2025 ஆம் ஆண்டில் ஸ்ரீ லங்கா முதலீட்டு வாரியம் (BOI) முக்கியமான சாதனையை பதிவு செய்துள்ளது.

அந்த ஆண்டில் நாட்டிற்குள் வந்த வெளிநாட்டு நேரடி முதலீடு (FDI) 1,057 மில்லியன் அமெரிக்க டொலராக உயர்ந்துள்ளதுடன், இது 2024 ஆம் ஆண்டுடன் ஒப்பிடுகையில் 72 சதவீத உயர்வாகும்.

இந்த வளர்ச்சி, உலகளாவிய முதலீட்டாளர்களின் புதிய நம்பிக்கையை பிரதிபலிப்பதாகவும், மக்ரோ பொருளாதார நிலைத்தன்மை மற்றும் மேம்படுத்தப்பட்ட முதலீட்டு வசதிகள் இதற்கு ஆதரவாக இருந்ததாகவும் BOI தெரிவித்துள்ளது.

2025 ஆம் ஆண்டில் மொத்தம் 188 நிறுவனங்கள் நாட்டில் முதலீடு செய்துள்ளன. இதில் 24 புதிய திட்டங்கள் அடங்குவதுடன், அவற்றின் முதலீட்டு மதிப்பு 134 மில்லியன் அமெரிக்க டொலர் ஆகும். இது மொத்த FDIயின் 13 சதவீதமாகும்.

மீதமுள்ள 923 மில்லியன் அமெரிக்க டொலர், ஏற்கனவே செயல்பாட்டிலுள்ள நிறுவனங்களின் விரிவாக்கங்கள் மற்றும் மறுமுதலீடுகள் மூலம் கிடைத்துள்ளது.

துறைகள் அடிப்படையில்,

• உற்பத்தித் துறை – 46%
• துறைமுக அபிவிருத்தி – 26%
• சுற்றுலாத் துறை – 11%
  என முதலீட்டில் முன்னணியில் இருந்தன.

சிங்கப்பூர், இந்தியா, பிரான்ஸ், நெதர்லாந்து மற்றும் லக்ஸம்பர்க் ஆகிய நாடுகள் முக்கிய முதலீட்டு மூல நாடுகளாக விளங்கின.

மேலும், 2025 ஆம் ஆண்டில் BOI அனுமதி பெற்ற 146 திட்டங்களின் மொத்த மதிப்பு 1,906 மில்லியன் அமெரிக்க டொலராக இருந்ததுடன், அவற்றின் மூலம் 896 மில்லியன் அமெரிக்க டொலர் வெளிநாட்டு முதலீடு எதிர்பார்க்கப்படுகிறது.

2026 ஆம் ஆண்டிற்காக, BOI 1.5 பில்லியன் அமெரிக்க டொலர் FDI இலக்கை நிர்ணயித்துள்ளதுடன், உயர் தர முதலீட்டாளர்களை ஈர்க்கும் வகையில் 20 கட்டமைக்கப்பட்ட முதலீட்டு திட்டங்களை அறிமுகப்படுத்த திட்டமிட்டுள்ளது.

ஸ்ரீ லங்கா நிலையான முதலீட்டு இலக்காக வளர்ந்து வரும் நிலையில்,விரைவான அனுமதிகள், அமைச்சுக்களுடன் நெருங்கிய ஒருங்கிணைப்பு மற்றும் வலுவான முதலீட்டாளர் சேவைகள் இந்த வெற்றிக்கு காரணமாக அமைந்துள்ளதாக BOI தெரிவித்துள்ளது.