மாவின் விலை குறைப்பை கருத்தில் கொண்டு பாண் உள்ளிட்ட பேக்கரி பொருட்களின் விலையை குறைக்க தீர்மானிக்கப்பட்டதாக அகில இலங்கை பேக்கரி உரிமையாளர்கள் சங்கம் தெரிவித்துள்ளது.

இதன்படி, 450 கிராம் பாண் ஒன்றின் விலை 10 ரூபாவினால் குறைக்கப்பட்டுள்ளது.

டொலரின் பெறுமதி வீழ்ச்சியடைந்துள்ள நிலையில், இலங்கையில் உள்ள மாவு நிறுவனங்கள் மாவின் விலையை 15 ரூபாவினால் குறைத்துள்ளன.

இதேவேளை, அத்தியாவசிய உணவுப் பொருட்களின் இறக்குமதியாளர்கள் மற்றும் மொத்த விற்பனையாளர்கள் ஒரு கிலோ சீனியின் விலையை 15 ரூபாவினால் குறைக்க தீர்மானித்துள்ளனர்.