மக்கள் விடுதலை முன்னணிக்கு தேர்தலில் வெற்றி பெற்றாலும் நாட்டை ஆள முடியாது என முன்னாள் அமைச்சரும் குருநாகல் மாவட்ட ஸ்ரீலங்கா பொதுஜன பெரமுனவின் பாராளுமன்ற உறுப்பினருமான ஜோன்ஸ்டன் பெர்னாண்டோ சனிக்கிழமை தெரிவித்தார்.

கேகாலையில் நடைபெற்ற தேர்தல் பிரசாரக் கூட்டத்தில் உரையாற்றிய பாராளுமன்ற உறுப்பினர் ஜோன்ஸ்டன் பெர்னாண்டோ, மக்கள் விடுதலை முன்னணியின் பேரணிகளில் பெருமளவிலான மக்கள் கலந்துகொண்டமையால் சிலர் ஈர்க்கப்பட்டதாகத் தெரிகிறது.

மக்கள் விடுதலை முன்னணியில் சுமார் 70,000 உறுப்பினர்கள் உள்ளனர், இதனால் அவர்கள் மற்றவர்களைக் கவருவதற்காக எண்களைக் காட்ட முடியும். இது ஒரு புதிய நிகழ்வு அல்ல. வருடக்கணக்கில் அப்படித்தான் செய்து வந்தார்கள். ஆனால் இறுதி வாக்கு எண்ணிக்கைக்கு வரும்போது அவர்களின் தந்திரம் மட்டுமே அம்பலமாகும். அவர்கள் வெற்றி பெற்றாலும் அல்லது தோற்றாலும் கூட, அவர்களின் பேரணிகளுக்கு மக்களை அழைத்துச் செல்வதற்கான ஒரு பொறிமுறை உள்ளது. எதிர்வரும் உள்ளூராட்சித் தேர்தலில் தாங்கள் வெற்றிபெறப் போவதாக மக்கள் விடுதலை முன்னணி முகநூல் அலையை உருவாக்கியுள்ளது. கடந்த தேர்தலில் கூட குருநாகலில் மக்கள் விடுதலை முன்னணி 42,000 வாக்குகளையே பெற முடிந்தது. இந்த முறை அவர்கள் அதிகபட்சமாகப் பெறுவார்கள் என்று வைத்துக்கொள்வோம், அப்போதும் அவர்கள் குருநாகலில் இருந்து 120,000 முதல் 130,000 வாக்குகள் மட்டுமே பெறுவார்கள். அதன் மூலம் அவர்களால் அதிகாரத்தைப் பெற முடியாது.

"தேர்தலில் வெற்றி பெற்றாலும் அவர்களால் ஒரு நாட்டை ஆள முடியாது. தற்போதைய நெருக்கடியிலிருந்து நாட்டைக் காப்பாற்றுவதற்குத் தேவையான உதவிகளைப் பெறுவதற்கு சர்வதேச சமூகத்துடன் இணைந்து செயற்படுவதற்கு அனுரகுமார திஸாநாயக்கவால் முடியாது. எரிபொருளைக் கொண்டு வர சர்வதேச சமூகத்தின் ஆதரவை அவரால் பெற முடியாது. அவருக்கு சர்வதேச தொடர்புகள் இல்லை. பசில் ராஜபக்ச 4.5 பில்லியன் அமெரிக்க டொலர்களை இந்தியாவிடம் இருந்து பெற்றுள்ளார். அந்தப் பணத்தைப் பயன்படுத்தி எரிபொருளை இறக்குமதி செய்தோம். அனுரவினால் அதைச் செய்ய முடியாது.மக்கள் விடுதலை முன்னணியின் அரசாங்கத்தின் கீழ் நிதி மற்றும் வெளிவிவகார அமைச்சர்கள் யார் என்பதை குறிப்பிடுமாறு நாங்கள் சவால் விடுகிறோம். அத்தகைய பதவிகளை வகிக்கும் திறன் கொண்ட நபர்கள் அவர்களிடம் இல்லை. என்றும்  ஜோன்ஸ்டன்பெர்னாண்டோ கூறினார்.