தனது வீட்டையும் அண்மித்த பகுதியையும் சுற்றி இரவு வேளைகளில் ஆயுதம் ஏந்திய கும்பல் மோட்டார் சைக்கிள்களில் பயணிப்பதாக இலங்கை தமிழ் அரசு கட்சி தலைவர், தமிழ்க் கூட்டமைப்பின் நாடாளுமன்ற உறுப்பினர் எஸ். ஸ்ரீதரன் கூறுகிறார்.
இந்த மோட்டார் சைக்கிள் ஓட்டுநர்கள் தலையில் துணியை மூடியவாறு ஹெல்மெட் அணிந்து பயணிப்பது அவரது வீட்டின் கேமரா அமைப்பில் பதிவாகியுள்ளதாகவும் அவர் கூறினார்.
இது தொடர்பில் பொலிஸில் முறைப்பாடு செய்தும் பலனில்லை எனவும், முன்னரே முறைப்பாடு செய்ததையடுத்து சுமார் இருநூறு பாதுகாப்புப் படையினர் தனது வீட்டை முற்றுகையிட்டு வீட்டைச் சோதனையிட்டதாகவும் எம்.பி. கூறினார்.
இது குறித்து தாம் பொலிஸாரிடம் தெரிவிக்காவிட்டாலும், தனது பாதுகாப்பின்மை மற்றும் உயிருக்கு உள்ள அச்சுறுத்தல்கள் குறித்து எழுத்து மூலம் சபாநாயகருக்கு அறிவித்ததாகவும் அவர் கூறுகிறார்.
