணியம் சுதாகரன் தெரிவு செய்யப்பட்டார்.

விழாவில் சிறப்பு அதிதியாக கலந்து கொண்ட லயன் மனேஷ் பஸ்குவல் லயன் பாலசுப்பிரமணியம் சுதாகரனுக்கு பதவிப்பிரமாணம் செய்து வைத்தார்.

நுவரெலியா மாவட்டம் ராகலை பகுதியை பிறப்பிடமாகக் கொண்ட லயன் பாலசுப்பிரமணியம் சுதாகரன் வியாபாரத் துறையில் தன்னை படிப்படியாக வளர்த்துக் கொண்டதுடன் உள்நாட்டு மற்றும் வெளிநாட்டு சினிமா துறையில் தன்னை ஈடுபடுத்தி பல திரைப்படங்களில் நடித்துள்ளார்.

லயன்ஸ் கிளப் உறுப்பினராக பல சமூக சேவைகளிலும் லயன் பாலசுப்பிரமணியம் சுதாகரன் பங்களிப்பு செய்துள்ளார்.

நுவரெலியா - பீட்ரூ தோட்ட தேயிலை தொழிற்சாலைக்குள் அமைச்சர் ஜீவன் தொண்டமான் உட்பட அவரின் ஆதரவாளர்கள் அத்துமீறி உள் நுழைந்த சம்பவம் தொடர்பில் நீதிமன்றத்தில் ஆஜராகத் தவறிய அமைச்சர் ஜீவன் தொண்டமானுக்கு எதிராக பிடியாணை உத்தரவு பிறப்பித்துள்ளது. 

களனிவெளி பெருந்தோட்ட நிறுவனத்தினரால் நுவரெலியா பொலிஸ் நிலையத்தில் மேற்கொள்ளப்பட்ட புகாருக்கமைய அமைச்சர் ஜீவன் தொண்டமான் உள்ளிட்ட குழுவினரை கைது செய்து எதிர்வரும் ஓகஸ்ட் மாதம் 26ஆம் திகதி நீதிமன்றில் முன்னிலைப்படுத்துமாறு நுவரெலியா நீதவான் உத்தரவிட்டுள்ளார்.

பிரான்சில் பதுங்கி இருப்பதாக கூறப்படும் பாதாள உலகக் கும்பலின் தலைவன் கஞ்சிபானி இம்ரானை கைது செய்து இலங்கைக்கு அழைத்து வர பிரான்ஸ் அரசாங்கத்தின் ஆதரவைப் பெறுமாறு பிரான்ஸ் தூதுவருக்கு இலங்கைக்கான பிரான்ஸ் தூதுவர் அறிவித்துள்ளதாக பாதுகாப்புத் தகவல்கள் தெரிவிக்கின்றன.

பாதாள உலகக் குழுத் தலைவர் கஞ்சிபானி இம்ரானுக்கு எதிராக சர்வதேச காவல்துறை ஏற்கனவே சிவப்பு பிடியாணை பிறப்பித்துள்ளதாக காவல்துறை வட்டாரங்கள் கூறுகின்றன.

கஞ்சிபானி இம்ரானைத் தவிர, பிரான்சில் பதுங்கியிருக்கும் குடு அஞ்சு, ரொட்டம்பே அமில உள்ளிட்ட பல பாதாள உலக குழுவை இலங்கைக்குக் கொண்டுவரும் வேலைத்திட்டம் ஏற்கனவே அமுல்படுத்தப்பட்டுள்ளது.

இந்த வேலைத்திட்டத்தின் கீழ் வெளிவிவகார அமைச்சு, சட்டம் ஒழுங்கு அமைச்சு மற்றும் பொலிஸ் திணைக்களம் என்பன தலையிட்டு இலங்கைக்கான பிரான்ஸ் தூதுவருடன் விரிவான கலந்துரையாடலை நடத்தி அதன் மூலம் பிரான்ஸ் அரசாங்கத்திற்கு அறிவிக்கும்.

கிளப் வசந்தவை கொடூரமாக சுட்டுக் கொன்றதாக கஞ்சிபனி இம்ரான் மீது குற்றச்சாட்டுகள் முன்வைக்கப்பட்டுள்ளன.

பெருந்தோட்டத் தொழிலாளர்களுக்கு 1700 ரூபா சம்பள நீதிமன்ற தலையீட்டால் தற்காலிகமாக இடைநிறுத்தப்பட்டுள்ள நிலையில், 1700 ரூபாய் சம்பளம் வழங்கும் வரை தற்காலிக தீர்வாக இடைக்கால கொடுப்பனவாக மாதாந்தம் 5000+ரூபாய் அரசாங்கம் வழங்க வேண்டுமென இ.தொ.காவின் தலைவர் செந்தில் தொண்டமான் ஜனாதிபதி ரணில் விக்ரமசிங்கவிடம் கோரிக்கை முன்வைத்துள்ளார். 

நாட்டில் கொவிட் தொற்று ஏற்பட்டிருந்த காலப்பகுதியில் பெருந்தோட்ட மக்கள் பொருளாதார பின்னடைவை சந்தித்து இருந்தனர். ஏனைய சமூகத்தினருக்கு 5000 கொடுப்பனவு வழங்கிய போதும் பெருந்தோட்ட மக்கள் அரச அதிகாரிகளால் நிராகரிக்கப்பட்டிருந்தனர். அவர்கள் வேலைக்கு செல்வதாகவும், அவர்களுக்கான ஊழியர் சேமலாபநிதி வழங்கப்படுவதாலும் அவர்களுக்கு இந்த கொடுப்பனவை வழங்க முடியாது எனவும் அரச அதிகாரிகள் தெரிவித்திருந்தனர்.

