அடுத்து வரும் விடுமுறை நாட்களில் இலங்கைக்கு பயணம் செய்யும் அமெரிக்கப் பிரஜைகள் தமது பாதுகாப்பு தொடர்பில் விழிப்புடன் இருக்குமாறு கொழும்பிலுள்ள அமெரிக்கத் தூதரகம் எச்சரிக்கை விடுத்துள்ளது.

தீவிரவாதிகள் சிறு அளவிலான தாக்குதல்களை நடத்தலாமென்றும் , பாதுகாப்பு தொடர்பில் கவனம் செலுத்தி செயற்படுமாறும் தூதரகத்தின் செய்திக் குறிப்பொன்றில் தெரிவிக்கப்பட்டுள்ளது.

சுற்றுலா இடங்கள், போக்குவரத்து நிலையங்கள் , சந்தைகள், வணிக வளாகங்கள், அரச அலுவலகங்கள் , ஹோட்டல்கள், கேளிக்கை விடுதிகள் , உணவகங்கள், வழிபாட்டுத் தலங்கள், பூங்காக்கள், முக்கிய விளையாட்டு மற்றும் கலாச்சார நிகழ்வுகள், கல்வி நிறுவனங்கள், விமான நிலையங்கள், மருத்துவமனைகள் மற்றும் பிற பொதுப் பகுதிகள் தீவிரவாதிகளின் தாக்குதல் இலக்காக இருக்கலாம் எனவும் அதில் குறிப்பிடப்பட்டுள்ளது