அஸ்வெசும நலத்திட்டத்தின் முதல் கட்டத்தின் கீழ், 70 வயதுக்கு மேற்பட்ட முதியோருக்கான மார்ச் மாத கொடுப்பனவு தொடர்பாக நலத்திட்ட பயன்கள் வாரியம் அறிவிப்பு வெளியிட்டுள்ளது.

அதன்படி, குறித்த கொடுப்பனவுகள் நாளை (26) வழங்கப்பட உள்ளதாக தெரிவிக்கப்பட்டுள்ளது.

இந்த திட்டத்தின் கீழ், முதல் கட்டமாக 70 வயதுக்கு மேற்பட்ட 622,462 பேருக்கு ரூ. 3,112,310,000 தொகை வழங்கப்பட உள்ளது. மேலும், இரண்டாம் கட்டத்தில் 71,339 பேருக்கு ரூ. 356,695,000 வழங்கப்பட உள்ளதாகவும் தெரிவிக்கப்பட்டுள்ளது.

இத்தொகைகள் நாளை பயனாளர்களின் வங்கி கணக்குகளுக்கு மாற்றப்படவுள்ளதுடன், மார்ச் 26ஆம் திகதி முதல் தங்களது அஸ்வெசும பயனாளர் கணக்குகள் மூலம் பெற முடியும் என்றும் அந்த அறிவிப்பில் குறிப்பிடப்பட்டுள்ளது.