உத்தேச அமைச்சரவைத் திருத்தத்தின் பிரகாரம் புதிதாக 7 அமைச்சரவை அமைச்சர்கள் நியமிக்கப்பட உள்ளதாக அரசாங்கத் தகவல்கள் தெரிவிக்கின்றன.

அரசியலமைப்பின் பிரகாரம் அமைச்சரவைக்கு மேலும் 12 அமைச்சர்களை நியமிக்க முடியும் எனினும் முதற்கட்டமாக 7 பேர் மாத்திரமே நியமிக்கப்படவுள்ளதாக தெரிவிக்கப்படுகின்றது.

வரவு செலவுத் திட்டம் நிறைவேற்றப்பட்டதன் பின்னர் குறித்த நியமனங்கள் இடம்பெறும் எனத் தெரிவிக்கப்படுகிறது.

அரசியலமைப்பின் பிரகாரம் அமைச்சரவைக்கு நியமிக்கப்படக்கூடிய மொத்த அமைச்சர்களின் எண்ணிக்கை 30 ஆகும். அவர்களில் 18 பேர் தற்போது நியமிக்கப்பட்டுள்ளனர்.

பதவியேற்கவுள்ள அமைச்சர்களில் 06 பேர் மொட்டு கட்சியை பிரதிநிதித்துவப்படுத்துவதுடன் ஐக்கிய தேசியக் கட்சியின் வஜிர அபேவர்தனவுக்கும் அமைச்சுப் பதவி கிடைக்குமென அந்த வட்டாரங்கள் மேலும் தெரிவித்தன.