பிரதமர் தினேஷ் குணவர்தனவை பிரதமர் பதவியில் இருந்து நீக்கும் திட்டம் இருப்பதாக அரசியல் வட்டாரங்கள் தெரிவிக்கின்றன.

இதன்படி, 2023ஆம் ஆண்டுக்கான வரவு செலவுத் திட்டத்தை முன்வைப்பதற்கு முன்னதாக ஆளும் கட்சியிலிருந்து புதிய பிரதமர் ஒருவர் நியமிக்கப்பட உள்ளதாகத் தெரிவிக்கப்படுகிறது.

இதற்கு எதிர்க்கட்சிகள் மற்றும் சுயேச்சை எம்.பி.க்களின் ஆதரவை ஸ்ரீலங்கா பொதுஜன பெரமுன கோரியுள்ளது.

ஆளுங்கட்சி எதிர்க்கட்சி உறுப்பினர்களை அத்தகைய ஆதரவிற்கு அழைத்துள்ளதாகவும் அந்த வட்டாரங்கள் குறிப்பிட்டுள்ளன.

இந்த அழைப்பை சில சுயேச்சை எம்.பி.க்கள் நிராகரித்துள்ளதாகவும் தெரிவிக்கப்படுகிறது.

இதேவேளை நிரந்தர அமைச்சரவை நியமனம் மேலும் தாமதமாகும் என அந்த வட்டாரங்கள் தெரிவித்துள்ளன.

அமைச்சரவை பதவிகளுக்காக ஸ்ரீலங்கா பொதுஜன பெரமுன சமர்ப்பித்துள்ள பெயர் பட்டியலில் உள்ள சில பெயர்களுக்கு எதிர்ப்புத் தெரிவித்தமையும் இந்த அமைச்சரவை நியமனத்தில் தாமதம் ஏற்படுவதற்கு காரணமாகியுள்ளதாக தெரிவிக்கப்படுகின்றது.

சுமார் 35 இராஜாங்க அமைச்சர்கள் நியமிக்கப்பட உள்ளதாகத் தெரிவிக்கப்படுகிறது.

இராஜாங்க அமைச்சர் பதவிகளுக்காக பொதுஜன பெரமுனவினால் பரிந்துரைக்கப்பட்ட பாராளுமன்ற உறுப்பினர்களின் பட்டியலை அக்கட்சி ஜனாதிபதியிடம் சமர்ப்பித்துள்ளது.