திருமண வைபவத்திற்கு தயாராகிக்கொண்டிருந்த மணப்பெண் மீது அசிட் வீசி தாக்குதல் நடத்திய நிலையில் பலத்த காயமடைந்து மாத்தறை பொது வைத்தியசாலையில் அனுமதிக்கப்பட்டுள்ளதாக வெலிகம பொலிஸார் தெரிவிக்கின்றனர்.

வெலிகம மதுராகொட பிரதேசத்தில் உள்ள வீடொன்றில் இந்த தாக்குதல் நடத்தப்பட்டுள்ளது.

இன்று அதிகாலை 3:00 மணியளவில் மணப்பெண் வீட்டிற்கு வந்த நபர் ஒருவர், மத முறைப்படி காலி பிரதேசத்தில் நடைபெறவிருந்த நிகழ்வுகளை ஏற்பாடு செய்து கொண்டிருந்த போது மணப்பெண் மீது அசிட் வீச்சு தாக்குதல் நடத்திவிட்டு தப்பிச் சென்றுள்ளதாக பொலிஸார் தெரிவித்துள்ளனர்.

தாக்குதலுக்கு உள்ளான யுவதி கடந்த சில வருடங்களுக்கு முன்னர் வெலிகம மதுராகொட பிரதேசத்தில் வசிக்கும் இளைஞன் ஒருவருடன் காதல் உறவில் ஈடுபட்டு வந்துள்ளார்.

இதற்கு பழிவாங்கும் வகையில், திருமண வைபவத்திற்கு தயாராகி வரும் மணப்பெண்ணின் முன்னாள் காதலன் என கூறிக்கொள்ளும் நபரே அசிட் தாக்குதலை நடத்தியுள்ளதாக முதற்கட்ட விசாரணைகளில் தெரியவந்துள்ளதாக பொலிஸார் தெரிவித்துள்ளனர்.

அவரை உடனடியாக கைது செய்து நீதிமன்றில் ஆஜர்படுத்துவதற்கு தேவையான ஏற்பாடுகள் செய்யப்பட்டுள்ளதாக பொலிஸார் தெரிவிக்கின்றனர்.