web log free
March 28, 2024

ரஞ்சனுக்கு விரைவில் ஜனாதிபதி பொது மன்னிப்பு

முன்னாள் பாராளுமன்ற உறுப்பினர் ரஞ்சன் ராமநாயக்கவுக்கு ஜனாதிபதி மன்னிப்பு வழங்குவதற்கு தேவையான ஆவணங்களை தயார் செய்யுமாறு பதில் ஜனாதிபதி ரணில் விக்ரமசிங்க அதிகாரிகளுக்கு பணிப்புரை விடுத்துள்ளார்.

அமைச்சர்களான ஹரின் பெர்னாண்டோ மற்றும் மனுஷ நாணயக்கார ஆகியோர் பதில் ஜனாதிபதியை சந்தித்து, முன்னாள் பாராளுமன்ற உறுப்பினர் ரஞ்சன் ராமநாயக்கவிற்கு ஜனாதிபதி மன்னிப்பு வழங்குவதற்கான நடவடிக்கைகளை துரிதப்படுத்துமாறு கோரிக்கை விடுத்துள்ளதாக தகவல்கள் தெரிவிக்கின்றன.

முறையான சட்ட நடைமுறைகளை பின்பற்றி இந்த நடவடிக்கையை துரிதப்படுத்துமாறு பதில் ஜனாதிபதி நீதி அமைச்சர் விஜயதாச ராஜபக்ஷவிற்கு பணிப்புரை விடுத்துள்ளதாக தெரிவிக்கப்படுகின்றது.

Last modified on Saturday, 16 July 2022 07:21