முன்னாள் ஜனாதிபதி மஹிந்த ராஜபக்ஷவின் மனைவியான ஷிரந்திராஜபக்ஷவை கைது செய்யத் தயாராக உள்ளதாக சமூக ஊடகங்களில் செய்திகள் பரவி வருகின்றன.

அந்த தகவல்களின் படி, மகிந்த ராஜபக்ச ஜனாதிபதியாக இருந்த காலத்தில் இடம்பெற்றதாக கூறப்படும் ஒரு சம்பவம் தொடர்பாக நடைபெற்று வரும் விசாரணையின் அடிப்படையில் இந்த கைது நடவடிக்கை மேற்கொள்ளப்படலாம் என குறிப்பிடப்பட்டுள்ளது.

இதுகுறித்து தொடர்பு கொண்டபோது SLPP கட்சியின் பேச்சாளர் ஒருவர் தெரிவித்ததாவது, ஷிராந்தி ராஜபக்ச அவர்களுக்கு இதுவரை CID மூலம் எந்த அழைப்பும் வழங்கப்படவில்லை என்றார். 

மேலும், அவரை கைது செய்யும் வகையில் எந்தத் தீர்மானமும் எடுக்கப்பட்டுள்ளதா என்பது குறித்து உறுதியாக கூற முடியாது என்றும் அவர் தெரிவித்துள்ளார்.

இந்நிலையில், சமூக ஊடகங்களில் பரவி வரும் தகவல்களின் நம்பகத்தன்மை குறித்து இதுவரை அதிகாரப்பூர்வ உறுதிப்படுத்தல் எதுவும் வெளியாகவில்லை.