இலங்கையின் பல மாவட்டங்களில் டெங்கு நோய் பரவல் அதிகரித்து வருவதாக சுகாதார அமைச்சகம் அறிவித்துள்ளது.

அதன்படி, கொழும்பு, கம்பஹா மற்றும் களுத்துறை உள்ளிட்ட பல மாவட்டங்களில் டெங்கு நோயாளிகள் எண்ணிக்கை உயர்ந்து வருவதாக தெரிவிக்கப்படுகிறது.

ஏப்ரல் மாதத்தில் மட்டும் 4,617 நோயாளிகள் அடையாளம் காணப்பட்டுள்ளதுடன், இவ்வருடம் இதுவரை டெங்கு காரணமாக 12 மரணங்கள் பதிவாகியுள்ளதாக தேசிய டெங்கு கட்டுப்பாட்டு பிரிவின் செயற்பாட்டு பணிப்பாளர் டாக்டர் கபில கன்னங்கர தெரிவித்துள்ளார்.

மழைப்பொழிவு அதிகரிப்புடன் கொசுக்கள் பெருகும் இடங்கள் அதிகரித்திருப்பது இந்த நோய் பரவலின் முக்கிய காரணமாகக் குறிப்பிடப்பட்டுள்ளது.

இதனைத் தொடர்ந்து, மேற்கு மாகாணத்தை மையமாகக் கொண்டு சிறப்பு டெங்கு ஒழிப்பு நடவடிக்கைகள் முன்னெடுக்கப்பட்டு வருகின்றன.