இராஜாங்க அமைச்சர் எஸ்.வியாளேந்திரன் மற்றும் முன்னாள் அமைச்சர் நசீர் அஹமட் ஆகியோர் புதிய கூட்டணியில் இணைய தீர்மானித்துள்ளனர்.

எதிர்வரும் 24ஆம் திகதி கொழும்பு ஹைட் சதுக்கத்தில் நடைபெறவுள்ள புதிய கூட்டணியின் இரண்டாவது பொதுக்கூட்டத்தில் உத்தியோகபூர்வமாக இணையவுள்ளதாக இடதுசாரி கட்சி வட்டாரங்கள் தெரிவிக்கின்றன.

இவர்கள் இருவரும் மட்டக்களப்பு மாவட்டத்தை பிரதிநிதித்துவப்படுத்தி பாராளுமன்றத்திற்கு தெரிவு செய்யப்பட்டவர்கள் என்பதுடன் கிழக்கு மாகாணத்தில் முஸ்லிம் மற்றும் தமிழ் மக்கள் மத்தியில் மக்களின் நன்மதிப்பை பெற்ற பாராளுமன்ற உறுப்பினர்கள் என்பதும் விசேட அம்சமாகும்.

இவர்களுக்குப் பின்னால் உள்ள மேலும் பல பிராந்திய அரசியல் தலைவர்களும் எதிர்காலத்தில் புதிய கூட்டணியில் இணையப் போகிறார்கள் என்பதையும் மேற்கண்ட வட்டாரங்கள் உறுதிப்படுத்தியுள்ளன.