அரச நிறுவனங்களில் செலவுகளைக் குறைக்குமாறு நிதியமைச்சகம் அனைத்து அமைச்சர்கள் மற்றும் அமைச்சுக்களின் செயலாளர்களுக்கும் விசேட உத்தரவு ஒன்றை அனுப்பியுள்ளது.

வரவு செலவுத் திட்டத்தில் ஒதுக்கப்பட்டுள்ள திட்டங்களைத் தவிர வேறு எந்த திட்டங்களுக்கும் நிதி கோருவதைத் தவிர்க்குமாறு அனைத்து அமைச்சர்கள் மற்றும் அமைச்சுக்களின் செயலாளர்களுக்கு நிதியமைச்சு அறிவுறுத்தியுள்ளது.

மேலும், டிசம்பர் 21ஆம் தேதி வெளியிடப்பட்ட சுற்றறிக்கையிலும், ஜனவரி 12ஆம் தேதி வெளியிடப்பட்ட அரசின் செலவினங்களைக் கட்டுப்படுத்தி வெளியிடப்பட்ட சுற்றறிக்கையிலும் உள்ள உத்தரவுகளை கண்டிப்பாக அமல்படுத்த வேண்டும் என்றும் உத்தரவிட்டுள்ளது.

ஒருங்கிணைக்கப்பட்ட நிதியிலிருந்து எரிபொருள் கொடுப்பனவுகளைப் பெறும் அமைச்சர்கள், பாராளுமன்ற உறுப்பினர்கள் மற்றும் நிறுவனங்களின் தலைவர்களின் எரிபொருள் செலவினங்களை மட்டுப்படுத்தவும் அது அறிவுறுத்தியுள்ளது.

மேலும், தொலைபேசி மற்றும் மின்சார செலவுகள் போன்ற அரச நிறுவனங்களால் மேற்கொள்ளப்படும் அனைத்து செலவுகளையும் கண்டிப்பாக கட்டுப்படுத்துமாறு நிதியமைச்சகம் அறிவுறுத்தியுள்ளது.