எதிர்வரும் ஜனாதிபதித் தேர்தலில் ஐக்கிய தேசியக் கட்சியின் வேட்பாளராக தற்போதைய ஜனாதிபதி ரணில் விக்கிரமசிங்க நிரந்தரமாக நிறுத்தப்படுவார் என அக்கட்சியின் பொதுச் செயலாளர் பாலித ரங்கே பண்டார தெரிவித்துள்ளார்.

இந்நாட்டில் தற்போதுள்ள தலைவர்களில் சர்வதேச சமூகம் அங்கீகரித்து சந்தேகத்திற்கு இடமின்றி தீர்மானங்களை மேற்கொள்ளும் அனுபவமுள்ள ஒரேயொரு தலைவர் அவர்தான் எனவும் பொதுச் செயலாளர் தெரிவித்தார்.

ஜனாதிபதி எடுத்த தீர்மானங்களை அமுல்படுத்துவதன் மூலம் 25 வருடங்களின் பின்னர் நாட்டின் தேசிய வருமானம் அதிகரித்துள்ளதாகவும் மக்களுக்கு நிவாரணம் வழங்க முடியும் எனவும் அவர் குறிப்பிட்டுள்ளார்.

மக்கள் வரிசையில் நின்று நாட்டைக் கைப்பற்றக் கோரும் வேளையில் ஓடிப்போய் நாட்டின் அதிகாரத்தைக் கோரி மக்களைத் தவறாக வழிநடத்தும் நோக்கில் சிலர் செயற்படுவதாகவும் அவர் கூறினார்.

ஐக்கிய தேசியக் கட்சியின் தலைமையகமான சிறிகொத்தவில் நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் மேற்கண்டவாறு தெரிவித்தார்.