அண்மையில் ரணில் விக்கிரமசிங்கவின் அமைச்சு மாற்றத்திற்கு எதிராகப் பேசிய பாராளுமன்ற உறுப்பினர்களான சாகர காரியவசம் மற்றும் நாமல் ராஜபக்ச ஆகியோரின் கருத்துக்களுக்கு புதிய கூட்டணியின் பாராளுமன்ற உறுப்பினர் நிமல் லான்சா பதிலளித்த பின்னர், பொஹொட்டுவேயைச் சேர்ந்த பல அமைச்சர்கள் நாமல் ராஜபக்ஷவை தொலைபேசியில் தொடர்பு கொண்டு லான்சாவின் கருத்துக்கு ஏன் பதிலளிக்கவில்லை என வினவியுள்ளனர். 

லான்சாவின் கூற்றுக்கு ஊடகங்கள் மத்தியில் பெரும் விளம்பரம் கொடுக்கப்பட்டதன் காரணமாக சில அமைச்சர்கள் நாமலின் வீட்டிற்குச் சென்று நாமலைச் சந்தித்து இது குறித்து தெரிவித்துள்ளதாகவும் தெரிவிக்கப்படுகிறது.

அங்கு அவர்கள் அனைவரும் எதிர்பார்க்காத பதிலை நாமல் வழங்கினார்.

“அவ்வளவு யோசிக்க வேண்டாம்..லான்சா கொஞ்ச காலம் எங்கள் குடும்பத்துக்காக இருந்தவர்..தேர்தலில் எங்களுக்கு உதவி செய்தார்..அவருக்கும் ஒரு பிரச்சனை வந்தது. அப்போது மகிந்த ராஜபக்ச வீட்டிற்கு சென்று அவர் பக்கம் நின்றார். அதனால் பதில் சொல்லத் தேவையில்லை. நான் அந்த அளவிற்கு போக விரும்பவில்லை" என கூறிய நாமலின் பதிலால் பொஹொட்டுவின் அமைச்சர்கள் வெறுங்கையுடன் வீட்டிற்கு வர வேண்டியதாயிற்று.