முத்துராஜவெல முனையத்தில் எரிபொருள் இருப்பு இன்மையால் மூடப்பட்டுள்ளதாகவும் இதன் காரணமாக எரிபொருள் நிரப்பு நிலையங்களில் எரிபொருள் இல்லாததால் மக்கள் மிகவும் சிரமத்திற்கு உள்ளாகியுள்ளதாகவும் எரிபொருள் நிரப்பு நிலைய நிர்வாகம் தெரிவிக்கின்றது.

முத்துராஜவெல முனையத்தில் எரிபொருள் இருப்பு இல்லையென மிகவும் நம்பகமான வட்டாரங்களிலிருந்து தமக்கு தெரியவந்ததாக தெரிவித்த கொழும்பில் உள்ள எரிபொருள் நிரப்பு நிலையம் ஒன்றின் முகாமையாளர், பணியாளர்கள் பணிக்கு வந்து பிற்பகலில் வெளியேறும் நிலை காணப்படுவதாகத் தெரிவித்துள்ளார்.

நேற்று முன்தினம் வெளியிடப்படவுள்ளதாக பட்டியலிடப்பட்டிருந்த 500 எரிபொருள் கையிருப்புகளில் பாதிக்கும் குறைவான எரிபொருள்களை பெற்றோலிய கூட்டுத்தாபனம் வெளியிட்டுள்ளதாகவும், கொலன்னாவ முனையத்திலிருந்து எரிபொருள் விநியோகம் தாமதமாகி வருவதாகவும் எரிபொருள் நிரப்பு நிலைய நிர்வாகம் தெரிவித்துள்ளது.