தனியார் துறையின் சம்பளங்களை இதுவரை உயர்த்தாத நிறுவனங்கள் தொடர்பாக தொழில் அமைச்சு கவனம் செலுத்தியுள்ளது.
தனியார் பாதுகாப்பு சேவைகளை வழங்கும் சில நிறுவனங்களின் தலைவர்களுக்கும், தொழில் துணை அமைச்சர் மஹிந்த சமரசிங்கவுக்கும் இடையிலான கலந்துரையாடல் தொழில் அமைச்சில் நடைபெற்றது.
அரசு தனியார் துறைக்காக அறிவித்த குறைந்தபட்ச சம்பள உயர்வை இதுவரை வழங்காத நிறுவனங்கள் குறித்து அங்கு கவனம் செலுத்தப்பட்டது. இதில், பல நிறுவனங்கள் ஏற்கனவே சம்பள உயர்வை வழங்கியுள்ளதாக தெரிவிக்கப்பட்டது.
இதுவரை சம்பள உயர்வை வழங்காத நிறுவனங்கள் குறித்து ஆராய்ந்து நடவடிக்கை எடுக்குமாறு துணை அமைச்சர், சம்பந்தப்பட்ட அதிகாரிகளுக்கு அறிவுறுத்தல் வழங்கியுள்ளார்.
