மினுவாங்கொடை தனியார் ஆடைத்தொழிற்சாலை கொத்தணியில் கொரோனா தொற்றாளர்களின் எண்ணிக்கை ஆயிரத்து 721 ஆக உயர்வடைந்துள்ளது.

நேற்றைய நாளில் 130 பேர் அடையாளம் காணப்பட்ட நிலையிலேயே, இந்த எண்ணிக்கை அதிகரித்துள்ளதாக அரசாங்க தகவல் திணைக்களம் தெரிவிக்கின்றது.

இதன்படி, நாட்டில் கொரோனா தொற்றினால் பாதிக்கப்பட்டவர்களின் எண்ணிக்கை 5 ஆயிரத்து 170 ஆக அதிகரித்துள்ளது.

அத்துடன், ஆயிரத்து 800 பேர் தொடர்ந்தும் வைத்தியசாலைகளில் அனுமதிக்கப்பட்டு சிகிச்சைப்பெற்று வருகின்றனர்.

இதேவேளை, கொரோனா தொற்றுக்கு உள்ளான நிலையில் சிகிச்சை பெற்றுவந்த 29 பேர் குணமடைந்த நிலையில், நேற்றைய தினம் தமது வீடுகளுக்குத் திரும்பியுள்ளனர்.

இதன்படி, கொரோனா தொற்றில் இருந்து குணமடைந்தவர்களின் மொத்த எண்ணிக்கை 3 ஆயிரத்து 357 ஆக அதிகரித்துள்ளது.