ஜனாதிபதி அனுரகுமார திசாநாயக்க, ஐக்கிய நாடுகள் சபையின் பொதுச் சபைக் கூட்டத்தில் கலந்து கொள்வதற்காக செப்டம்பர் 22 ஆம் திகதி அமெரிக்கா செல்ல உள்ளார்.

இந்த விஜயத்தின் போது, ​​ஜனாதிபதி, ஐ.நா. பொதுச்செயலாளர் அன்டோனியோ குட்டெரெஸ் உட்பட பல்வேறு நாடுகளின் அரச தலைவர்கள் மற்றும் உயர் அதிகாரிகளைச் சந்தித்து இருதரப்பு கலந்துரையாடல்களை நடத்துவார் என்று எதிர்பார்க்கப்படுகிறது.

அமெரிக்காவுக்கான தனது பயணத்தை முடித்த பின்னர், ஜனாதிபதி திசாநாயக்க, ஜப்பான் அரசாங்கத்தின் அழைப்பின் பேரில் செப்டம்பர் 26 ஆம் திகதி ஜப்பானுக்கு அரசு முறைப் பயணமாகச் செல்ல உள்ளார்.

ஜப்பானில், இந்த மாதம் 27 ஆம் திகதி நடைபெறும் உலக எக்ஸ்போ சர்வதேச வர்த்தக கண்காட்சியில் கலந்து கொள்ள உள்ளார், மேலும் ஜப்பானின் உயர் அதிகாரிகளுடன் கலந்துரையாடல்களை நடத்தவும் உள்ளார்.