நாளை, மார்ச் 27ஆம் திகதி முதல், 2.9 மில்லியன் குடும்பங்களுக்கு இலவச அரிசி விநியோகத்தை அரசாங்கம் ஆரம்பிக்கவுள்ளதாக விவசாய அமைச்சர் மஹிந்த அமரவீர அறிவித்துள்ளார்.

இந்த ஆண்டு மகா பருவத்தில் விவசாயிகளிடம் இருந்து கொள்முதல் செய்யப்பட்ட நெல் அரிசியாக மாற்றப்பட்டு அரிசி விநியோகிக்கப்படுகிறது.

மேலும், ஒவ்வொரு குடும்பத்திற்கும் மாதம் ஒன்றுக்கு 10 கிலோகிராம் அரிசியை 2 மாதங்களுக்கு வழங்க அரசாங்கம் தீர்மானித்துள்ளது. கொழும்பு, கம்பஹா, களுத்துறை, கண்டி, இரத்தினபுரி, காலி மற்றும் மாத்தறை உள்ளிட்ட பல மாவட்டங்களில் கோரப்பட்டவாறு விநியோகம் இடம்பெறும். உள்ளூர் விவசாயிகளை ஆதரிப்பதிலும், தேவைப்படும் குடும்பங்களுக்கு உணவுப் பாதுகாப்பை உறுதி செய்வதிலும் இந்தத் திட்டத்தின் முக்கியத்துவத்தை விவசாய அமைச்சர் வலியுறுத்தினார்.