இந்நிலையில் அப்போதைய பிரதமரின் இணைப்பு செயலாளராக இருந்த செந்தில் தொண்டமான், இப்பிரச்சினை குறித்து அப்போதைய பிரதமரின் கவனத்திற்கு கொண்டு சென்று, 5000 வழங்குவதற்கான நியாயமான அரச ஆவணங்களை பிரதமரிடம் சமர்ப்பித்து, இந்த நிவாரண தொகையை பெருந்தோட்ட மக்களுக்கு வழங்க ஜனாதிபதியின் செயலாளர், திறைசேரி செயலாளர் ஆகியோருடன் பல முறை கலந்துரையாடி மலையகம் முழுவதும் குறித்த தொகையை இடைக்கால நிவாரணமாக செந்தில் தொண்டமான் பெற்றுக்கொடுத்தமை குறிப்பிடத்தக்கது.

தற்போது 1700 ரூபாய் சம்பளம் தோட்ட தொழிலாளர்களுக்கு கிடைக்கும் வரை இடைக்கால கொடுப்பனவாக 5000+ ரூபாய் வழங்க மாவட்டம் வாரியாக தொழிலாளர்களின் பட்டியல், வந்தநிரந்தர தொழிலாளர்கள் எண்ணிக்கை,தற்காலிக தொழிலாளர்கள் எண்ணிக்கை என அனைத்து ஆவணங்களை செந்தில் தொண்டமான் ஜனாதிபதியிடம் சமர்ப்பித்துள்ளார். 

அதற்கமைய செந்தில் தொண்டமானின் கோரிக்கையை விரைவாக ஆய்வு செய்யுமாறு சம்பத்தப்பட்ட அதிகாரிகளுக்கு ஜனாதிபதி பணிப்புரை வழங்கியுள்ளார்.

மேலும் 1700 சம்பளத்தை பெறுவதற்கு தற்போது உள்ள சட்ட சிக்கல்கள் குறித்து ஜனாதிபதியிடம் செந்தில் தொண்டமான் எடுத்துரைத்ததுடன், மாற்று வழிகள் குறித்தும் கலந்துரையாடல் மேற்கொண்டார்.

கடந்த 10 வருடங்களில் கர்ப்பிணித் தாய்மார்கள் மற்றும் சிறு குழந்தைகளிடையே நீரிழிவு நோயின் தாக்கம் அதிகரித்துள்ளதாக கொழும்பு தேசிய வைத்தியசாலையின் நீரிழிவு மற்றும் ஹார்மோன்கள் தொடர்பான விசேட வைத்திய நிபுணர் டாக்டர் உதித புளுகஹபிட்டிய தெரிவித்துள்ளார்.

நகர்ப்புறங்களில் வாழும் மக்களில் 20 வீதமானவர்கள் நீரிழிவு நோயினால் பாதிக்கப்பட்டுள்ளதாக அவர் குறிப்பிட்டுள்ளார்.

சர்க்கரை நோயில் இருந்து விடுபட எடுக்க வேண்டிய நடவடிக்கைகள் குறித்து பேசிய அவர், ஒரு மணி நேரம் அல்லது அரை மணி நேரம் உடற்பயிற்சி செய்வது அவசியம் என்றும், சர்க்கரை அதிகம் உள்ள உணவுகளை குறைத்து காய்கறிகள், இறைச்சியுடன் கூடிய உணவுகளை சாப்பிடுவது அவசியம் என்றும் குறிப்பிட்டார். மற்றும் மீன், மற்றும் ஒருவரின் உயரத்திற்கு ஏற்ற எடையை பராமரிக்கவும்.

மேலும் உங்கள் குடும்பத்தில் ஒருவருக்கு சர்க்கரை நோய், உயர் ரத்த அழுத்தம் மற்றும் கொலஸ்ட்ரால் இருந்தால், கழுத்துப் பகுதி கருப்பாக மாறியிருந்தால், முகத்தில் முடி வளர்வது போன்ற நிலைமைகள் இருந்தால், அதுபோன்ற சமயங்களில் சர்க்கரை நோய் உள்ளதா எனப் பரிசோதிக்க வேண்டியது அவசியம் என்று நிபுணர் கூறினார். 

இதன்படி, நீரிழிவு நோயின் அறிகுறிகள் மற்றும் நோயிலிருந்து விடுபட எடுக்கப்பட வேண்டிய நடவடிக்கைகள் குறித்து அவதானமாக இருக்குமாறு விசேட வைத்தியர் உதித புளுகஹபிட்டிய கூறுகிறார்.

22 வது அரசியலமைப்பு திருத்தத்தை ஜனாதிபதி ரணில் விக்கிரமசிங்க வர்த்தமானியில் வெளியிட்டதன் ஊடாக ஜனாதிபதி தேர்தலுக்கான திகதியை அறிவிப்பதில் எந்த தடையும் இல்லை என தேர்தல்கள் ஆணையாளர் நாயகம் சமன் ஸ்ரீ ரத்னநாயக்க தெரிவித்துள்ளார்.