சமூக ஊடகங்களில் ஒரு குழந்தை துன்புறுத்தப்பட்டாலோ அல்லது சிரமத்திற்கு ஆளாக்கப்பட்டாலோ, அந்தத் தகவலைப் பதிவிடும் நபர் மீது கடுமையான சட்ட நடவடிக்கை எடுக்கப்படும் என்று தேசிய குழந்தைகள் பாதுகாப்பு ஆணையம் தெரிவித்துள்ளது.

சமீப காலங்களில் இதுபோன்ற பல சம்பவங்கள் சமூக ஊடகங்களில் பதிவாகியுள்ளதாகவும், குழந்தைகளின் அடையாளங்கள் சமூகத்திற்கு வெளிப்படுத்தப்பட்டுள்ளதாகவும், இந்தக் குழந்தைகள் மிகவும் ஆபத்தான சம்பவங்களை எதிர்கொள்ள நேரிட்டுள்ளதாகவும் தேசிய குழந்தைகள் பாதுகாப்பு ஆணையத்திற்குத் தெரிவிக்கப்பட்டுள்ளது என்று அதன் தலைவர் பிரீதி இனோகா ரணசிங்க தெரிவித்துள்ளார்.

தண்டனைச் சட்டத்தின் பிரிவு 365 [d] இன் படி, துஷ்பிரயோகத்திற்கு ஆளான குழந்தையின் பெயர் அல்லது அடையாளத்தை வெளிப்படுத்தும் நபருக்கு இரண்டு ஆண்டுகள் சிறைத்தண்டனை அல்லது அபராதம் விதிக்கப்படலாம்.

சமூக ஊடகங்களில் குழந்தைகள் தொடர்பான சம்பவங்கள் பதிவாகினால், 1929 என்ற குழந்தை ஆதரவு சேவை இலகத்துக்கு அழைப்பதன் மூலம் தேசிய குழந்தைகள் பாதுகாப்பு ஆணையத்திற்குத் தெரிவிக்க வேண்டும் என்று தலைவர் பிரீதி இனோகா ரணசிங்க மேலும் தெரிவித்துள்ளார்.